Summer Car AC Tips: ગરમીના દિવસોમાં કારમાં ACનો યોગ્ય ઉપયોગ કરો, નહીં તો માઇલેજમાં પડશે સીધી અસર!
ગરમીમાં કારમાં ACનો ઉપયોગ જરૂરી બની જાય છે, પરંતુ તેનો સીધો અસર માઇલેજ પર પડે છે. યોગ્ય સ્પીડ અને સેટિંગ્સથી તમે કાર ઠંડી પણ રાખી શકો અને ફ્યુઅલ પણ બચાવી શકો છો.
ગરમીના દિવસોમાં કાર ચલાવતી વખતે એર કન્ડિશનર (AC)નો ઉપયોગ લગભગ અનિવાર્ય બની જાય છે. પરંતુ ઘણા ડ્રાઇવરોને ખબર નથી કે ACનો ખોટો ઉપયોગ કારના માઇલેજને અસર કરી શકે છે. AC સિસ્ટમ એન્જિનમાંથી પાવર લે છે, એટલે જો તેનો યોગ્ય રીતે ઉપયોગ ન કરવામાં આવે તો ફ્યુઅલ કે ગેસ વધુ વપરાય છે. (Image Credit Source: Social Media)
કારમાં AC ચલાવતી વખતે સૌથી મહત્વની બાબત તેની સ્પીડ સેટિંગ છે. સામાન્ય રીતે લોકો વધારે ઠંડક મેળવવા માટે ફેન સ્પીડ વધારે રાખે છે. પરંતુ આ પદ્ધતિ એન્જિન પર વધુ ભાર નાખે છે, જેના કારણે પેટ્રોલ, ડીઝલ અથવા ગેસ વધુ વપરાય છે. તેથી, ACને મધ્યમ લેવલ (જેમ કે 1 અથવા 2 સ્પીડ) પર ચલાવવું વધુ યોગ્ય માનવામાં આવે છે. આ રીતે કેબિન ઠંડું પણ રહે છે અને માઇલેજ પર ઓછો પ્રભાવ પડે છે. (Image Credit Source: Social Media)
જો તમારી કારમાં ઓટોમેટિક ક્લાઈમેટ કંટ્રોલ હોય, તો તાપમાનને 24થી 26 ડિગ્રી વચ્ચે સેટ કરવું શ્રેષ્ઠ છે. આ રેન્જમાં AC વધુ કાર્યક્ષમ રીતે કામ કરે છે અને એન્જિન પર અનાવશ્યક લોડ પણ નથી પડતો. (Image Credit Source: Social Media)
બીજી એક મહત્વની બાબત એ છે કે કાર જો લાંબા સમય સુધી સૂર્યપ્રકાશમાં પાર્ક રહી હોય, તો તરત જ AC ચાલુ ન કરવો. પહેલાથી બારીઓ ખોલીને અંદરની ગરમ હવા બહાર નીકળી જાય તે માટે થોડો સમય આપવો જોઈએ. આથી ACને કેબિન ઠંડું કરવામાં સરળતા રહે છે અને ઊર્જાનો બચાવ થાય છે. (Image Credit Source: Social Media)
રીસર્ક્યુલેશન મોડનો ઉપયોગ કરવો પણ એક સારો ઉપાય છે. આ મોડમાં કારની અંદરની ઠંડી હવા ફરી વપરાય છે, જેથી ACને સતત નવી હવા ઠંડી કરવાની જરૂર નથી રહેતી. પરિણામે, ફ્યુઅલનો ખર્ચ ઘટે છે. (Image Credit Source: Social Media)
કારના AC સિસ્ટમની નિયમિત સર્વિસિંગ કરાવવી પણ ખૂબ જ જરૂરી છે. સારી સ્થિતિમાં રહેલું AC ઓછી શક્તિમાં વધુ સારી કૂલિંગ આપે છે. (Image Credit Source: Social Media)
અંતમાં, હવામાન અનુસાર ACનો ઉપયોગ કરવો જોઈએ. જ્યારે હવામાન બહુ ગરમ ન હોય ત્યારે બારીઓ ખોલીને અથવા ફેનનો ઉપયોગ કરીને પણ ડ્રાઈવિંગ કરી શકાય છે. (Image Credit Source: Social Media)
યોગ્ય રીતે ACનો ઉપયોગ કરવાથી તમે આરામ સાથે સાથે ફ્યુઅલ ખર્ચમાં પણ બચત કરી શકો છો. (Image Credit Source: Social Media)
Published On - 2:13 pm, Tue, 17 March 26
