Breaking News : ફ્રુટ્સના વ્યવસાય સાથે જોડાયેલી કંપનીએ શેર Buyback ની કરી જાહેરાત, જાણો A ટુ Z વિગત
સ્ટોક બાયબેક એટલે કંપની પોતે જ પોતાના શેર શેરબજારમાંથી અથવા શેરધારકો પાસેથી પાછા ખરીદે છે. સરળ ભાષામાં કહીએ તો, કંપની પોતાના રોકાણકારોને તેમના શેર વેચવા માટે એક નક્કી કિંમત આપે છે અને એ શેર ફરીથી પોતાના પાસે લઈ લે છે.
પ્યુરેટ્રોપ ફ્રુટ્સ લિમિટેડ (અગાઉ ફ્રેશટ્રોપ ફ્રુટ્સ લિમિટેડ) એ તેના રોકાણકારો માટે મહત્વપૂર્ણ નિર્ણય લીધો છે. કંપનીના બોર્ડ ઓફ ડિરેક્ટર્સે કુલ 11 લાખ સુધીના સંપૂર્ણ પેઇડ-અપ ઇક્વિટી શેર બાયબેક કરવાની મંજૂરી આપી છે. આ બાયબેક કંપનીની કુલ જાહેર કરાયેલ અને પેઇડ-અપ ઇક્વિટી શેર મૂડીના આશરે 13.80 ટકા જેટલું છે.
કંપની આ બાયબેક પ્રક્રિયા પ્રતિ ઇક્વિટી શેર રૂ.200 ના દરે કરશે. આ બાયબેક માટે કુલ રૂ.22 કરોડ સુધીની રકમ રોકડમાં ચૂકવવામાં આવશે, જેમાં ટ્રાન્ઝેક્શન ખર્ચ, કર અને અન્ય લાગુ ખર્ચાનો સમાવેશ થતો નથી. બાયબેક ટેન્ડર ઓફર રૂટ મારફતે અને સ્ટોક એક્સચેન્જ મિકેનિઝમ દ્વારા હાથ ધરવામાં આવશે.
આ બાયબેક અંગેની પોસ્ટલ બેલેટ નોટિસ તે તમામ શેરધારકોને મોકલવામાં આવી છે, જેમના નામ 9 જાન્યુઆરી, 2026 ની કટ-ઓફ તારીખે કંપનીના સભ્યોના રજિસ્ટર અથવા ડિપોઝિટરીઝના રેકોર્ડમાં નોંધાયેલા છે. શેરધારકોને આ મહત્વપૂર્ણ પ્રસ્તાવ પર પોતાનો મત આપવા આમંત્રિત કરવામાં આવ્યા છે.
કંપનીએ રિમોટ ઈ-વોટિંગ સુવિધા માટે NSDL ની સેવાઓ લીધી છે. રિમોટ ઈ-વોટિંગ પ્રક્રિયા 21 જાન્યુઆરી, 2026 ના રોજ સવારે 9 વાગ્યે શરૂ થઈ હતી અને 19 ફેબ્રુઆરી, 2026 ના રોજ સાંજે 5 વાગ્યે પૂર્ણ થશે. શેરધારકો તેમના હિસ્સાના પ્રમાણમાં મતદાન કરી શકશે અને મતદાન માત્ર ઈ-વોટિંગ દ્વારા જ માન્ય રહેશે.
પોસ્ટલ બેલેટ નોટિસ અને બાયબેક સંબંધિત સંપૂર્ણ વિગતો કંપનીની અધિકૃત વેબસાઇટ www.puretrop.com તેમજ NSDL ની વેબસાઇટ www.evoting.nsdl.com પર ઉપલબ્ધ છે. કંપનીનું માનવું છે કે આ બાયબેક પગલું શેરધારકો માટે મૂલ્ય સર્જન કરવામાં મદદરૂપ થશે અને બજારમાં કંપનીના શેર પ્રત્યે વિશ્વાસ વધારશે.
નોંધ : અહીં આપવામાં આવેલી માહિતી ફક્ત અપનીં જાણકારી માટે છે. કોઈ પણ રોકાણ કરવા પહેલા નિષ્ણાંતોની સલાહ લેવી જરૂરી છે.
Published On - 5:33 pm, Wed, 21 January 26
