Breaking News : આ સરકારી કંપનીને મળ્યો ₹ 148.93 કરોડનો મોટો ઓર્ડર, હવે રોકાણકારોની નજર શેર પર
તાજેતરમાં એક સરકારી ક્ષેત્રની અગ્રણી કંપનીને મળેલા વધારાના ઓર્ડર અને મજબૂત નાણાકીય સ્થિતિને કારણે રોકાણકારોમાં ફરી ઉત્સાહ જોવા મળી રહ્યો છે. વધતા ઓર્ડર બુક અને લાંબા ગાળાના કરારોને કારણે આવનારા સમયમાં કંપનીના બિઝનેસ ગ્રોથ પર બજારની ખાસ નજર રહેશે.
સરકારી ક્ષેત્રની અગ્રણી કંપની RITES Limitedને વધુ એક મોટો બિઝનેસ અપડેટ મળ્યો છે, જે રોકાણકારો માટે મહત્વપૂર્ણ બની શકે છે. કંપનીએ Neyveli Uttar Pradesh Power Limited (NUPPL) સાથેના અગાઉના MoUમાં સુધારો કરીને તેમાં નવી સેવાઓનો સમાવેશ કર્યો છે. હવે કંપની NUPPLના રેલવે સાઇડિંગ માટે 48 મહિના સુધી લોકોમોટિવ્સ વેટ-લીઝ પર ઉપલબ્ધ કરાવવાની સાથે ઓપરેશન અને મેન્ટેનન્સની જવાબદારી પણ સંભાળશે. આ અપડેટ કંપનીના ઓર્ડર બુકને વધુ મજબૂત બનાવે છે.
સૌથી મહત્વની વાત એ છે કે આ કરારની કુલ કિંમત ₹120.13 કરોડથી વધીને ₹148.93 કરોડ (GST સિવાય) થઈ ગઈ છે. એટલે કે કંપનીને લગભગ ₹28.80 કરોડનો વધારાનો બિઝનેસ મળ્યો છે. આ કરારનો અમલ મૂળ MoUની તારીખથી કુલ 5 વર્ષ સુધી રહેશે. વધતી ઓર્ડર બુક અને લાંબા ગાળાના કરારોને કારણે બજારમાં હવે RITESના શેર પર રોકાણકારોની ખાસ નજર રહેશે.
RITES Ltdના શેર ફરી એકવાર રોકાણકારોના રડાર પર આવી ગયા છે. કંપનીને તાજેતરમાં મળેલા વધારાના ઓર્ડર બાદ હવે બજારમાં શેરને લઈને સકારાત્મક ચર્ચા જોવા મળી રહી છે. હાલમાં કંપનીનો શેર ₹209ના સ્તરે ટ્રેડ થઈ રહ્યો છે, જ્યારે તેનું માર્કેટ કેપ લગભગ ₹10,039 કરોડ છે. કંપનીના મજબૂત ફંડામેન્ટલ્સ અને સરકારી ક્ષેત્રમાં મજબૂત હાજરીને કારણે લાંબા ગાળાના રોકાણકારો પણ આ શેર પર નજર રાખી રહ્યા છે.
ફંડામેન્ટલ્સની વાત કરીએ તો કંપનીનો P/E રેશિયો 24.5, ROCE 22% અને ROE 15.4% છે, જે કંપનીની સારી કાર્યક્ષમતા દર્શાવે છે. ઉપરાંત કંપની પર માત્ર ₹6.59 કરોડનું દેવું છે, જ્યારે તેની પાસે ₹2,201 કરોડના રિઝર્વ્સ છે. સાથે જ કંપની 3.61% ડિવિડેન્ડ યીલ્ડ પણ આપે છે, જે આવક પર ધ્યાન આપતા રોકાણકારો માટે સકારાત્મક બાબત માનવામાં આવે છે.
તાજેતરમાં કંપનીના ઓર્ડરની કિંમત ₹120.13 કરોડથી વધીને ₹148.93 કરોડ થઈ છે, જેના કારણે આગામી સમયગાળામાં કંપનીની આવક અને ઓર્ડર બુક વધુ મજબૂત બનવાની આશા છે. જોકે, શેરબજારમાં રોકાણ કરતા પહેલાં માત્ર સમાચારના આધારે નિર્ણય લેવાને બદલે કંપનીના નાણાકીય પરિણામો, વેલ્યુએશન અને પોતાના રોકાણના લક્ષ્યોનું મૂલ્યાંકન કરવું જરૂરી છે. જો કંપની સતત નવા ઓર્ડર મેળવતી રહેશે, તો RITESનો શેર આવનારા સમયમાં રોકાણકારો માટે ધ્યાન ખેંચતો રહી શકે છે. ( નોંધ : અહીં અપવાંઆ આવેલી માહિતી ફક્ત અપનીં જાણકારી માટે છે. કોઈ પણ રોકાણ કરવા પહેલા નિષ્ણાંતોની સલાહ લેવી જરૂરી છે.)
