રેલવે મંત્રાલય ટ્રેનો ચલાવવા માટેની જવાબદારી ખાનગી કંપનીને આપવાની તૈયારીમાં!

રેલવેની વ્યવસ્થાઓ સુધારવા માટે રેલવે મંત્રાલય મોટો નિર્ણય લેવાની તૈયારીમાં છે. મંત્રાલય ગાડીની સેવાઓ હવે ખાનગી કંપનીઓને આપી શકે છે. આવનારા સમયમાં રાજધાની અને શતાબ્દી જેવી પ્રીમિયમ ટ્રેનોને ચલાવવાની જવાબદારી ખાનગી કંપનીઓને મળી શકે છે.

તેને લઈને આવનારા 100 દિવસનો એક ટાર્ગેટ પણ ફિક્સ કરવામાં આવ્યો છે. જેમાં પ્રીમિયમ ટ્રેનોને ચલાવવાની પરમિટ ખાનગી કંપનીઓને આપવાની યોજના છે. સુત્ર દ્વારા મળતી માહિતી મુજબ રાજધાની અને શતાબ્દી જેવી પ્રીમિયમ ટ્રેનો નફો કરી રહી છે, તેથી આવી ટ્રેનોનું કામ ખાનગી કંપનીઓ લેવા માટે વધારે ઈચ્છુક હશે.

રેલવે મંત્રાલયનું ફોક્સ છે કે ખાનગી કંપનીની ભાગદારી વધારવા માટે પ્રીમિયમ ટ્રેનોને ચલાવવાની પરમિટ ટુંક સમયમાં જ ખાનગી કંપનીઓને આપવામાં આવે. ટ્રેનોની જવાબદારી ખાનગી કંપનીને આપવા પાછળનો મુખ્ય હેતુ છે કે તેનાથી પ્રીમિયમ ટ્રેનના મુસાફરોની સુવિધાઓમાં વધારો થશે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

આ રીતે ખાનગી કંપનીઓ સારી સુવિધાઓ આપી શકશે, જ્યારે રેલવે આ ટ્રેનોની પરમિટ ટેન્ડરના આધાર પર કોઈ ઓપરેટરને આપશે તો રેલવેના ડબ્બા અને એન્જિનની જવાબદારી રેલવેની રહેશે. તે સિવાય રેલવે મુસાફરીનું ભાડુ નક્કી કરશે, તેથી પરમિટ મેળવનાર ખાનગી કંપની તે ભાડાથી વધારે કિંમત નહી વસુલી શકે.

આ પણ વાંચો: 100 દિવસમાં શરૂ થશે 5G નેટવર્કનું ટ્રાયલ, દેશભરમાં 5 લાખ WiFi-હોટસ્પોટ બનાવવાની યોજના

માત્ર મુસાફરી ટ્રેનોમાં નહી પણ માલ ગાડીઓમાં પણ ખાનગી કંપનીની ભાગીદારી વધારવા માટે મોટુ પગલું લઈ શકે છે. તે સિવાય માલ ગાડીઓની સ્પીડને પણ વધારવામાં આવી શકે છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]