Acidity Relief : ખાધા પછી થાય છે એસિડિટી, આ 5 સરળ ટિપ્સ આપશે રાહત
Acidity after eating : ખોરાક ખાધા પછી એસિડિટીની સમસ્યા ઘણા લોકોને પરેશાન કરે છે. આનાથી બચવા માટે વ્યક્તિએ સારી દિનચર્યાની આદતો જાળવી રાખવી જોઈએ. આ સિવાય કેટલીક સરળ ટિપ્સ તમને એસિડ રિફ્લક્સથી રાહત આપી શકે છે.
હર્બલ ચા : એસિડિટીથી રાહત મેળવવા માટે હર્બલ ટી એક ઉત્તમ કુદરતી ઉપાય છે. આ ઉપરાંત હર્બલ ટી અપચોને કારણે અસ્વસ્થતાની લાગણી અને પેટના દુખાવામાં રાહત માટે પણ ખૂબ ફાયદાકારક છે. તમે કેમોલી ચા પી શકો છો. વરિયાળીની ચા, આદુ અને લીંબુની ચા પણ રાહત આપે છે.
આવા ખોરાક ટાળો : એસિડિટીથી બચવા માટે એવા ખોરાક ટાળો જે એસિડ રિફ્લક્સની સમસ્યાનું કારણ બને છે. જેમ કે કેફીનનું સેવન ઓછું કરો. ભોજન પછી ખાટા ફળો ખાવાનું ટાળો. કાર્બોનેટેડ પીણાં ટાળો. જો એસિડિટી વારંવાર થાય છે. જેમ કે જો મસાલેદાર કે તળેલો ખોરાક તમને નુકસાન પહોંચાડે છે તો તેનું કારણ શોધવાનો બેસ્ટ રસ્તો એ છે કે તેને ટાળો.
એસિડિટી ટાળવા અને ખોરાકને યોગ્ય રીતે પચાવવાનો સૌથી લોકપ્રિય ઉપાય એ છે કે ભોજન પછી થોડી વરિયાળી ચાવવી. આ તમને ખરાબ શ્વાસથી પણ બચાવશે. આ ઉપરાંત લીલી એલચી ખોરાકને પચાવવામાં પણ મદદ કરે છે.
દહીં અને છાશ : જો તમને ભોજન કર્યા પછી એસિડિટી થતી હોય તો તમે થોડું દહીં ખાઈ શકો છો અથવા છાશ પીવી પણ ફાયદાકારક છે. આનાથી થોડા જ સમયમાં હાર્ટબર્ન અને એસિડ રિફ્લક્સની સમસ્યામાંથી રાહત મળે છે.
પાચન માટે મસાલો : કેટલાક લોકોનું પાચન યોગ્ય રીતે થતું નથી અને તેના કારણે એસિડ રિફ્લક્સ પણ થાય છે. આ સ્થિતિમાં જીરું શેકીને પીસી લો. મેથીના દાણા શેકીને પીસી લો, થોડા અજમા પણ શેકીને પીસી લો. આ તૈયાર મસાલામાં સંચળ પાઉડર ઉમેરો. જમ્યા પછી તેને થોડા હૂંફાળા પાણી સાથે લેવાથી પાચન સારું રહે છે. આ મસાલો ભોજનનો સ્વાદ પણ વધારે છે.(Disclaimer : પ્રિય વાચક, આ સમાચાર વાંચવા બદલ આભાર. આ સમાચાર ફક્ત તમને જાગૃત કરવા માટે લખવામાં આવ્યા છે. આ લખવામાં અમે સામાન્ય માહિતીની મદદ લીધી છે. જો તમે તમારા સ્વાસ્થ્યને લગતી કોઈ પણ વાત ક્યાંય વાંચો છો, તો તેને અપનાવતા પહેલા ચોક્કસપણે ડૉક્ટરની સલાહ લો. TV9 ગુજરાતી આ માહિતીની પુષ્ટી કરતું નથી.)
