જ્યાં નેટ નથી ત્યાં પણ પહોંચશે શિક્ષણ, કેન્દ્રશાસિત પ્રદેશ લદ્દાખની બાળકોના શિક્ષણ માટેની યોજના

કોરોનાના આ સમયમાં ઓનલાઈન શિક્ષણ ખુબ મહત્વનું થઇ ગયું છે. આવામાં લદ્દાખ શાળાના બાળકોને નિશુલ્ક ટેબ્લેટ આપનારું પ્રથમ કેન્દ્રશાસિત પ્રદેશ બન્યું છે. શુક્રવારે ઉપરાજ્યપાલ આરકે માથુરે યોન ટેબ યોજાનાનો આરંભ કર્યો હતો. આ આરંભ વર્ચ્યુઅલ કરવામાં આવ્યો હતો.

વિશેષ વાત એ છે કે માહિતી ટેકનોલોજી વિભાગની સહાયથી ટેબ્લેટમાં 12,300 વિદ્યાર્થીઓ માટે ઓનલાઇન અને ઓફલાઇન સામગ્રી અપલોડ કરવામાં આવી છે. જેમાં ઇ-પાઠય પુસ્તકો, વિડીયો લેકચર, ઓનલાઇન વર્ગની એપ્લિકેશનો શામેલ છે. આ ટેબ્લેટ આગામી બે મહિનામાં છઠ્ઠા ધોરણથી બારમાં ધોરણના વર્ગના વિદ્યાર્થીઓમાં વિતરણ કરવામાં આવશે.

આ વિશેષ યોજનાનો હેતુ લદ્દાખના દૂરના વિસ્તારોમાં ઉચ્ચ તકનીકી શિક્ષણ સુવિધાઓ પૂરા પાડવાનો છે, જ્યાં ઇન્ટરનેટની સુવિધા પણ પહોંચી નથી. આ ટેબમાં પર્યાપ્ત વિષય મુજબની સામગ્રી અપલોડ કરવામાં આવી છે, જેનો લાભ ચાઇનાને અડીને આવેલા LAC ક્ષેત્રના વિદ્યાર્થીઓને પણ મળશે. લેફ્ટનન્ટ ગવર્નરે કહ્યું કે લદાખની ભૌગોલિક પરિસ્થિતિમાં વિદ્યાર્થીઓ માટે આ યોજના ખૂબ જ મહત્વપૂર્ણ છે. તેમણે કહ્યું કે કેન્દ્રએ આ યોજના માટે પૂરતા નાણાં ઉપલબ્ધ કરાવ્યા છે.

ટેલિકોમ સુવિધા લદાખના 100% વિસ્તારમાં પહોંચશે

એલજી આર કે માથુરે કહ્યું કે લદ્દાખનો મોટો વિસ્તાર ટેલિકોમ સેવાઓથી વંચિત છે. આ માટે વિશેષ પ્રયાસો કરવામાં આવી રહ્યા છે. ટૂંક સમયમાં જ વધારાના 115 ટાવર્સ અને 1760 કિ.મી. ઓપ્ટિકલ ફાઇબર કેબલ નાખવામાં આવશે છે. આ અંગેની માંગ સંબંધિત વિભાગ સમક્ષ મુકવામાં આવી છે.

તેજસ્વી વિદ્યાર્થીને કોચિંગ માટે 1-1.5 લાખ આપવામાં આવશે

લદાખમાં NEET, JEE, NDA અને UG CLAT માં ઉત્તમ પ્રદર્શન કરનાર 10 અને 12 ના વર્ગના વિદ્યાર્થીઓને એક લાખ રૂપિયા કોચિંગ ફી તરીકે આપવામાં આવશે. તે જ સમયે જે વિદ્યાર્થીઓ સિવિલ સર્વિસીસ, આઈઇએસ અને આઈએસએસ પાસ કર્યા છે તેમને 1.54 લાખ રૂપિયાની આર્થિક સહાય આપવામાં આવશે.

આ પણ વાંચો: પૃથ્વી પરથી 5 સેકન્ડ માટે ઓક્સિજન ગાયબ થઇ જાય તો? ક્યારેય વિચાર્યો નહીં હોય આવો મહાપ્રલય

આ પણ વાંચો: દેશની સૌથી સસ્તી વેક્સિન હશે Corbevax, કેન્દ્ર સરકારે પ્રિ-બુક કરાવ્યા 30 કરોડ ડોઝ, જાણો કિંમત