તમિલનાડુના રાજકીય ઇતિહાસમાં આજે એક નવો અધ્યાય શરૂ થયો. અભિનેતામાંથી રાજકારણી બનેલા ‘થલાપતિ’ સી. જોસેફ વિજયે તમિલનાડુના નવા મુખ્યમંત્રી તરીકે શપથ લઈને પદભાર સંભાળ્યો. તેમણે ચેન્નાઈના નહેરુ સ્ટેડિયમમાં તમિલનાડુ રાજ્યના 9મા મુખ્યમંત્રી તરીકે શપથ લીધા. તેમની સાથે, 9 અન્ય ધારાસભ્યોને પણ પ્રધાનોએ તરીકે મંત્રીમંડળમાં સામેલ કરવામાં આવ્યા. આ 59 વર્ષમાં પહેલી વાર એવું બન્યું છે કે, તમિલનાડુમાં DMK કે AIADMKની ના હોય તેવી સરકાર રચાઈ છે. રાહુલ ગાંધી વિજયના શપથ ગ્રહણ સમારોહમાં હાજર રહ્યા હતા. તો વડાપ્રધાન નરેન્દ્ર મોદીએ સોશિયલ મીડિયા એક્સ પર પોસ્ટ કરીને વિજયને અભિનંદન પાઠવ્યા હતા.

શનિવારે, વિજયે, તમિલનાડુના રાજ્યપાલને મળીને સરકાર બનાવવાનો દાવો રજૂ કર્યો. તેમને મુખ્યમંત્રી તરીકે નિયુક્ત કરતી વખતે, રાજ્યપાલે તેમને વિધાનસભામાં બહુમતી સાબિત કરવા માટે 13 મે, 2026 સુધીનો સમય આપ્યો હતો. સૌથી મોટા પક્ષ તરીકે ઉભરી આવેલા ટીવીકેને સરકાર બનાવવાની પ્રક્રિયામાં ઘણા પડકારો અને વાટાઘાટોનો સામનો કરવો પડ્યો. ત્યારબાદ, રાજ્યપાલે વિજયને સરકાર બનાવવા માટે આમંત્રણ આપ્યું.

ગઈકાલ 9મી મે ને શનિવારે, અભિનેતા વિજયે રાજ્યપાલ આર.એન. રવિ (રાજેન્દ્ર વિશ્વનાથ આર્લેકર) ને મળવા રાજભવનની મુલાકાત લીધી અને 121 ધારાસભ્યોના સમર્થન આપતા પત્રો સુપરત કર્યા હતા. વિજયને કોંગ્રેસ, સીપીઆઈ, સીપીએમ, વીસીકે અને આઈયુએમએલનો ટેકો મળ્યો છે.

સી. જોસેફ વિજયને 121 ધારાસભ્યોનું સમર્થન મળ્યું

વિજયની પાર્ટીએ 234 બેઠકોમાંથી 108 બેઠકો જીતી છે. તેમના ગઠબંધન ભાગીદારોના સમર્થનથી, વિજયને 120 ધારાસભ્યોનું સમર્થન છે. વિધાનસભામાં બહુમતી મેળવવા માટે કુલ 118 બેઠકોની જરૂર છે.

• TVK: 108
• કોંગ્રેસ: 05
• CPI: 02
• CPM: 02
• VCK: 02
• IUML: 02

TVK તમિલનાડુમાં સૌથી મોટા પક્ષ તરીકે ઉભરી

તમિલનાડુમાં, અભિનેતા વિજયની પાર્ટી, TVK, સૌથી મોટા રાજકીય પક્ષ તરીકે ઉભરી આવી છે. TVK એ કુલ 108 બેઠકો મેળવી છે. આ ઉપરાંત, DMK એ 59 બેઠકો મેળવી છે, અને ADMK એ 47 બેઠકો જીતી છે. દરમિયાન, કોંગ્રેસે 5 બેઠકો જીતી છે.

રંગાસામી 5મી વખત બનશે પુડુચેરીના મુખ્યમંત્રી, રાષ્ટ્રપતિ દ્વારા નિયુક્ત 13 મેના રોજ શપથ લેશે