લાલુના લાલ અને અધીર રંજન ચૌધરીનો બફાટ, મોહર્રમની શુભેચ્છા પાઠવી, જાણો કેમ નથી આપવામાં આવતી મોહર્રમની શુભેચ્છા

કોંગ્રેસના વરિષ્ઠ નેતા અને સાંસદ અધીર રંજન ચૌધરી (Adhir Ranjan Chaudhary) રાષ્ટ્રપતિ દ્રૌપદી મુર્મુ પર વિવાદિત નિવેદન આપ્યા બાદ ફરી એકવાર વિવાદોમાં ફસાયા છે. હવે તેમણે દેશના મુસ્લિમ સમાજના લોકોને મોહર્રમની (Muharram) શુભેચ્છા પાઠવીને વધુ એક ભૂલ કરી છે. ભૂલ કર્યા બાદ જ્યારે તેને આ વાતનો અહેસાસ થયો તો તેણે પોસ્ટ ડિલીટ કરી દીધી, પરંતુ તેની પોસ્ટનો સ્ક્રીન શોટ સોશિયલ મીડિયા પર વાયરલ થઈ રહ્યો છે. યુઝર્સ તેને ટ્રોલ કરી રહ્યા છે. આ કરવામાં અધીર રંજન એકલા નથી. RJD સુપ્રીમો લાલુ પ્રસાદ યાદવના પુત્ર તેજ પ્રતાપ યાદવે પણ મીડિયા સાથે વાતચીત દરમિયાન મોહર્રમની શુભેચ્છા પાઠવી હતી. તેમણે કહ્યું, દેશભરના તમામ મુસ્લિમ ભાઈઓને મોહર્રમની શુભેચ્છા. ન્યૂઝ એજન્સી ANIએ તેમનો વીડિયો જાહેર કર્યો છે.

કોંગ્રેસ નેતા અધીર રંજને આ પોસ્ટ ડિલીટ કરી છે

તેજ પ્રતાપ યાદવનો વીડિયો વાયરલ થઈ રહ્યો છે

મોહર્રમ પર શા માટે શુભેચ્છા આપવામાં આવતા નથી?

મોહરમ એ ઇસ્લામિક કેલેન્ડરનો પહેલો મહિનો છે. તેની શરૂઆત 31મી જુલાઈથી થાય છે. રોઝ-એ-આશુરા મહિનાના 10 માં દિવસે ઉજવવામાં આવે છે. આ દિવસે શોક મનાવવામાં આવે છે. શિયા મુસ્લિમો તેને દુઃખનો મહિનો કહે છે. કહેવાય છે કે 1400 વર્ષ પહેલા કરબલામાં માનવયુદ્ધમાં પયગંબર હઝરત મોહમ્મદના પૌત્ર ઈમામ હુસૈન 72 લોકો સાથે શહીદ થયા હતા. તેમણે ઈસ્લામની રક્ષા માટે શહીદી આપી હતી. આ જ કારણ છે કે કાળા કપડા પહેરીને શોક મનાવવામાં આવે છે અને શિયા સમુદાય શોક વ્યક્ત કરે છે. સુન્ની સમુદાય રોઝા અને નમાઝ દ્વારા પોતાનું દુ:ખ વ્યક્ત કરે છે. તેથી મોહર્રમ પર શુભેચ્છા આપવામાં આવતા નથી.

આ દિવસે ઈમામ હુસૈનની શહાદતને યાદ કરીને તેમને નમન કરવામાં આવે છે. બિહારના મુખ્યમંત્રી પદેથી રાજીનામું આપતા પહેલા નીતીશ કુમારે પોતે મંગળવારે આ કર્યું હતું. ઈમામ હુસૈનને યાદ કરીને આજે તેમને નમન કર્યા હતા.