સામે આવી વિરાટ-અનુષ્કાની દિકરીની પહેલી તસવીર, જાણો વાયરલ ફોટાની સાચી વિગત

ભારતીય ક્રિકેટ ટીમના કેપ્ટન વિરાટ કોહલી ( virat kohli ) અને ફિલ્મ અભિનેત્રી અનુષ્કા શર્માએ ( anushka sharma ) સોમવારે દેશભરના તેમના ચાહકોને સારા સમાચાર આપ્યા હતા. અનુષ્કાએ નાની પરી જેવી દિકરીને જન્મ આપ્યો. વિરાટ કોહલીએ આ અંગેની જાણકારી પોતે જ આપી હતી. વિરાટ કોહલીએ જાણકારી આપ્યા બાદ, તેમના ચાહકો નાની પરી જેવી દિકરી કેવી દેખાતી હશે તે અંગે જાણવા માંગતા હતા. અને લોકોમાં ચર્ચા પણ થઈ રહી હતી એ સમયે જ વિરાટ કોહલીના ભાઈ વિકાસ કોહલીએ એક તસવીર શેર કરતા ખુશખબર આપ્યા હતા. જોત જોતામાં આ ફોટો વાયરલ થઈ ગયો. અને લોકો કહેતા થઈ ગયા કે અનુષ્કા અને વિરાટ કોહલીની દિકરીની આ સૌ પ્રથમ તસવીર છે.

જો કે વિકાસ કોહલીએ ઈન્સ્ટાગ્રામ પર તસવીર શેર કરતા લખ્યુ હતુ કે ઘરે પરીનું આગમન. આ તસ્વીરમાં જન્મજાત બાળકને કંબલ ઓઢાડેલ છે. અને તેના નાના પગ દેખાય છે. આ તસવીરને જોઈને લોકો કહેતા થઈ ગયા કે, આ જ અનુષ્કા અને વિરાટ કોહલીની દિકરી જ છે. અને ફોટો પણ તેનો જ છે. વિરાટ કોહલી અને અનુષ્કા શર્માના ચાહકો આ તસવીરને સોશિયલ મીડિયામાં વારયલ કરતા ગયા. પરંતુ વિકાસ કોહલીએ તેના ઈન્સ્ટાગ્રામ એકાઉન્ટમાં દિકરીના જન્મની વધાઈ આપતા સમાચાર સાથે પ્રસારીત કરેલ તસવીર, વિરાટ કોહલી અને અનુષ્કા શર્માની નવજાત દિકરીની તસવીર નથી.