Breaking News : જો વરસાદને કારણે ગોલ્ડ મેડલ મેચ ધોવાઈ જાય તો કોને ગોલ્ડ મેડલ મળશે?
2026 એશિયન ગેમ્સ (Asian Games 2026 )માં પુરુષોની ક્રિકેટ ફાઇનલ પર વરસાદનો ખતરો છે. જો 3 ઓક્ટોબરે યોજાનારી ટાઇટલ મેચ વરસાદને કારણે રદ થાય છે, તો કોઈપણ એક ટીમને વિજેતા જાહેર કરવામાં આવશે નહીં. જો ક્રિકેટ ફાઇનલ વરસાદને કારણે ધોવાઈ જાય, તો ગોલ્ડ મેડલ કોણ જીતશે? નિયમો જાણો.
એશિયન ગેમ્સમાં અત્યાર સુધીની ચારેય ક્વાર્ટર ફાઇનલ મેચ વરસાદના કારણે ધોવાઈ ગઈ છે, અને હવે એશિયન ગેમ્સમાં ક્રિકેટની ગોલ્ડ મેડલ મેચમાં પણ જો વરસાદ આવશે. તો ગોલ્ડ મેડલ કોણ જીતશે. તેની હાલ ચર્ચા થઈ રહી છે.
જાપાનમાં અત્યાર સુધી રમાયેલી એશિયન ગેમ્સથી ક્રિકેટ ચાહકો ખૂબ જ નિરાશ થયા છે. બધી ક્વાર્ટર ફાઇનલ ધોવાઈ ગઈ છે, એક પણ બોલ ફેંકાયો નથી. વરસાદને કારણે ભારત વિરુદ્ધ અફઘાનિસ્તાન, પાકિસ્તાન વિરુદ્ધ હોંગકોંગ, શ્રીલંકા વિરુદ્ધ નેપાળ અને બાંગ્લાદેશ વિરુદ્ધ મલેશિયા સામેની મેચો રદ થઈ ગઈ છે.
એશિયન ગેમ્સ ઓર્ગેનાઈઝિંગ કમિટી અનુસાર, પુરુષોની ક્રિકેટ ફાઈનલ માટે કોઈ રિઝર્વ ડે રાખવામાં આવ્યો નથી. આનો અર્થ એ થયો કે જો મેચ નિર્ધારિત દિવસે રમી શકાતી નથી, તો બીજા દિવસે મેચ ફરીથી શેડ્યૂલ કરવાનો કોઈ વિકલ્પ રહેશે નહીં.
અને હવે, ફાઇનલ મેચ અંગે ચિંતાઓ વધી રહી છે.હવે ફાઇનલ વિશે વાત કરીએ. છેલ્લી એશિયન ગેમ્સની ફાઇનલ વરસાદને કારણે ધોવાઈ ગઈ હતી. ભારત અને અફઘાનિસ્તાન ફાઇનલમાં હતા, અને ભારતે સારા રેન્કિંગના કારણે ગોલ્ડ મેડલ જીત્યો હતો.
પરંતુ આ વખતે, આ નિયમ બદલાયો છે. ગત્ત ગેમ્સની ફાઇનલમાં આ નિયમની ભારે ટીકા થઈ હતી. તેથી જ આ વખતે ફેરફાર કરવામાં આવ્યો છે, જે ICC નિયમો સાથે સુસંગત છે અને બંને ટીમો માટે વાજબી લાગે છે.
નવા નિયમો અનુસાર, જો ફાઇનલ મેચ વરસાદને કારણે રદ થાય છે, તો બંને ટીમોને ગોલ્ડ મેડલ આપવામાં આવશે. ટુંકમાં જો ભારત અને પાકિસ્તાનની ફાઈનલ મેચમાં વરસાદ આવશે. તેમજ રદ થાય છે. તો બંને ટીમને ગોલ્ડ મેડલ મેચ મલશે.
હાલના નિયમો અનુસાર, જો બંને ટીમો ઓછામાં ઓછી પાંચ ઓવર રમી હોય તો જ મેચને સત્તાવાર ગણવામાં આવશે, નહીં તો તે રદ કરવામાં આવશે.
જો પાંચ ઓવર રમ્યા પછી વરસાદ આવે છે, તો DLS (ડકવર્થ-લુઈસ) પદ્ધતિનો ઉપયોગ કરવામાં આવશે. તે કિસ્સામાં, ફક્ત એક જ ટીમને ગોલ્ડ મેડલ આપવામાં આવશે.
આનો અર્થ એ થયો કે જો વરસાદને કારણે મેચ રદ થાય છે, તો ગોલ્ડ મેડલનો નિર્ણય ICC રેન્કિંગના આધારે કરવામાં આવશે નહીં. (All Photo : PTI)
