Lok Sabha Election 2024 : પ્રથમ તબક્કાની ચૂંટણી સંપન્ન, સરેરાશ 59 ટકા મતદાન, જાણો કયા રાજ્યમાં કેટલું થયું મતદાન

લોકસભા ચૂંટણીના સાત તબક્કા પૈકી આજે હાથ ધરાયેલ પ્રથમ તબક્કાનું મતદાન પૂર્ણ થઈ ગયું છે. પ્રથમ તબક્કાની 102 બેઠક માટેની ચૂંટણીમાં 1600થી વધુ ઉમેદવારો મેદાનમાં હતા, જેમનું ભાવિ ઈવીએમમાં ​​કેદ થયું છે. આજે થયેલા ચૂંટણીમાં પશ્ચિમ બંગાળમાં સૌથી વધુ મતદાન થવા પામ્યું છે. જ્યારે બિહારમાં 46.32 ટકા મતદાન સાથે સૌથી ઓછુ થયું છે.

લોકસભા ચૂંટણીના સાત તબક્કાના પ્રથમ તબક્કાનું મતદાન સમાપ્ત થઈ ગયું છે. 21 રાજ્યોની 102 બેઠકો પર મતદારોએ મતદાન કર્યું. આજના પ્રથમ તબક્કાની ચૂંટણીમાં 1600 થી વધુ ઉમેદવારો ચૂંટણી જંગના મેદાનમાં હતા. જેમાં નવ કેન્દ્રીય પ્રધાન, બે ભૂતપૂર્વ મુખ્ય પ્રધાન અને એક ભૂતપૂર્વ રાજ્યપાલનો પણ સમાવેશ થાય છે. ઈવીએમ સીલ થવાની સાથે જ ઉમેદવારોનુ ભાગ્ય પણ આગામી 4 જૂન સુધી સીલ થવા પામ્યું છે. ​​