લોકસભા ચૂંટણીમાં મોટી સંખ્યામાં મતદાતાઓ મત આપવા માટે જાય છે પણ નવાદા લોકસભા ક્ષેત્રનું એક મતદાન મથક એવુ છે જ્યાં કોઈ પણ મતદાતા મત આપવા માટે આવ્યુ નથી. આ ક્ષેત્રના બઝવારા ગામના મતદાન મથક નંબર 29 પર મતદાતાઓએ મત આપવાથી ઈનકાર કરી દીધો. બઝવારા ગામના લોકોએ કહ્યું કે વિકાસના દાવા વચ્ચે પણ તેમનો વિસ્તાર પાછળ […]
Follow us on
લોકસભા ચૂંટણીમાં મોટી સંખ્યામાં મતદાતાઓ મત આપવા માટે જાય છે પણ નવાદા લોકસભા ક્ષેત્રનું એક મતદાન મથક એવુ છે જ્યાં કોઈ પણ મતદાતા મત આપવા માટે આવ્યુ નથી.
આ ક્ષેત્રના બઝવારા ગામના મતદાન મથક નંબર 29 પર મતદાતાઓએ મત આપવાથી ઈનકાર કરી દીધો. બઝવારા ગામના લોકોએ કહ્યું કે વિકાસના દાવા વચ્ચે પણ તેમનો વિસ્તાર પાછળ છે.
તેમના ગામમાં રોડની સુવિધા પણ નથી, ત્યારે ગામના બધા લોકોએ ભેગા મળીને જાહેર કર્યુ છે કે ‘રોડ નહી તો વોટ નહિ’. મત આપવાનો બહિષ્કારને લઈને ગામના લોકો પોસ્ટર લઈને રોડની માગ સાથે રસ્તા પર પ્રદર્શન કરતા નજરે આવી રહ્યા છે.
પ્રેસિડેશન ઓફિસર પરવેઝ આલમે જણાવ્યુ કે આ ગામમાં 1163 મતદાતા છે, પણ કોઈ પોતાનો મત આપવા માટે આવ્યુ નથી. ગામના લોકોએ જણાવ્યું કે રોડની માગને લઈને સાંસદ અને મુખ્યમંત્રીને પણ આવેદન આપ્યુ હતુ પણ કોઈ પ્રતિનિધિ અને જિલ્લા મેજિસ્ટ્રેટે તેના પર ધ્યાન આપ્યુ નથી. આ કારણે અમે લોકો ભેગા મળીને મત આપવાનો બહિષ્કાર કર્યો છે.
