અનિલ અંબાણીની કંપનીનો 120 રૂપિયાનો શેર ઘટીને 3 રૂપિયા પર પહોંચ્યો, શેર ખરીદવા લાગી લાઇન
બજેટ દરમ્યાન શેર બજારમાં અનેક ફેરફારો જોવા મળ્યા હતા. અનિલ અંબાણીની મોટાભાગની કંપનીઓ નાદારીની પ્રક્રિયામાંથી પસાર થઈ રહી છે. જેના કારણે કંપનીઓના શેર પણ ખરાબ રીતે તૂટ્યા છે.
અનિલ અંબાણીની મોટાભાગની કંપનીઓ નાદારીની પ્રક્રિયામાંથી પસાર થઈ રહી છે. જેના કારણે કંપનીઓના શેર પણ ખરાબ રીતે તૂટ્યા છે. આવો જ એક શેર રિલાયન્સ હોમ ફાઇનાન્સ લિમિટેડનો છે. આ શેરની કિંમત હાલમાં 2 રૂપિયાથી ઓછી છે. બુધવારે આ સ્ટોક ખરીદવા માટે ધસારો રહ્યો હતો. સપ્તાહના ત્રીજા દિવસે આ શેરમાં 2 ટકાની ઉપલી સર્કિટ લાગી હતી. શેરનો ભાવ અગાઉના રૂ. 3.60ના બંધથી વધીને રૂ. 3.67 થયો હતો.
રિલાયન્સ હોમ ફાઇનાન્સનો શેર જાન્યુઆરી મહિનામાં રૂપિયા 6.22ની સપાટીએ પહોંચ્યો હતો. આ શેરની 52 સપ્તાહની ઊંચી સપાટી પણ છે. ઓગસ્ટ 2023માં શેરની કિંમત રૂપિયા 1.61 હતી, જે આ શેરની 52 સપ્તાહની નીચી સપાટી છે. તમને જણાવી દઈએ કે વર્ષ 2017માં આ શેરની કિંમત 120 રૂપિયાથી વધુ હતી.
આ કંપનીના પ્રમોટર અનિલ અંબાણી પાસે નજીવા શેર છે. જો કે, જો આપણે શેરહોલ્ડિંગ પેટર્ન પર નજર કરીએ તો, રિલાયન્સ હોમ ફાઇનાન્સમાં પ્રમોટર અનિલ અંબાણી પરિવારનો હિસ્સો 0.74 ટકા છે. તે જ સમયે, પબ્લિક શેરહોલ્ડિંગ 99.26 ટકા છે. તમને જણાવી દઈએ કે ભારતીય જીવન વીમા નિગમ એટલે કે LIC પણ જાહેર શેરધારકોમાં સામેલ છે. LIC પાસે રિલાયન્સ હોમ ફાઇનાન્સના 74,86,599 શેર છે. આ લગભગ 1.54 ટકા હિસ્સાની સમકક્ષ છે.
નાણાકીય વર્ષ 2024-25ના કેન્દ્રીય બજેટમાં શહેરી ગરીબ અને મધ્યમ વર્ગની આવક ધરાવતા પરિવારો માટે આવાસ યોજના અર્બન 2.0 હેઠળ રૂ. 10 લાખ કરોડના રોકાણ સાથે એક કરોડ મકાનો પૂર્ણ કરવાની જોગવાઈ કરવામાં આવી છે. મંગળવારે નાણાંકીય વર્ષ 2024-25નું બજેટ રજૂ કરતી વખતે નાણામંત્રી નિર્મલા સીતારમણે કહ્યું કે પીએમ આવાસ યોજના હેઠળ શહેરી આવાસના વિકાસ માટે 10 લાખ કરોડ રૂપિયાની જોગવાઈ કરવામાં આવી છે.
અર્બન હાઉસિંગ સ્કીમ 2.0 હેઠળ સરકાર એક કરોડ લોકોને આવાસ આપશે. તેમણે કહ્યું કે ઔદ્યોગિક કામદારો માટે પીપીપી મોડમાં આવાસ જેવા ડોર્મિટરી સાથે ભાડાના મકાનોની સુવિધા પૂરી પાડવામાં આવશે. નાણામંત્રીએ કહ્યું કે 100 મોટા શહેરો માટે પાણી પુરવઠો, ગટર વ્યવસ્થા અને ઘન કચરા વ્યવસ્થાપન પ્રોજેક્ટ અને સેવાઓને પ્રોત્સાહન આપવામાં આવશે. સરકારે આગામી પાંચ વર્ષ માટે દર વર્ષે પસંદગીના શહેરોમાં 100 સાપ્તાહિક 'બજારો'ના વિકાસને ટેકો આપવા માટે એક યોજનાની કલ્પના કરી છે.
પ્રધાનમંત્રી આવાસ યોજના વિશે માહિતી આપતા નાણામંત્રીએ કહ્યું કે આ યોજના હેઠળ ગ્રામીણ અને શહેરી વિસ્તારોમાં ત્રણ કરોડ વધારાના મકાનો બનાવવાની જાહેરાત કરવામાં આવી છે, જેના માટે બજેટમાં જરૂરી ભંડોળની વ્યવસ્થા કરવામાં આવી રહી છે. તેમણે કહ્યું કે પ્રધાનમંત્રી આવાસ યોજના 2.0 હેઠળ, એક કરોડ શહેરી ગરીબ અને મધ્યમ વર્ગના પરિવારોની આવાસની જરૂરિયાતો રૂ. 10 લાખ કરોડના રોકાણથી પૂરી કરવામાં આવશે. જેમાં આગામી પાંચ વર્ષમાં રૂ. 2.2 લાખ કરોડની કેન્દ્રીય સહાયનો સમાવેશ થશે.
નોંધ: અહીં આપેલી માહિતી માત્ર જાણકારીના હેતુથી આપવામાં આવી છે, અત્રે એ ઉલ્લેખ કરવો જરૂરી છે કે બજારમાં રોકાણ બજારના જોખમોને આધીન છે. આથી રોકાણકાર કરતા પહેલા હંમેશા નિષ્ણાતની સલાહ લો.Tv9 ગુજરાતી ક્યારેય કોઈને રોકાણ સંબંધીત સલાહ આપતું નથી.