PM કિસાન યોજના : 24મા હપ્તાના 2000 રૂપિયા ક્યારે આવી શકે છે ? આગામી હપ્તો મેળવવા ખેડૂતો તાત્કાલિક પૂર્ણ કરી લે આ જરૂરી કામ
જો તમે પણ PM કિસાન યોજનાના 24મા હપ્તાની રાહ જોઈ રહ્યા હોવ, તો તમારે તમારું e-KYC, જમીનના રેકોર્ડ્સ અને બેંક ખાતા સાથે જોડાયેલી વિગતો અચૂક ચકાસી લેવી જોઈએ, જેથી હપ્તો જમા થવામાં કોઈ મુશ્કેલી ન પડે.
કેન્દ્ર સરકાર દેશના નાના અને સીમાંત ખેડૂતોને આર્થિક સહાય પૂરી પાડવા માટે ‘પ્રધાનમંત્રી કિસાન સન્માન નિધિ યોજના’ ચલાવી રહી છે. આ યોજના હેઠળ ખેડૂતોને વાર્ષિક 6000 રૂપિયાની નાણાકીય સહાય આપવામાં આવે છે. આ રકમ ખેડૂતોના બેંક ખાતામાં દર 4 મહિનાના અંતરે 2000 રૂપિયાના ત્રણ સમાન હપ્તામાં સીધી ટ્રાન્સફર કરવામાં આવે છે.
PM કિસાન યોજના હેઠળ અત્યાર સુધીમાં ખેડૂતોના ખાતામાં 23 હપ્તા જમા થઈ ચૂક્યા છે. હવે પાત્રતા ધરાવતા ખેડૂતો 24મા હપ્તાની આતુરતાપૂર્વક રાહ જોઈ રહ્યા છે.
ક્યારે આવી શકે છે 24મા હપ્તાના 2000 રૂપિયા?
PM કિસાન યોજનાનો 23મો હપ્તો જૂન મહિનામાં જાહેર કરવામાં આવ્યો હતો. તે નિયમ અનુસાર 4 મહિનાનો સમયગાળો ઓક્ટોબરમાં પૂર્ણ થઈ રહ્યો છે. આવી સ્થિતિમાં માનવામાં આવી રહ્યું છે કે સરકાર ચાલુ મહિનામાં જ ખેડૂતોના ખાતામાં 2000 રૂપિયા જમા કરાવી શકે છે. જોકે, હજુ સુધી સરકાર તરફથી તારીખની કોઈ સત્તાવાર જાહેરાત કરવામાં આવી નથી. શક્યતા છે કે દિવાળીના તહેવાર પહેલાં સરકાર આ હપ્તો ટ્રાન્સફર કરવાની જાહેરાત કરે. તાજા અપડેટ્સ માટે ખેડૂતો સત્તાવાર પોર્ટલ pmkisan.gov.in ની મુલાકાત લઈ શકે છે.
આગામી હપ્તો મેળવવા માટે ખેડૂતો આ 2 બાબતોનું ખાસ ધ્યાન રાખે:
- e-KYC: જો તમારું e-KYC અધૂરું હોય, તો તેને શક્ય તેટલી વહેલી તકે પૂરું કરી લો. આ માટે તમે પોર્ટલ પર આપેલા ઓપ્શન્સનો ઉપયોગ કરી શકો છો.
- બેંક ખાતું: હપ્તો સમયસર મેળવવા માટે તમારા બેંક ખાતાની માહિતી અને પોર્ટલ પર નોંધાયેલી વિગતો યોગ્ય હોવી જોઈએ. બેંક ખાતું આધાર લિંક અને ડીબીટી સક્રિય હોવું જરૂરી છે, અન્યથા પેમેન્ટ અટકી શકે છે.
કેવી રીતે પૂર્ણ કરશો e-KYC?
પાત્રતા ધરાવતા ખેડૂતો બે સરળ પદ્ધતિઓથી e-KYC પ્રક્રિયા પૂર્ણ કરી શકે છે:
- OTP આધારિત e-KYC (ઓનલાઇન):
- જો ખેડૂતનો મોબાઈલ નંબર આધાર સાથે લિંક હોય, તો તેઓ જાતે જ OTP દ્વારા e-KYC કરી શકે છે:
- સૌપ્રથમ સત્તાવાર PM કિસાન પોર્ટલ પર જાઓ.
- હોમ પેજ પર જમણી બાજુ આપેલા e-KYC વિકલ્પ પર ક્લિક કરો.
- અહીં તમારો આધાર નંબર દાખલ કરો.
રજિસ્ટર્ડ મોબાઈલ નંબર પર આવેલો OTP એન્ટર કરીને e-KYC પ્રક્રિયા પૂર્ણ કરો.
બાયોમેટ્રિક e-KYC (ઓફલાઇન): આ એક ઓફલાઇન સુવિધા છે. જે ખેડૂતોનો મોબાઈલ નંબર આધાર સાથે લિંક ન હોય, તેઓ નજીકના કોમન સર્વિસ સેન્ટર (CSC) અથવા ગ્રામ પંચાયત/સેવા કેન્દ્ર પર જઈને ફિંગરપ્રિન્ટ સ્કેન કરાવી પોતાની બાયોમેટ્રિક e-KYC પ્રક્રિયા પૂર્ણ કરાવી શકે છે.
