ફોર્બ્સ મેગેઝિનમાં પ્રકાશિત IIT કાનપુરના બે વિદ્યાર્થીઓની ઉપ્લબ્ધિની કહાની, પોર્ટેબલ વેન્ટિલેટર બનાવીને દેશનું નામ રોશન કર્યું
કોરોના રોગચાળા દરમિયાન સસ્તા અને પોર્ટેબલ વેન્ટિલેટર બનાવનાર આઇઆઇટી કાનપુરની ઇન્ક્યુબેટેડ નોકા રોબોટિક્સની સફળતાની કહાનીને ફોર્બ્સ મેગેઝિનમાં શામેલ કરવામાં આવી છે.
કોરોના રોગચાળા દરમિયાન સસ્તા અને પોર્ટેબલ વેન્ટિલેટર (Portable Ventilator) બનાવનાર આઇઆઇટી કાનપુરની (IIT) ઇન્ક્યુબેટેડ નોકા રોબોટિક્સની સફળતાની કહાનીને ફોર્બ્સ મેગેઝિનમાં (forbes magazine) શામેલ કરવામાં આવી છે. એક સસ્તા અને પોર્ટેબલ વેન્ટિલેટર માત્ર 90 દિવસમાં બનાવવામાં આવ્યું હતું. આઇઆઇટી (IIT Kanpur) આ સિદ્ધિ પર ખૂબ ખુશ છે. આ પોર્ટેબલ વેન્ટિલેટર આઇઆઇટીના વિદ્યાર્થીઓ નિખિલ કુરેલે અને હર્ષિત રાઠોડ દ્વારા બનાવવામાં આવ્યા હતા.
તમને જણાવી દઈએ કે, 90 દિવસમાં આઈઆઈટીના વિદ્યાર્થીઓ (IIT Students) દ્વારા બનાવેલા પોર્ટેબલ વેન્ટિલેટરના અલગ અલગ પાર્ટ્સ પણ ભારતમાં બનાવવામાં આવે છે. ખાસ વાત એ છે કે, આ વેન્ટિલેટર સરળતાથી ક્યાંય પણ લઈ જઈ શકાય છે. આ બનાવવામાં ડોકટરોની સલામતી માટે સંપૂર્ણ કાળજી લેવામાં આવી છે. ફોર્બ્સ મેગેઝિનમાં વિદ્યાર્થીની સફળતાની સાથે વેન્ટિલેટરની આખી સફરનો પણ ઉલ્લેખ કરવામાં આવ્યો છે.
IIT કાનપુરે પોર્ટેબલ વેન્ટિલેટર બનાવ્યું
IIT ઇન્ક્યુબેટર નોકા રોબોટિક્સ દ્વારા અત્યાર સુધીમાં મહારાષ્ટ્ર, તામિલનાડુ, આંધ્રપ્રદેશ, કર્ણાટક, કેરળ, ગુજરાત અને દિલ્હીની સરકારો ઉપરાંત ખાનગી હોસ્પિટલોમાં વેન્ટિલેટર (Portable Ventilator) પૂરા પાડવામાં આવ્યા છે. તેઓ આ વેન્ટિલેટરની માંગને પહોંચી વળવા પ્રયાસ કરી રહ્યા છે. નેપાળ ઉપરાંત, તેણે વધુ બે એશિયન દેશો માટે ઓર્ડર પૂર્ણ કર્યા છે. નેપાળમાં અત્યાર સુધીમાં 800 વેન્ટિલેટર આપવામાં આવ્યા છે.
કોરોના રોગચાળાના સમયમાં જ્યારે દેશમાં વેન્ટિલેટરની તંગી હતી, તે દરમિયાન આઈઆઈટીના વિદ્યાર્થીઓએ આ સંદર્ભમાં સમાધાન માટેની યોજના બનાવી હતી. જે બાદ બે લોકોએ મળીને વેન્ટિલેટર બનાવવાનું કામ શરૂ કર્યું હતું જે સરળતાથી ક્યાંય પણ ખસેડી શકાય છે. આ દરમિયાન દર્દીઓ પણ સંપૂર્ણ સલામત રહ્યા હતા. પોર્ટેબલ વેન્ટિલેટરની ઉપલબ્ધિનો ઉલ્લેખ હવે ફોર્બ્સ મેગેઝિનમાં પણ કરવામાં આવ્યો છે.
