Twitter પર સૌથી વધારે ફોલોઅર્સ ધરાવનારા ત્રીજા રાજનેતા બન્યા PM મોદી, જાણો પ્રથમ અને બીજા નંબર પર કોણ?

ટ્વીટર પર વડાપ્રધાન મોદીની લોકપ્રિયતામાં સતત વધારો થઈ રહ્યો છે. રવિવારે ટ્વીટર પર વડાપ્રધાન મોદીના ફોલોઅર્સની સંખ્યા 6 કરોડની પાર પહોંચી ચૂકી છે. આ પહેલા સપ્ટેમ્બર 2019 સુધી વડાપ્રધાનના ફોલોઅર્સની સંખ્યા 5 કરોડની આસપાસ હતી. 10 મહિનામાં જ વડાપ્રધાનના 1 કરોડ ફોલોઅર્સ વધી ગયા છે.

ટ્વીટર પર દુનિયાભરમાં સૌથી વધુ ફોલો કરવામાં આવી રહેલા નેતાઓના લિસ્ટમાં વડાપ્રધાન મોદી ત્રીજા નંબર પર છે. આંતરરાષ્ટ્રીય સ્તર પર વડાપ્રધાન મોદી ટ્વીટર ફોલોઅર્સના મામલે અમેરિકાના રાષ્ટ્રપતિ ડોનાલ્ડ ટ્રમ્પ અને પૂર્વ રાષ્ટ્રપતિ બરાક ઓબામાથી ખુબ પાછળ છે. પ્રથમ સ્થાન પર પૂર્વ અમેરિકી રાષ્ટ્રપતિ બરાક ઓબામા છે. જેમના હાલ 12.9 કરોડ ટ્વીટર ફોલોઅર્સ છે. ત્યારે બીજા સ્થાન પર હાલના અમેરિકી રાષ્ટ્રપતિ ડોનાલ્ડ ટ્રમ્પ છે. તેમના 8.37 કરોડ ટ્વીટર ફોલોઅર્સ છે.

ઉલ્લેખનીય છે કે વડાપ્રધાન મોદી જ્યારે ગુજરાતના મુખ્યપ્રધાન હતા. ત્યારે વર્ષ 2009માં ટ્વીટર એકાઉન્ટ બનાવ્યું હતું. વડાપ્રધાન લોકો સાથે જોડાયેલા રહેવા માટે ટ્વીટરનો ખુબ ઉપયોગ કરે છે. તે મુખ્ય જાહેરાતોથી લઈ પોતાના કાર્યક્રમોની જાણકારી પણ શેયર કરતા રહે છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

વડાપ્રધાન મોદી ટ્વીટર પર સૌથી વધારે ફોલોઅર્સ ધરાવનારા ભારતીય રાજનેતા છે. ત્યારબાદ ભારતીય નેતાઓના લિસ્ટમાં કેન્દ્રીય ગૃહપ્રધાન અમિત શાહ બીજા સ્થાન પર છે. તેમના 2.16 કરોડ ફોલોઅર્સ છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]