Breaking News : પાકિસ્તાનના રાવલપિંડી સ્ટેડિયમ પર ડ્રોન હુમલો, આજે રાત્રે 8.30 રમાવાની હતી મેચ
ઓપરેશન સિંદૂર બાદ પાકિસ્તાનમાં એક બાદ અટેક થઈ રહ્યા છે.ત્યારે રાવલપિંડી સ્ટેડિયમમાં પણ ડ્રોન હુમલો થયો છે. જેમાં સ્ટેડિયમને નુકસાન પહોચ્યું છે. આ સ્ટેડિયમમાં પાકિસ્તાનની સુપર લીગ મેચ રમાઈ રહી છે.
રાવલપિંડી સ્ટેડિયમ પર થયેલા હુમલા બાદ લોકો ડરી ગયા છે. પાકિસ્તાન સુપર લીગની 27મી મેચ 8 મે (ગુરુવાર) ના રોજ આ સ્ટેડિયમમાં ડેવિડ વોર્નરની કરાચી કિંગ્સ અને બાબર આઝમની પેશાવર ઝાલ્મી વચ્ચે રમાશે. પરંતુ આ મેચ પર સંકટના વાદળો છવાયેલા છે. જોકે પાકિસ્તાન ક્રિકેટ બોર્ડે હજુ સુધી PSL બંધ કરવાનો નિર્ણય લીધો નથી, પરંતુ એવું માનવામાં આવે છે કે આ અંગે ટૂંક સમયમાં નિર્ણય લેવામાં આવી શકે છે.
સૂત્રોના જણાવ્યા અનુસાર, કેટલાક વિદેશી ખેલાડીઓ પાકિસ્તાન છોડવા માંગે છે. મુલ્તાન સુલ્તાન્સના ડેવિડ વિલી અને ક્રિસ જોર્ડને તેમની ફ્રેન્ચાઇઝીને કહ્યું છે કે તેઓ હવે ઘરે પાછા ફરવા માંગે છે.
તમને જણાવી દઈએ કે મુલતાન સુલ્તાનની ટીમ પહેલાથી જ પ્લેઓફમાંથી બહાર થઈ ગઈ છે. સૂત્રોના જણાવ્યા અનુસાર, ઈંગ્લેન્ડ અને વેલ્સ ક્રિકેટ બોર્ડ અને પ્રોફેશનલ ક્રિકેટર્સ એસોસિએશન ખેલાડીઓના સંપર્કમાં છે. તેમણે હજુ સુધી ખેલાડીઓને પાકિસ્તાન છોડવાનો નિર્દેશ આપ્યો નથી, પરંતુ યુકે સરકાર પરિસ્થિતિ પર નજર રાખી રહી છે.
Published On - 4:07 pm, Thu, 8 May 25
