Breaking News : મુંબઈ-અમદાવાદ બુલેટ ટ્રેન સાબરમતી નદી પર 12 માળનો ઊંચો પુલ તૈયાર, જુઓ ફોટો
મુંબઈ - અમદાવાદ બુલેટ ટ્રેન (Bullet Train) પ્રોજેક્ટમાં ગુજરાતના અમદાવાદમાં સાબરમતી ( Sabarmati )નદી પર બની રહેલા પુલનું નિર્માણ કામ પૂર્ણ થયું છે. બુલેટ ટ્રેનના 508 કિલોમીટર લાંબા પ્રોજેક્ટમાં કુલ 25 નદી પુલ છે. જેમાંથી 18 પુલનું નિર્માણ કામ પૂર્ણ થયું છે.
વડાપ્રધાન નરેન્દ્ર મોદીના ડ્રીમ પ્રોજેક્ટ મુંબઈ અમદાવાદ બુલેટ ટ્રેન પ્રોજેક્ટમાં મોટું અપડેટ સામે આવ્યું છે. અમદાવાદની સાબરમતી નદી પર બની રહેલા લાંબા બ્રિજનું નિર્માણ કામ પૂર્ણ થયું છે.
આ બુલેટ ટ્રેનના કામનો એક મોટો પડાવ હતા. અમદાવાદમાં સાબરમતી નદી પર 480 મીટર લાંબા પુલનું નિર્માણ પૂર્ણ થયું છે. અંદાજે 36 મીટર ઉંચો આ પુલ 12 માળની ઈમારતની બરાબર છે.
અમદાવાદમાં બુલેટ ટ્રેન કોરિડોરના મુખ્ય સંરચનાત્મક કામમાંથી એક છે. આ પુલ સાબરમતી અને અમદાવાદ બુલેટ ટ્રેન સ્ટેશનની વચ્ચે સ્થિત છે. જે સાબરમતી સ્ટેશનથી અંદાજે 1 કિલોમીટર અને અમદાવાદ સ્ટેશનથી અંદાજે 4 કિલોમીટર દુર છે.
મુંબઈ -અમદાવાદ હાઈ સ્પીડ રેલ કોરિડોર અમદાવાદમાં ફ્લાયઓવર, પુલ, રેલ્વે લાઈનો અને મેટ્રો કોરિડોર જેવી અનેક હાલની માળખાકીય સુવિધાઓને પાર કરે છે. આ પુલમાં 8 સર્કુલર પિયર્સ છે. જેનો વ્યાસ 6 થી 6.5 મીટર વચ્ચે છે.
મુંબઈ-અમદાવાદ બુલેટ ટ્ર્ન કોરિડરોમાં કુલ 25 નદી પુલ છે. જેમાં 21 ગુજરાત અને 4 મહારાષ્ટ્રમાં છે. ગુજરાતમાં 21 નદી પુલમાંથી 18નું નિર્માણ કામ પૂર્ણ થઈ ચૂક્યું છે.
રેલવે મંત્રી અશ્વિની વૈષ્ણવે કહ્યું હતું કે, આવતા વર્ષની મધ્યમાં ગુજરાતમાં બુલેટ ટ્રેનનું ટ્રાયલ શરુ થઈ જશે.
ભારતની પ્રથમ બુલેટ ટ્રેન દેશની પ્રથમ બુલેટ ટ્રેન 15 ઓગસ્ટ, 2027 થી મુંબઈ-અમદાવાદ હાઇ-સ્પીડ રેલ કોરિડોરના સુરત-બિલીમોરા સેક્શન પર દોડવાનું શરૂ કરશે. (all photo : PTI,ANI)
આ સાબરમતી નદીનો પુલ સમગ્ર 508 કિમી લાંબા બુલેટ ટ્રેન રૂટ પર બનેલા 25 નદી પુલોમાં ખૂબ જ મહત્વપૂર્ણ છે.
