Stock Market : નિફ્ટી 29,300 ની ઊંચાઈએ પહોંચશે ! ગ્લોબલ બ્રોકરેજ ફર્મે કરી ‘અદ્ભૂત ભવિષ્યવાણી’, ટોચના 20 શેરનું માસ્ટર લિસ્ટ જાહેર
ગ્લોબલ બ્રોકરેજ ફર્મે ગજબની ભવિષ્યવાણી કરી છે, જેને લઈને રોકાણકારોમાં ખુશીનો માહોલ છવાયો છે. ગ્લોબલ બ્રોકરેજ ફર્મના મતે, વર્ષ 2026 ના અંત સુધીમાં નિફ્ટી 29,300 સુધી પહોંચી શકે છે, જે હાલ કરતા લગભગ 12% વધારે છે.
નોમુરા માને છે કે, વર્ષ 2026 માં વિદેશી રોકાણમાં નોંધપાત્ર વધારો થશે નહીં પરંતુ જો વૈશ્વિક બજારમાં તેજી ધીમી પડે છે, તો ભારતમાં વિદેશી રોકાણ થોડું વધી શકે છે. નાણાકીય વર્ષ 2026 એટલે કે 2025-26 માં કોર્પોરેટ કમાણીમાં વધારો થવાની ધારણા છે. કેમિકલ, તેલ અને ગેસ, સિમેન્ટ અને મેટલ જેવા સેક્ટર મજબૂત કમાણી દર્શાવવાની શક્યતા ધરાવે છે.
નાણાકીય વર્ષ 2027 અને નાણાકીય વર્ષ 2028 માં કેટલીક અવરોધો ઊભી થઈ શકે છે. એવામાં અહેવાલ સૂચવે છે કે, લોકલ માંગ અને રિકવર થતી અર્થવ્યવસ્થા નાણાકીય વર્ષ 2026 માં કોર્પોરેટ કમાણીને સારો એવો ટેકો પૂરો પાડશે. Nomura રોકાણકારોને સાવધાની રાખવાની અને સમજદારીપૂર્વક શેર પસંદ કરવાની સલાહ આપે છે, કારણ કે હાલમાં શેરના ભાવ ખૂબ ઊંચા છે. કંપની એવા શેરોમાં રોકાણ કરવા સામે ચેતવણી આપે છે, જે ફક્ત ચર્ચા અથવા ખોટી ખોટી માહિતીને કારણે ખૂબ મોંઘા થઈ ગયા છે, કારણ કે આવા શેરમાં અચાનક જ ઘટાડો આવી શકે છે.
નોમુરા એવા સેક્ટર પસંદ કરવાની ભલામણ કરે છે, જ્યાં હાલમાં અપેક્ષાઓ ઓછી છે પરંતુ વધુ સુધારાની સારી સંભાવના છે. ટૂંકમાં કોમર્શિયલ વાહનો, ફાર્માસ્યુટિકલ્સ, આઇટી સર્વિસ અને નોન-બેંકિંગ નાણાકીય કંપનીઓમાં રોકાણ કરી શકાય. રિપોર્ટમાં એ પણ સલાહ આપવામાં આવી છે કે, એવી કંપનીઓમાં ધીરે ધીરે રોકાણ કરો જે માલનો નિકાસ કરતી હોય અને હાલમાં નબળું પ્રદર્શન કરી રહી હોય, કારણ કે તેમાં આગળ જઈને સુધારો આવી શકે છે.
નોમુરા કહે છે કે, ભવિષ્યમાં કેટલાક સેક્ટર દમદાર પરફોર્મન્સ કરે તેવી શક્યતા છે. આમાં Financial Services, Pharmaceuticals (Pharma), IT, Consumer Discretionary, Real Estate, Internet Companies, Cement, Telecom અને Manufacturing નો સમાવેશ થાય છે. બીજીબાજુ Auto, Oil-Gas અને Metal Sectors પર Neutral વલણ દર્શાવવામાં આવ્યું છે. Nomura ના જણાવ્યા અનુસાર, Consumer Staples, Infrastructure, Capital Goods અને Healthcare Services માં રોકાણ કરતી વખતે સાવધાની રાખવી જોઈએ.
નોમુરાએ 20 ટોચના શેર્સની યાદી પણ બહાર પાડી છે. આમાં ICICI Bank, Infosys, Bajaj Finance, Maruti Suzuki, Axis Bank, Titan, UltraTech Cement, GCPL, LG Electronics India, CG Power, Dr. Reddy’s Labs, Alembic Pharma, Dixon Technologies, Swiggy, Alkem Labs, M&M Financial Services, Sonata Software, ECL Finance, Aditya Birla Retail અને MedPlus Health Services જેવા નામોનો સમાવેશ થાય છે.
Published On - 5:11 pm, Tue, 2 December 25
