ટેલીકોમ કંપનીઓને મોટી રાહત, સ્પેક્ટ્રમના પૈસા ચૂક્વવા માટે સરકારે આપ્યો લાંબો સમય

નાણાકીય સંકટથી ઝઝૂમી રહેલી ટેલીકોમ કંપનીઓ માટે કેન્દ્ર સરકારે મોટી રાહતની જાહેરાત કરી છે. સરકારે તમામ ટેલીકોમ કંપનીઓને સ્પેક્ટ્રમના પૈસા ચૂક્વવા માટે 2 વર્ષનો સમય આપ્યો છે. સુત્રો દ્વારા મળતી માહિતી મુજબ સરકારના આ નિર્ણયથી ટેલીકોમ કંપનીઓ એરટેલ, વોડાફોન, આઈડિયા અને રિલાયન્સ જિયોને 42,000 કરોડ રૂપિયાની રાહત મળશે.

નાણામંત્રી નિર્મલા સીતારમણે વડાપ્રધાન મોદીની અધ્યક્ષતામાં થયેલી મંત્રીમંડળની બેઠક પછી આ જાણકારી આપી છે. તેમને કહ્યું કે ટેલીકોમ કંપનીઓને 2020-21 અને 2021-22 બે વર્ષ માટે સ્પેક્ટ્રમના પૈસા ચૂક્વવા માટે છુટ આપવામાં આવી છે.

નાણામંત્રીએ વધુમાં કહ્યું કે સ્પેક્ટ્રમની વિલંબિત ચુકવણી સમય વધાર્યા વિના બાકીના હપ્તામાં સમાન રીતે વહેંચવામાં આવશે. તેમણે કહ્યું હતું કે, ટેલિકોમ કંપનીઓને સ્પેક્ટ્રમના વિલંબિત ચુકવણી પર થતું વ્યાજ ચૂકવવાનું રહેશે.

ઉલ્લેખનીય છે કે ટેલીકોમ કંપનીઓ હાલમાં ઘણા સંકટમાંથી પસાર થઈ રહી છે. AGR પર સુપ્રીમ કોર્ટના નિર્ણય પછી સપ્ટેમ્બર ક્વાર્ટરમાં બે જુની ટેલીકોમ કંપનીઓ વોડાફોન, આઈડિયા અને એરટેલનું સંયુક્ત દેવું 74 હજાર કરોડ રૂપિયાને પાર કરી ગયુ હતું.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

વોડાફોન આઈડિયાને આ ક્વાર્ટરમાં 50,921 કરોડ રૂપિયાનું નુકસાન થયું. આ કોઈ પણ ભારતીય કંપનીને અત્યાર સુધી કોઈ એક ક્વાર્ટરમાં થયેલું સૌથી મોટું નુકસાન છે. ત્યારબાદ ટેલીકોમ ક્ષેત્ર સતત સરકારને રાહત આપવા માટે માગ કરી રહ્યું હતું.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]