Anil Ambani ના આ સ્ટોકે મચાવી ગદર, એક સપ્તાહમાં 45 ટકાનો ઉછાળો, શેરમાં આવી જબરદસ્ત તેજી
અનિલ અંબાણીની કંપની રિલાયન્સ પાવરનો શેર આ મહિનાના પહેલા સપ્તાહ સુધી સતત ઘટી રહ્યો હતો, પરંતુ ત્યારથી શેરનો ટ્રેન્ડ બદલાઈ ગયો છે. હવે આ શેર ગદર મચાવી રહ્યો છે. એમ કહી શકાય કે રિલાયન્સના આ શેરના રોકાણકારોના ગોલ્ડન દિવસ આવી ગયા છે.
1 / 6
અનિલ અંબાણીની કંપની રિલાયન્સ પાવર છેલ્લા કેટલાક દિવસોથી શેરબજારમાં ફોકસમાં છે. માત્ર એક સપ્તાહ પહેલા સુધી જે સ્ટોક સતત ઘટી રહ્યો હતો, તેણે અચાનક પોતાનો ટ્રેન્ડ બદલી નાખ્યો અને માત્ર એક સપ્તાહમાં જ ભાવમાં 45 ટકાથી વધુનો વધારો થયો.
2 / 6
શુક્રવારે બપોરના વેપારમાં રિલાયન્સ પાવરનો શેર આશરે 2.5 ટકાના વધારા સાથે રૂપિયા 31.85 પર ટ્રેડ થઈ રહ્યો હતો. અગાઉ ગુરુવારે રિલાયન્સ પાવરના શેરમાં અપર સર્કિટ લાગી હતી અને તે શરૂઆતના વેપારમાં 5 ટકા ઊછળ્યો હતો. છેલ્લા 5 ટ્રેડિંગ સેશન અનુસાર આ સ્ટોક હાલમાં લગભગ 23 ટકાના નફા સાથે ટ્રેડ થઈ રહ્યો છે.
3 / 6
કિંમતોમાં વધારો શરૂ થાય તે પહેલા, રિલાયન્સ પાવરનો શેર 5 જૂને 23.50 રૂપિયાની નીચી સપાટીએ આવી ગયો હતો. ત્યારથી, રિલાયન્સ પાવરના શેર દરરોજ વધી રહ્યા છે. આ સપ્તાહની તેજીએ શેરને રૂપિયા 34.45ની નવી 52 સપ્તાહની ઊંચી સપાટીએ પહોંચાડ્યો છે. આ રીતે લગભગ એક સપ્તાહમાં શેરની કિંમતમાં 46.60 ટકાનો વધારો થયો છે.
4 / 6
અનિલ અંબાણીની આ કંપનીના શેરમાં તેજીનું સૌથી મોટું કારણ દેવુંમાં ઝડપી ઘટાડો છે. રિલાયન્સ પાવર ઝડપથી તેની બાકી લોનની ચૂકવણી કરી રહી છે અને દેવું મુક્ત કંપની બનવાના માર્ગે છે. કંપનીએ બેંકોના અંદાજે રૂપિયા 800 કરોડનું દેવું હતું. કંપનીએ તેની ચૂકવણી કરી દીધી છે. આ રીતે કંપની સ્ટેન્ડઅલોન ધોરણે ઋણમુક્ત બની છે.
5 / 6
કેન્દ્ર સરકારની નીતિઓથી પણ શેરના ભાવને સમર્થન મળી રહ્યું છે. કેન્દ્ર સરકાર ઉર્જા ક્ષેત્ર પર વિશેષ ધ્યાન આપી રહી છે. વડા પ્રધાન નરેન્દ્ર મોદીના નેતૃત્વમાં કેન્દ્રમાં ભાજપની ગઠબંધન સરકારની વાપસી સાથે, ધ્યાન ઊર્જા પર રહેવાની અપેક્ષા છે. એનર્જી અને પાવર સેક્ટરના શેરને તેનો ફાયદો મળી રહ્યો છે.
6 / 6
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.