પંજાબની (Punjab) મોહાલી કોર્ટે તજિંદર પાલ સિંહ બગ્ગા (Tajinder Pal Singh Bagga) વિરુદ્ધ ધરપકડ વોરંટ જાહેર કર્યું છે. કોર્ટે પોલીસને તેની ધરપકડ કરીને કોર્ટમાં હાજર થવાનો આદેશ આપ્યો છે. મોહાલી કોર્ટે દિલ્હી ભાજપના પ્રવક્તા તજિંદર બગ્ગા વિરુદ્ધ વોરંટ જાહેર કર્યું છે. કોર્ટ દ્વારા પોલીસને તેની ધરપકડ કરવાનો આદેશ આપવામાં આવ્યો છે. જણાવી દઈએ કે પંજાબ પોલીસે શુક્રવારે બીજેપી નેતાની જનકપુરી સ્થિત તેમના ઘરેથી ધરપકડ કરી હતી. જો કે દિલ્હી પોલીસ તેને હરિયાણાથી પરત લાવી હતી. દિલ્હી પોલીસે કહ્યું હતું કે તેમને બીજેપી નેતાની ધરપકડ અંગે કોઈ જાણ કરવામાં આવી નથી.
તજિંદર સિંહ બગ્ગાના પિતા પ્રીતપાલ બગ્ગાની ફરિયાદ પર દિલ્હી પોલીસે શુક્રવારે અપહરણનો કેસ નોંધ્યો હતો. બીજેપી નેતાના પિતાએ આરોપ લગાવ્યો હતો કે શુક્રવારે સવારે લગભગ 8 વાગ્યે કેટલાક લોકો તેમના ઘરમાં ઘૂસી ગયા અને તેમના પુત્રનું અપહરણ કર્યું. ભાજપના નેતા તજિંદર બગ્ગાએ થોડા સમય પહેલા ફિલ્મ ‘ધ કાશ્મીર ફાઇલ્સ’ વિરુદ્ધ ટ્વિટ કરીને દિલ્હીના સીએમ અરવિંદ કેજરીવાલની ટીકા કરી હતી. આ ઘટના બાદ તેઓ આમ આદમી પાર્ટીના નિશાના પર આવી ગયા હતા.
BJP नेता तजिंदर बग्गा पर फिर लटकी गिरफ्तार की तलवार।
तजिंदर बग्गा के खिलाफ अरेस्ट वारंट जारी हुआ, मोहाली कोर्ट ने वारंट जारी किया।
मोहाली कोर्ट का पंजाब पुलिस को आदेश, बग्गा को गिरफ्तार करके कोर्ट में पेश किया जाए।#TejinderBagga #BJP #Punjab #Police #Arrest pic.twitter.com/t8jYDXMXoJ
— Jeet Bhati ( जीत भाटी ) (@JeetBhatiNews) May 7, 2022
પંજાબ પોલીસે ગયા મહિને બીજેપી નેતા વિરુદ્ધ ઉશ્કેરણીજનક નિવેદનો કરવા, દુશ્મનાવટને પ્રોત્સાહન આપવા અને ગુનાહિત ધમકી આપવા બદલ કેસ નોંધ્યો હતો. મોહાલીમાં રહેતા એક વ્યક્તિની ફરિયાદના આધારે પોલીસે બગ્ગા વિરુદ્ધ કેસ નોંધ્યો હતો. મોહાલી કોર્ટે તજિંદર બગ્ગા વિરુદ્ધ ધરપકડ વોરંટ જાહેર કર્યું છે. કોર્ટે પંજાબ પોલીસને બીજેપી નેતા બગ્ગાની ધરપકડ કરીને કોર્ટમાં રજૂ કરવાનો આદેશ આપ્યો છે.
બગ્ગાના કેસમાં પંજાબ પોલીસની અરજી પર પંજાબ-હરિયાણા હાઈકોર્ટમાં સુનાવણી મોકૂફ રાખવામાં આવી છે. આ મામલે વધુ સુનાવણી મંગળવાર, 10 મેના રોજ હાથ ધરવામાં આવશે. બીજેપી નેતા બગ્ગાએ પંજાબ પોલીસ પર ઘણા મોટા આરોપ લગાવ્યા છે. તેમણે કહ્યું કે પોલીસે તેની આતંકવાદીની જેમ ધરપકડ કરી છે. તજિંદર પાલ સિંહ બગ્ગાના પિતા પ્રીતપાલ સિંહે કહ્યું છે કે તેઓ કોઈને કોઈ કેસમાં તજિંદર બગ્ગાની ધરપકડ કરવા માંગે છે. તેમણે કહ્યું કે દિલ્હી પોલીસ તેને સુરક્ષા આપી રહી છે.
Published On - 6:59 pm, Sat, 7 May 22