Breaking News : જોસ બટલરે T20 ક્રિકેટમાં ઇતિહાસ રચ્યો, 15,000 રન બનાવનાર પ્રથમ ખેલાડી બન્યો
Jos Buttler : ઈંગ્લેન્ડના સ્ટાર બેટ્સમેનમ જોસ બટલરે ટી20 ક્રિકેટમાં એક મોટું કારનામું કર્યું છે. તે આ ફોર્મેટમાં 15000 રનનો આંકડો સ્પર્શ કરનાર દુનિયાનો પહેલો ખેલાડી બની ગયો છે.
ઈંગ્લેન્ડના વિસ્ફોટક બેટ્સમેન જોસ બટલરે ટી20 ક્રિકેટના ઈતિહાસમાં એક એવી સફળતા મેળવી છે. જ્યાં સુધી આજે દુનિયાનો કોઈ બેટ્સમેન પહોંચ્યો નથી.
કાર્ડિફમાં શ્રીલંકા વિરુદ્ધ રમાયેલી ટી20 મેચમાં બટલરે ટી20 ફોર્મેટમાં પોતાના નામે 15000 રન પુરા કર્યા છે.
વેસ્ટઈન્ડિઝના દિગ્ગજ કાયરન પોલાર્ડને પાછળ છોડી બટલરે ફરી એક વખત ટી20 ક્રિકેટમાં દુનિયાનો નંબર 1 રન સ્કોરર બની ગયો છે.
અહી સુધી પહોંચનાર વર્લ્ડનો પહેલો ખેલાડી છે. તો કાયરન પોલાર્ડ 14999 રનની સાથે બીજા સ્થાન પર છે.
શ્રીલંકા વિરુદ્ધ 150 રનના ટાર્ગેટનો પીછો કરતી વખતે બટલરે સાથી ઓપનર એન્યુરિન ડોનાલ્ડની સાથે મળી પહેલી વિકેટ માટે 51 રન બનાવ્યા હતા. જેમાં બટલરે 4 ચોગ્ગા અને 1 સિક્સ ફટકારી 30 રન બનાવ્યા હતા. આ સાથે પોતાના 30 રન પુરા કરી 15 હજાર રનના ઐતિહાસિક શિખર પર પહોંચ્યો હતો.
જોસ બટલરે 528 મેચોમાં 497 ઇનિંગ્સમાં 15000 ટી-20 રન પૂરા કર્યા.
તેમણે 35.46ની સરેરાશ અને 147.46 ના સ્ટ્રાઇક રેટથી આ રન બનાવ્યા. આ સમયગાળા દરમિયાન તેમણે નવ સદી અને 107 અડધી સદી ફટકારી છે.
બટલરને ટી20 રનનો એક મોટો ભાગ દુનિયાની સૌથી લોકપ્રિય લીગ આઈપીએલમાંથી આવ્યો છે.
આઈપીએલમાં 3 ફ્રેન્ચાઈઝી માટે રમતા બટલરે 138 મેચમાં 39.70ની સરેરાશથી 4,646 રન બનાવ્યા છે. તેમજ 4322 રન તેમણે ટી20 ઈન્ટરનેશનલ ક્રિકેટમાં બનાવ્યા છે. (All photo : Instagram)
