માત્ર મિલકત જ નહીં, હવે ઓનલાઈન અકાઉન્ટ માટે પણ વસિયતનામું બનાવી શકાય, જાણો કેવી રીતે
તમારા મૃત્યુ પછી તમારા Google ડ્રાઇવ, Gmail અને iCloud ફોટાનું શું થાય છે? ભારતીય કાયદા અને Google અને Apple ના ડિજિટલ લેગસી સેટિંગ્સની સંપૂર્ણ પ્રક્રિયા વિશે જાણો.
શું તમે વિચાર્યું કે, જો તમને કાંઈ થાય. તો તમારા ફોનમાં યાદો ગુગલ ડ્રાઈવ રાખેલા જરુરી ડોક્યુમેન્ટ,ઈન્સ્ટાગ્રામ રીલ અને ઈમેલનું શું થાય છે.ડિજિટલ વસિયતનામા બનાવવા માટેની સંપૂર્ણ A-ટુ-Z માર્ગદર્શિકા જાણો.
આપણા દેશમાં મકાન, દુકાન અને જમીન માટે ઉત્તરાધિકારનો કાનુન તો છે પરંતુ તમે ડિજિટલ ખાતા માટે કોઈ અલગ અને પાક્કો કાનુન નથી. યુઝરના મૃત્યુ પછી તેના ઓનલાઈન એકાઉન્ટ્સનું શું કરવું જોઈએ તે અંગે IT એક્ટ 2000 પણ મૌન છે.
આનો સીધો અર્થ એ છે કે જો તમે જીવતા હોવ ત્યારે યોગ્ય સેટિંગ્સ સેટ નહીં કરો, તો તમારા પરિવાર માટે તમારા ગૂગલ, એપલ અથવા સોશિયલ મીડિયા એકાઉન્ટ્સને ઍક્સેસ કરવું લગભગ અશક્ય બની જશે. આ પરિસ્થિતિમાં વિવિધ ટેક કંપનીઓ શું કરે છે અને આજે તમારે ક્યા સેટિંગ્સ કરવા જોઈએ તે જાણો.
સૌથી સલામત અને શ્રેષ્ઠ રસ્તો એ છે કે, બિટવર્ડન અથવા 1પાસવર્ડ જેવા પાસવર્ડ મેનેજરનો ઉપયોગ કરો. આ "ડિજિટલ વોલેટ" માટેનો માસ્ટર પાસવર્ડ તમારી વસિયતનામા સાથે સીલબંધ પરબિડીયુંમાં રાખો.
જો ફોન લોક છે અને પરિવારને તેનો પાસવર્ડ અથવા પિન ખબર નથી. તો એપલ અથવા ગુગલ જેવી કંપનીઓ ફોન અનલોક કરવામાં કોઈ મદદ કરશે નહી.ગુગલ અકાઉન્ટની સેટિંગમાં જાવ., Inactive Account Managerશોધો અને તમારા ભરોસામંદ વ્યક્તિનું નામ અને ઈમેલ જોડી દો.
જો તમે iPhone યુઝર છો, તો એક લેગસી કોન્ટેક્ટ ઉમેરો અને તેની એક્સેસ કી પ્રિન્ટ કરો અને તેને તમારા મહત્વપૂર્ણ ડોક્યુમેન્ટ સાથે રાખો. તમારા ફોનનો PIN અને પાસવર્ડ મેનેજરનો માસ્ટર પાસવર્ડ ડાયરીમાં અથવા કાગળના ટુકડા પર લખો. તેને પરબિડીયુંમાં સીલ કરો અને ઘરના જવાબદાર વ્યક્તિને જણાવો કે તે ક્યાં રાખવામાં આવ્યો છે.
ભારતમાં, ફક્ત ઓનલાઈન અથવા ઇલેક્ટ્રોનિક રીતે બનાવેલ ડિજિટલ વસિયતનામાને સંપૂર્ણપણે કાયદેસર રીતે માન્યતા આપવામાં આવતી નથી.
તેથી, જો તમે ડિજિટલ વસિયતનામા બનાવો છો, તો તમારે તેને કાયદેસર રીતે માન્ય બનાવવા માટે તેને પ્રિન્ટ આઉટ કરીને બે સાક્ષીઓની હાજરીમાં તેના પર સહી કરાવવી પડશે. તે પછી જ કોર્ટ તેને માન્ય વસિયતનામા તરીકે સ્વીકારશે.
