લાહૌલ-સ્પીતિના રસ્તાઓ પર છવાઈ બરફની સફેદ ચાદર, 6 ડિસેમ્બર સુધી વરસાદ અને હિમવર્ષાનું એલર્ટ જાહેર

શિયાળાની સિઝન શરૂ થતાની સાથે જ હિમાચલ પ્રદેશના હવામાનનો (Himachal Pradesh Snowfall) મિજાજ પણ બદલાઈ ગયો છે. લાહૌત સ્પીતિમાં ફરી એકવાર હિમવર્ષા શરૂ થઈ ગઈ છે. રોહતાંગ પાસ અને તેની આસપાસના વિસ્તારોમાં પણ હિમવર્ષા થઈ રહી છે. તે જ સમયે કુલ્લુમાં બે દિવસથી વાદળછાયું વાતાવરણ છે.

હિમાચલ પ્રદેશ પ્રશાસને હવામાનના બદલાતા મિજાજને લઈને એલર્ટ જાહેર (Alert In Himachal) કર્યું છે. ડિસેમ્બરની શરૂઆત થતાની સાથે જ રાજ્યનું તાપમાન પણ ઘટવા લાગ્યું છે. તે જ સમયે, હિમવર્ષાનો સમયગાળો પણ ચાલુ છે.

હવામાન વિભાગના (Weather Department) એલર્ટ બાદ લાહૌલ સ્પીતિ પ્રશાસન પણ એલર્ટ થઈ ગયું છે. વાસ્તવમાં, લાહૌલ સ્પીતિના દારચા, જિંગ જિંગ બાર, બરાલાચા પાસ, કાઝા મંડલ, પટસેઉ સહિત રોહતાંગ પાસમાં સતત હિમવર્ષા થઈ રહી છે. જેના કારણે તાપમાનમાં પણ ભારે ઘટાડો નોંધાયો છે. હવામાન વિભાગના જણાવ્યા અનુસાર 6 ડિસેમ્બર સુધી હિમવર્ષા અને વરસાદની સંભાવના છે. હવામાનમાં આવેલા આ બદલાવને ધ્યાનમાં રાખીને પ્રવાસીઓ અને સ્થાનિક લોકોને ઊંચાઈવાળા સ્થળોએ જવાનું ટાળવા અપીલ કરવામાં આવી છે.

હિમવર્ષાને કારણે તાપમાનમાં ભારે ઘટાડો

હિમાચલ પ્રદેશમાં હિમવર્ષા ચાલુ છે

હિમવર્ષાના સમયે ઊંચા સ્થળોએ જવાથી લોકોને ભારે નુકસાન વેઠવું પડી શકે છે. એટલું જ નહીં, હિમવર્ષાને કારણે દારચાથી આગળ હિમાચલ ટ્રાન્સપોર્ટની બસ સેવા પણ બંધ કરી દેવામાં આવી છે. આ માહિતી કીલોંગના પ્રાદેશિક પ્રબંધક મંગલ મોનપાએ આપી છે. તે જ સમયે, લાહૌલ ઘાટીમાં સ્થિતિ સામાન્ય હોવાનું કહેવાય છે. જણાવી દઈએ કે ઘાટીના ઉપરના વિસ્તારોમાં હિમવર્ષા શરૂ થઈ ગઈ છે. ખીણના આંતરિક ભાગોમાં બસ સેવા પર હાલમાં કોઈ પ્રતિબંધ નથી.

પ્રવાસીઓને સાવધાનીની સલાહ

હિમવર્ષાની સ્થિતિમાં રસ્તાઓની હાલતને જોતા બસ સેવા બંધ કરવાનો નિર્ણય પણ લેવામાં આવી શકે છે. બદલાતા હવામાનને જોતા લાહૌલ સ્પીતિના ડીસી નીરજ કુમાર અને કુલ્લીના ડીસી આશુતોષ ગર્ગે એલર્ટ જાહેર કર્યું છે. ડીસી નીરજ કુમાર અને ડીસી કુલ્લુ આશુતોષ ગર્ગનું કહેવું છે કે, હવામાન વિભાગે 6 ડિસેમ્બર સુધી હિમવર્ષા અને વરસાદની ચેતવણી જારી કરી છે. આ સમય દરમિયાન સ્થાનિક લોકો અને પ્રવાસીઓએ સાવચેત રહેવાની જરૂર છે.

આ પણ વાંચો:  NHB Recruitment 2021: બેંકમાં નોકરી મેળવવાની તક, આસિસ્ટન્ટ મેનેજર સહિત અનેક જગ્યાઓ માટે ભરતી, જુઓ વિગતો

આ પણ વાંચો: Railway Jobs: રેલ્વેમાં સ્પોર્ટ્સ ક્વોટામાંથી ભરતી કરવામાં આવશે, જુઓ નોટિફિકેશન અને વિગતો