મધ્યપ્રદેશના ભોપાલમાં એક આશ્ચર્યજનક ઘટના સામે આવી હતી. તહેવાર ટાણે હોટલમાં ભોજન કરવા આવેલા કેટલાક લોકોને જમવાનુ બરાબર ન લાગતા તેમણે હોટલના કર્મચારીઓ સાથે મારપીટ કરી હતી. આ સમગ્ર ઘટના CCTV કેમેરામાં કેદ થઈ હતી. CCTVના દ્રશ્યોમાં સ્પષ્ટ જોઈ શકાય છે કે, યોગ્ય ભોજન ન મળતા એક ગ્રાહક હોટલના રસોડામાં ઘુસી આવે છે અને હોટલના કર્મચારી સાથે માથાકૂટ કરે છે.
આ પણ વાંચો: સુરેન્દ્રનગરઃ વરસાદના કારણે ઝીંઝુવાડા રણમાં ફસાયેલા 1100 જેટલા દર્શનાર્થીઓને બચાવી લેવાયા
બસ એટલી જ વારમાં અન્ય એક વ્યક્તિ પણ અંદર રસોમાં ધસી આવે છે અને કાંઈ પણ બોલ્યા-ચાલ્યા વિના મારામારી શરૂ કરી દે છે. તે આવીને સીધો હોટલના કર્મચારીને મારવા જ લાગે છે. આ દરમિયાન તેના અન્ય મિત્ર હોટલના સ્ટાફ પર ગરમ શાક ફેંકીને હુમલો કરે છે. આ મારપીટ તો માત્ર શરૂઆત હતી પરંતુ થોડી જ ક્ષણોમાં મામલો એટલો ઉગ્ર બની જાય છે કે, ભોજન કરવા આવેલા મિત્રોનું આખુ જૂથ રસોડાની અંદર મારામારી કરવા લાગે છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
તો સામાપક્ષે હોટલના રસોઈયા સહિતનો સ્ટાફ પણ સામે બાથ ભીડી લે છે. મારપીટની આ સમગ્ર ઘટના CCTVમાં કેદ થઈ હતી. હાલ તો આ સમગ્ર મામલે સામસામે પોલીસ ફરિયાદ નોંધાઈ છે. જેમા હોટલ દ્વારા ગ્રાહકો પર દારૂના નશામાં મારામારી કરવાનો આક્ષેપ કરાયો છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો