આજે છે વીર બાલ દિવસ, આ રીતે 2 બાળકોને દિવાલમાં જીવતા દફનાવવામાં આવ્યા હતા, જાણો રસપ્રદ સ્ટોરી

દસમાં શીખ ગુરુ ગોવિંદસિંહજીના પરિવારની શહાદતને આજે પણ ઈતિહાસની સૌથી મોટી તાકાત માનવામાં આવે છે. નાના સાહેબજાદોની યાદ આવતા જ લોકોની છાતી ગર્વથી પહોળી થઈ જાય છે અને માથું ઝૂકી જાય છે. દેશમાં પ્રથમ વખત આજે 26મી ડિસેમ્બરે ગુરુ ગોવિંદસિંહજીના પુત્રો બાબા જોરાવર સિંહની હિંમતને શ્રદ્ધાંજલિ આપવા માટે વીર બાલ દિવસની ઉજવણી કરવામાં આવી રહી છે. શું તમે જાણો છો 26 ડિસેમ્બરના રોજ દેશમાં વીર બાલ દિવસ શા માટે ઉજવવામાં આવે છે ? જાણો તેનો ઈતિહાસ.

શું છે આ ઈતિહાસ

કહેવાય છે કે મુઘલોએ આનંદપુર સાહિબના કિલ્લા પર અચાનક હુમલો કર્યો હતો. ગુરુ ગોવિંદસિંહ મુઘલો સામે લડવા માંગતા હતા, પરંતુ અન્ય શીખોએ તેમને ત્યાંથી જવાનું કહ્યું. આ પછી ગુરુ ગોવિંદસિંહના પરિવાર સહિત અન્ય શીખો આનંદપુર સાહિબનો કિલ્લો છોડીને ચાલ્યા ગયા. જ્યારે બધા સારસા નદી પાર કરી રહ્યા હતા ત્યારે પાણીનો પ્રવાહ એટલો જોરદાર બન્યો કે આખો પરિવાર વિખૂટા પડી ગયો.

ગુરુ ગોવિંદસિંહ અને બે મોટા સાહિબજાદે બાબા અજીત સિંહ અને બાબા જુઝાર સિંહ ચમકૌર પહોંચ્યા. માતા ગુજરી, બે નાના સાહિબજાદે બાબા જોરાવર સિંહ, બાબા ફતેહ સિંહ અને ગુરુ સાહિબ ગંગુ ગુરુ સાહિબ અન્ય શીખોથી અલગ થઈ ગયા હતા. આ પછી ગંગુ બધાને પોતાના ઘરે લઈ ગયો પરંતુ તેણે નવાઝ વઝીર ખાનને જાણ કરી.

ધર્મ પરિવર્તન કરવાની ધમકી આપી

26 ડિસેમ્બરે સરહિંદના નવાઝ વજીર ખાને માતા ગુજરી અને બંને નાના સાહિબજાદે બાબા જોરાવર સિંહ અને બાબા ફતેહ સિંહને કેદ કર્યા. વજીર ખાને બંને નાના સાહિબજાદોને પોતાના દરબારમાં બોલાવ્યા અને તેમને ધર્મ પરિવર્તન કરવાની ધમકી આપી, પરંતુ બંને સાહિબજાદોએ ‘જો બોલે સો નિહાલ, સત શ્રી અકાલ’ ના નારા લગાવતા ધર્મ પરિવર્તન કરવાનો ઇનકાર કર્યો. વજીર ખાને ફરીથી ધમકી આપી કે આવતીકાલ સુધીમાં ધર્મ પરિવર્તન કરો અથવા મરવા માટે તૈયાર રહો.

કહેવાય છે કે બીજા દિવસે કેદ થયેલા માતા ગુજરીએ બંને સાહિબજાદોને ખૂબ પ્રેમથી તૈયાર કર્યા અને ફરીથી વઝીર ખાનના દરબારમાં મોકલ્યા. અહીં ફરી વઝીર ખાને તેમને ધર્મ પરિવર્તન કરવાનું કહ્યું, પરંતુ નાના સાહિબજાદોએ ના પાડી અને ફરીથી મંત્રોચ્ચાર કરવા લાગ્યા. આ સાંભળીને વજીર ખાન ઉશ્કેરાઈ ગયો અને તેણે બંને સાહિબજાદોને દિવાલમાં જીવતા ચણી દેવાનો આદેશ આપ્યો. આ સમાચાર માતા ગુજરી સુધી પહોંચતા જ તેમણે પણ પોતાનો જીવ આપી દીધો.