Breaking News : UAEમાંથી આ IT કંપનીને મળ્યો કરોડનો મોટો ઓર્ડર ! શું હવે આ IT શેરમાં આવશે તેજી?
તાજેતરમાં કંપનીને વિદેશી બજારમાંથી કરોડો રૂપિયાનો મહત્વપૂર્ણ ઓર્ડર મળતાં રોકાણકારોનું ધ્યાન ફરી એકવાર આ શેર તરફ ખેંચાયું છે. નવા પ્રોજેક્ટ, મજબૂત નાણાકીય આંકડા અને ભવિષ્યની વૃદ્ધિની સંભાવનાઓને કારણે બજારમાં કંપની અંગે સકારાત્મક ચર્ચા જોવા મળી રહી છે.
3i Infotech Limitedની સહાયક કંપની 3i Infotech Software Solutions L.L.C.ને UAEની અગ્રણી ટેક્નોલોજી સર્વિસિસ કંપની તરફથી મહત્વપૂર્ણ ઓર્ડર મળ્યો છે. કંપનીને 19 જૂન 2026ના રોજ મળેલા આ પરચેઝ ઓર્ડર હેઠળ વ્યાવસાયિક IT સેવાઓ તેમજ IT રિસોર્સિસના રીબેજિંગ અને મેનેજમેન્ટનું કામ સોંપવામાં આવ્યું છે. આ પ્રોજેક્ટમાં સાયબર સિક્યોરિટી, ક્લાઉડ સિક્યોરિટી, નેટવર્ક ઓપરેશન્સ, ઇન્ફ્રાસ્ટ્રક્ચર સપોર્ટ, સર્વિસ ડિલિવરી અને સિસ્ટમ એડમિનિસ્ટ્રેશન જેવા વિવિધ ક્ષેત્રોમાં ટેક્નોલોજી નિષ્ણાતોની નિમણૂક અને સંચાલન કરવામાં આવશે.
આ કરારનો સમયગાળો એક વર્ષનો છે, જેને બંને પક્ષોની સંમતિથી આગળ વધારી શકાય છે. ઓર્ડરની કુલ કિંમત આશરે AED 13.08 મિલિયન (લગભગ ₹33.6 કરોડ) છે, જે લાગુ કરવેરા સિવાયની છે. કંપનીએ જણાવ્યું છે કે આ ઓર્ડર કોઈ સંબંધિત પક્ષ (Related Party) ટ્રાન્ઝેક્શન હેઠળ આવતો નથી અને ઓર્ડર આપનાર સંસ્થા સાથે પ્રમોટર ગ્રુપનો કોઈ હિતસંબંધ નથી. ગ્રાહક કંપનીનું નામ ગોપનીયતા કરારોને કારણે જાહેર કરવામાં આવ્યું નથી.
3i Infotech Ltdના શેર હાલમાં રોકાણકારોમાં ચર્ચાનો વિષય બન્યા છે. કંપનીનું માર્કેટ કેપ આશરે ₹360 કરોડ છે, જ્યારે શેરનો વર્તમાન ભાવ ₹17.4 આસપાસ ટ્રેડ થઈ રહ્યો છે. કંપનીનો Stock P/E 9.45 છે, જે સૂચવે છે કે શેર હાલમાં તુલનાત્મક રીતે આકર્ષક મૂલ્યાંકન પર ઉપલબ્ધ હોઈ શકે છે. ઉપરાંત, કંપનીની Book Value ₹18.4 છે, જે શેરના વર્તમાન ભાવ કરતાં વધુ હોવાથી રોકાણકારો માટે રસપ્રદ સંકેત માનવામાં આવે છે.
કંપનીના નાણાકીય પ્રદર્શન પર નજર કરીએ તો ROCE 13% અને ROE 11.1% નોંધાયા છે, જે દર્શાવે છે કે 3i Infotech પોતાના મૂડી અને શેરહોલ્ડર્સના નાણાંનો યોગ્ય ઉપયોગ કરી રહી છે. કંપની પાસે ₹174 કરોડના રિઝર્વ્સ છે, જ્યારે કુલ દેવું ₹61.6 કરોડ છે. Market Cap to Sales Ratio 0.52 હોવાને કારણે કેટલાક વિશ્લેષકો આ શેરને અન્ડરવેલ્યુડ કેટેગરીમાં પણ ગણાવી રહ્યા છે.
શેરહોલ્ડિંગ પેટર્નની વાત કરીએ તો કંપનીમાં 2.40 લાખથી વધુ શેરહોલ્ડર્સ જોડાયેલા છે, જે ગયા વર્ષના 2.55 લાખ શેરહોલ્ડર્સની સરખામણીએ થોડો ઘટાડો દર્શાવે છે. છેલ્લા 52 અઠવાડિયામાં શેરે ₹12.6 ની નીચી સપાટી અને ₹25.1 ની ઊંચી સપાટી સ્પર્શી છે. તાજેતરમાં કંપનીને UAEમાંથી મળેલા કરોડો રૂપિયાના નવા ઓર્ડર બાદ બજારની નજર હવે કંપનીના આગામી નાણાકીય પરિણામો અને વૃદ્ધિની સંભાવનાઓ પર કેન્દ્રિત છે. ( નોંધ : અહીં અપવાંઆ આવેલી માહિતી ફક્ત અપનીં જાણકારી માટે છે. કોઈ પણ રોકાણ કરવા પહેલા નિષ્ણાંતોની સલાહ લેવી જરૂરી છે.)
