Statue Of Equality: રામાનુજાચાર્યજીનો જન્મ દક્ષિણમાં થયો, પરંતુ તેમનો પ્રભાવ સમગ્ર ભારત પર છે: વડાપ્રધાન નરેન્દ્ર મોદી
PM Modi Inaugurates Ramanujacharya Statue: વડાપ્રધાન નરેન્દ્ર મોદી હાલ હૈદરાબાદમાં વૈષ્ણવ સંત રામાનુજાચાર્ય સ્વામીની પ્રતિમાનું અનાવરણ કર્યું હતું.
વડાપ્રધાન નરેન્દ્ર મોદી (PM Narendra Modi) એ શનિવારે 11મી સદીના સંત અને સમાજ સુધારક રામાનુજાચાર્યની (Ramanujacharya) 216 ફૂટ ઊંચી પ્રતિમાનું અનાવરણ (PM Narendra Modi Inaugurates Ramanujacharya Statue) કર્યું હતું. હૈદરાબાદના મુચિંતલ ગામમાં બનેલી વૈષ્ણવ સંત રામાનુજાચાર્યની પ્રતિમાને ‘સ્ટેચ્યુ ઓફ ઈક્વાલિટી’ (Statue of Equality) નામ આપવામાં આવ્યું છે. આ દરમિયાન વડાપ્રધાન મોદીએ કહ્યું કે, આજે માતા સરસ્વતીની પૂજા કરવાનો પવિત્ર તહેવાર વસંત પંચમીનો શુભ અવસર છે. આ પ્રસંગે મા શારદાના વિશેષ કૃપા અવતાર શ્રી રામાનુજાચાર્યજીની પ્રતિમા સ્થાપિત કરવામાં આવી રહી છે. હું આપ સૌને વસંત પંચમીની શુભેચ્છા પાઠવું છું.
તેમણે કહ્યું કે, જગદગુરુ શ્રી રામાનુજાચાર્યજીની આ ભવ્ય પ્રતિમા દ્વારા ભારત માનવ ઉર્જા અને પ્રેરણાઓને મૂર્તિમંત કરી રહ્યું છે. રામાનુજાચાર્યજીની આ પ્રતિમા તેમના જ્ઞાન, અખંડિતતા અને આદર્શોનું પ્રતિક છે. ભારત એક એવો દેશ છે, જેના ઋષિમુનિઓએ જ્ઞાનને નકાર-અસ્વીકાર, સ્વીકૃતિ-અસ્વીકારથી ઉપર ઊઠતું જોયું છે. અમારે અહીં પણ અદ્વૈત છે, દ્વૈત પણ છે અને, આ દ્વૈત-અદ્વૈતને સમાવિષ્ટ કરીને, શ્રી રામાનુજાચાર્યજીનું વિશિષ્ટ-દ્વૈત પણ છે.
રામાનુજાચાર્ય ભક્તિ માર્ગના પિતા
વડાપ્રધાન મોદીએ કહ્યું કે, એક તરફ રામાનુજાચાર્યજીના ભાષ્યોમાં જ્ઞાનની પરાકાષ્ઠા છે તો બીજી તરફ તેઓ ભક્તિ માર્ગના પિતા પણ છે. એક તરફ તેઓ સમૃદ્ધ સંન્યાસ પરંપરાના સંત પણ છે તો બીજી તરફ તેઓ ગીતાભાષ્યમાં કર્મનું મહત્વ પણ રજૂ કરે છે. તે પોતે પોતાનું આખું જીવન કર્મને સમર્પિત કરે છે. એ જરૂરી નથી કે સુધારણા માટે તમારે તમારા મૂળથી દૂર જવું પડે. તેના બદલે જરૂરી છે કે આપણે આપણા વાસ્તવિક મૂળ સાથે જોડાઈએ, આપણી વાસ્તવિક શક્તિથી પરિચિત થઈએ.
પીએમ મોદીએ કહ્યું કે, આજે જ્યારે દુનિયામાં સામાજિક સુધારાની વાત થઈ રહી છે, પ્રગતિની વાત થઈ રહી છે, તો એવું માનવામાં આવે છે કે સુધારા મૂળથી પણ અંદર સુધી થશે. પરંતુ, જ્યારે આપણે રામાનુજાચાર્યજીને જોઈએ છીએ, ત્યારે આપણને ખ્યાલ આવે છે કે પ્રગતિશીલતા અને પ્રાચીનતા વચ્ચે કોઈ સંઘર્ષ નથી.
આજે રામાનુજાચાર્ય જી વિશાળ મૂર્તિ ‘સ્ટેચ્યુ ઓફ ઈક્વાલિટી’ ના રૂપમાં આપણને સમાનતાનો સંદેશ આપી રહ્યા છે. આ સંદેશ સાથે આજે દેશ ‘સૌનો સાથ, સૌનો વિકાસ, સૌનો વિશ્વાસ અને સૌનો પ્રયાસ’ના મંત્ર સાથે તેના નવા ભવિષ્યનો પાયો નાંખી રહ્યો છે.
ભેદભાવ વિના વિકાસ થવો જોઈએ
વડાપ્રધાન નરેન્દ્ર મોદીએ કહ્યું, ભેદભાવ વિના વિકાસ થવો જોઈએ, સૌનો સાથ હોવો જોઈએ. સામાજિક ન્યાય દરેકને મળવો જોઈએ, ભેદભાવ વિના. જેઓ સદીઓથી જુલમ ભોગવતા હતા, તેઓએ સંપૂર્ણ ગૌરવ સાથે વિકાસના ભાગીદાર બનવું જોઈએ, આ માટે આજનું બદલાયેલું ભારત એકજૂથ પ્રયાસ કરી રહ્યું છે. રામાનુજાચાર્યજી પણ ભારતની એકતા અને અખંડિતતા માટે એક પ્રેરણા છે. તેમનો જન્મ દક્ષિણમાં થયો હતો, પરંતુ તેમનો પ્રભાવ દક્ષિણથી ઉત્તર અને પૂર્વથી પશ્ચિમ સુધી સમગ્ર ભારત પર છે.
‘ભારતની પરંપરાનો વિજય’
પીએમ મોદીએ વધુમાં કહ્યું કે, આમાં એક તરફ વંશીય શ્રેષ્ઠતા અને ભૌતિકવાદનો ઉન્માદ હતો તો બીજી તરફ માનવતા અને આધ્યાત્મિકતામાં વિશ્વાસ હતો. આ યુદ્ધમાં ભારતનો વિજય થયો, ભારતની પરંપરાનો વિજય થયો. ભારતની આઝાદીની લડાઈ માત્ર તેની સત્તા અને તેના અધિકારોની લડાઈ નહોતી. આ લડાઈમાં એક બાજુ ‘વસાહતી માનસિકતા’ હતી તો બીજી બાજુ ‘જીવો અને જીવવા દો’નો વિચાર હતો.
સરદાર વલ્લભભાઈ પટેલને યાદ કર્યા
પીએમ મોદીએ કહ્યું કે, આજે દેશમાં એક તરફ સરદાર સાહેબની ‘સ્ટેચ્યુ ઓફ યુનિટી’ એકતાના શપથનું પુનરાવર્તન કરી રહી છે, જ્યારે રામાનુજાચાર્યની ‘સ્ટેચ્યુ ઓફ ઈક્વાલિટી’ સમાનતાનો સંદેશ આપી રહી છે. એક રાષ્ટ્ર તરીકે ભારતની આ વિશેષતા છે. ગયા વર્ષે જ, તેલંગાણામાં 13મી સદીના કાકટિયા રુદ્રેશ્વર-રામપ્પા મંદિરને યુનેસ્કો વર્લ્ડ હેરિટેજ સાઈટ જાહેર કરવામાં આવ્યું છે. વર્લ્ડ ટુરિઝમ ઓર્ગેનાઈઝેશને પણ પોચમ્પલ્લીને ભારતના શ્રેષ્ઠ પ્રવાસન ગામ તરીકે સ્થાન આપ્યું છે.
ભારતના મહાન સંતોમાં રામાનુજાચાર્ય સ્વામીની ગણના
ભારતમાં સૌપ્રથમ વખત સમાનતાની વાત કરનાર વૈષ્ણવ સંત રામાનુજાચાર્ય સ્વામીની ગણના ભારતના મહાન સંતોમાં થાય છે. તેમની 1000મી જન્મજયંતિ નિમિત્તે મિલેનિયમ સેલિબ્રેશનનું આયોજન કરવામાં આવી રહ્યું છે. તેમની પ્રતિમા વૈષ્ણવ સંપ્રદાયના ત્રિદંડી ચિન્ના જીયર સ્વામીના આશ્રમમાં સ્થાપિત કરવામાં આવી છે.
આ મંદિરને બનાવવામાં 1000 કરોડથી વધુનો ખર્ચ થયો છે. મૂર્તિની સાથે પરિસરમાં 108 દિવ્યદેશ પણ બનાવવામાં આવ્યો છે. તે 45 એકર વિસ્તારમાં ફેલાયેલું છે. મૂર્તિના અનાવરણ પહેલા પીએમ મોદીએ પ્રાર્થના પણ કરી હતી.
આ પણ વાંચો: The statue of Equality : કેવી રીતે આવ્યો આ ભવ્ય મૂર્તિ બનાવવાનો વિચાર ? શું છે મૂર્તિ સાથે 9ના આંકનો સંયોગ ?
