Amritpal Singh: પંજાબ પોલીસને મળી મોટી સફળતા! ધરપકડ કરાયેલ NRI પાસેથી અમૃતપાલ સિંહ સંબંધિત મહત્વના પુરાવા મળ્યા
પંજાબ પોલીસે ફગવાડામાંથી એક NRIની ધરપકડ કરી છે, જેની પાસેથી ભાગેડુ અમૃતપાલ સિંહ અંગે કેટલાક મહત્વપૂર્ણ પુરાવા મળ્યા છે. આ કેસમાં પોલીસે ઘણા લોકોની અટકાયત પણ કરી છે, જેની પૂછપરછ કરવામાં આવી રહી છે.
‘વારિસ પંજાબ દે’ના ચીફ અને ખાલિસ્તાની સમર્થક અમૃતપાલ સિંહ હજુ સુધી પંજાબ પોલીસના હાથે ઝડપાયો નથી. 18 માર્ચથી તેની શોધ ચાલી રહી છે, જ્યારે પોલીસે તેની અને તેના સહયોગીઓ સામે કાર્યવાહી શરૂ કરી હતી. હવે પંજાબ પોલીસે કપૂરથલા જિલ્લાના ફગવાડા શહેરમાંથી એક NRIની ધરપકડ કરી છે. સૂત્રોએ જણાવ્યું છે કે હોશિયારપુરથી અમૃતપાલ ફરાર થવાની ઘટનાના સંદર્ભમાં આ NRIની ધરપકડ કરવામાં આવી છે.
આ પણ વાંચો: ભાગેડુ અમૃતપાલને વિદેશમાં હીરો બનાવવામાં વ્યસ્ત ખાલિસ્તાની, રોજેરોજ લાખોનો ખર્ચ, જાણો ક્યાંથી આવે છે ફંડ?
આ કેસમાં વધુ ઘણા લોકોની અટકાયત
સૂત્રોના જણાવ્યા અનુસાર ધરપકડ કરાયેલ NRIનું નામ જસવિંદર સિંહ પાંગલી છે, જે ફગવાડા પાસેના જગતપુર જટ્ટા ગામનો રહેવાસી છે. એવું પણ જાણવા મળ્યું છે કે, પાંગલી સિવાય, પોલીસે આ કેસમાં વધુ ઘણા લોકોની અટકાયત કરી છે, જેમની પૂછપરછ કરવામાં આવી રહી છે. પૂછપરછમાં અમૃતપાલ વિશે મોટા ખુલાસા થઈ શકે છે.
NRI પાસેથી ઘણા મહત્વપૂર્ણ પુરાવા મળ્યા- સુત્ર
મહત્વનું છે કે, અમૃતપાલ સિંહનું છેલ્લું લોકેશન 28 માર્ચે હોશિયારપુરના મરનૈયા ગામમાં મળ્યું હતું. હોશિયારપુરમાં પોલીસે તેને પકડવા માટે સર્ચ ઓપરેશન શરૂ કર્યું છે. ખાલિસ્તાની સમર્થક અમૃતપાલ મારનાયા ગામમાંથી ફરાર થયા બાદ પંજાબ પોલીસે પહેલીવાર એક વ્યક્તિની ધરપકડ કરી છે. જસવિંદર સિંહ પાંગલીમાંથી અમૃતપાલ અને તેના પાર્ટનર પપ્પલ પ્રીત સિંહ વિરુદ્ધ ઘણા મહત્વપૂર્ણ પુરાવા મળ્યા છે.
આવનાર દિવસોમાં મોટા ખુલાસા કરી શકે છે પંજાબ પોલીસ
ચર્ચા છે કે આવનાર દિવસોમાં પંજાબ પોલીસ આ મામલે ઘણા મોટા ખુલાસા કરી શકે છે. અલગાવવાદી નેતા અમૃતપાલ સિંહના ફરાર થયા બાદ પંજાબ પોલીસની વિશ્વસનીયતા પર ગંભીર સવાલો ઉભા થઈ રહ્યા છે. 22 દિવસથી પોલીસના હાથ ખાલી છે. આ મહિનાની શરૂઆતમાં, સોશિયલ મીડિયા પર એક વીડિયો વાયરલ થયો હતો, જેમાં અમૃતપાલ અને પપલપ્રીત સિંહ હોશિયારપુરના એક ગામમાં એક કેમ્પમાં જોવા મળ્યા હતા.
ભાગેડુ અમૃતપાલને વિદેશમાં હીરો બનાવવામાં વ્યસ્ત ખાલિસ્તાની
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…
