Breaking News : 4 વર્ષ બાદ ટીમમાં વાપસી, આવતાની સાથે જ અડધી ટીમ ઈન્ડિયાને પેવેલિયન ભેગી કરી, 2 ઓવરમાં આ રીતે બદલી નાખી મેચની કહાની
પડીને ફરી ઊભા થવું અને જોરદાર વાપસી કરવી, જો ક્યાંય સૌથી વધુ જોવા મળતું હોય તો તે રમતગમતની દુનિયા છે. દર વર્ષે આવા અનેક ઉદાહરણો જોવા મળે છે. જ્યાં કોઈ ખેલાડી કે ટીમ પોતાના ખરાબ સમયમાંથી બહાર આવીને સફળતાની નવી કહાની લખે છે.
હૈદરાબાદનું રાજીવ ગાંધી ઇન્ટરનેશનલ સ્ટેડિયમ કીમો પોલના આ યાદગાર પ્રદર્શનનું સાક્ષી બન્યું. 14 ઓક્ટોબરે અહીં ભારત અને વેસ્ટ ઈન્ડિઝ વચ્ચે T20 સિરીઝની ચોથી મેચ રમાઈ હતી. (Image Source | PTI)
ભારત અને વેસ્ટ ઈન્ડિઝ વચ્ચેની T20 સિરીઝમાં કીમો પોલે (Keemo Paul) વાપસી કરી છે. વેસ્ટ ઈન્ડિઝનો આ ઓલરાઉન્ડર બોલર લગભગ 4 વર્ષ સુધી ટીમની બહાર રહ્યો હતો. 4 વર્ષ બાદ તેની વાપસી થઈ છે. ચોથી T20 મેચમાં 5 વિકેટ લઈને વેસ્ટ ઈન્ડિઝ ટીમને જીત અપાવી. (Image Source | PTI)
આ મેચનો સ્ટાર વેસ્ટ ઈન્ડિઝનો કેપ્ટન શાઈ હોપ રહ્યો હતો. તે માત્ર 50 બોલમાં અણનમ 102 રનની ઇનિંગ રમી હતી. સિરીઝમાં આ તેની બીજી સદી હતી. તેની શાનદાર બેટિંગના આધારે વેસ્ટ ઈન્ડિઝે 247 રનનો મોટો સ્કોર ઊભો કર્યો હતો. વેસ્ટ ઈન્ડિઝ ટીમની જીત બાદ તેને પ્લેયર ઓફ ધ મેચ તરીકે પસંદ કરવામાં આવ્યું હતું. (Image Source | PTI)
રાજીવ ગાંધી સ્ટેડિયમની સપાટ પીચ પર ભારતીય ટીમ પણ આક્રમક બેટિંગ કરી રહી હતી. ભારતીય બેટ્સમેનોને રોકવામાં બોલર કીમો પોલે મહત્ત્વની ભૂમિકા ભજવી હતી. ભારતે માત્ર 4 ઓવરમાં 60 રન બનાવી લીધા હતા. જોકે, પાંચમી ઓવરમાં કીમો પોલે સંજુ સેમસન અને ઈશાન કિશનને આઉટ કરીને વેસ્ટ ઈન્ડિઝને વાપસી કરાવી હતી. (Image Source | PTI)
ત્યારબાદ નીતિશ કુમાર રેડ્ડી ચોગ્ગા-છગ્ગા મારીને ભારતીય ટીમની જીતની આશા જીવંત રાખી રહ્યો હતો. પરંતુ 19 મી ઓવરમાં પોલે નીતિશ કુમાર રેડ્ડી અને અક્ષર પટેલને આઉટ કરીને ભારતની જીતની આશાઓને મોટો ફટકો આપ્યો હતો. (Image Source | PTI)
એટલું જ નહીં, આ જ ઓવરમાં પોલે પ્રિન્સ યાદવની વિકેટ પણ ઝડપી હતી. પ્રિન્સ યાદવે અગાઉની મેચમાં અંતિમ ઓવરોમાં 3 બાઉન્ડરી મારીને ટીમની જીતમાં મહત્ત્વનું યોગદાન આપ્યું હતું. આ રીતે કીમો પોલે પોતાની 4 ઓવરમાં 41 રન આપીને 5 વિકેટ ઝડપી હતી. (Image Source | PTI)
T20 ઇન્ટરનેશનલ કારકિર્દીમાં કીમો પોલે બીજી વખત એક જ ઇનિંગમાં 5 વિકેટ લેવાની સિદ્ધિ મેળવી હતી. આ પહેલાં તે વર્ષ 2018માં બાંગ્લાદેશ સામે આવું શાનદાર પ્રદર્શન કર્યું હતું. એટલે કે, 8 વર્ષ બાદ તેમણે ફરી એકવાર આ કારનામું કર્યું છે. (Image Source | PTI)
કીમો પોલ T20 ઇન્ટરનેશનલમાં બે વખત એક ઇનિંગમાં 5 વિકેટ લેનારા વિશ્વના માત્ર છઠ્ઠો બોલર બન્યો છે. આ ઉપરાંત, ભારત સામે T20 ઇન્ટરનેશનલમાં 5 વિકેટ લેનારા તેઓ માત્ર બીજો બોલર છે. (Image Source | PTI)
કીમો પોલ માટે આ મેચ અનેક રીતે ખાસ રહી હતી. ડિસેમ્બર 2022 બાદ આ સિરીઝ દ્વારા તે વેસ્ટ ઈન્ડિઝની ટીમમાં વાપસી કરી હતી. આ ચાર વર્ષ દરમિયાન તેમણે વેસ્ટ ઈન્ડિઝ તરફથી કોઈપણ ફોર્મેટમાં એક પણ મેચ રમી નહોતી. (Image Source | PTI)
