Kerala Assembly Election Result 2016: કેરળની છેલ્લી વિધાનસભા ચૂંટણીના આ પરિણામો હતા, આજે નિર્ણય થશે કે કોની બનશે સરકાર ?

Kerala Assembly Election Result: કેરળ વિધાનસભા ચૂંટણી 2021 માટે મતગણતરી ટૂંક સમયમાં શરૂ થવા જઈ રહી છે. પરિણામો આવતાની સાથે જ ખબર પડી જશે કે આ વખતે રાજ્યમાં કયા પક્ષની સરકાર બનવાની છે.

140 બેઠકોવાળી કેરળ વિધાનસભાની મતગણતરી રવિવારે સવારે 8 કલાકે શરૂ થશે. યુડીએફ અને એલડીએફ બંને રાજ્યની સત્તામાં આવવા માંગે છે. આ બંને પક્ષો વચ્ચે કાંટાની ટક્કર જોવા મળી રહી છે. જણાવી દઇએ કે બંને ગઠબંધન માટે ચૂંટણીઓ મહત્વપૂર્ણ છે કારણ કે મુખ્યપ્રધાન પિનારાઇ વિજયન સત્તામાં રહેવા માંગે છે અને કોંગ્રેસ રાજ્યમાં સત્તા મેળવવા માટે પ્રયાસ કરી રહી છે. કેરળ દેશનું એકમાત્ર ડાબેરી શાસિત રાજ્ય હોવાથી અને કોંગ્રેસના નેતા રાહુલ ગાંધીએ કોંગ્રેસ માટે કેરળ અભિયાનનું નેતૃત્વ કર્યું હોવાથી આ ચૂંટણીઓ બંને પક્ષોના રાજકીય ભાવિ માટે મહત્વપૂર્ણ છે. તમને જણાવી દઈએ કે કેરળમાં 2021 ની વિધાનસભાની ચૂંટણીમાં 70.52 ટકા લોકોએ મત આપ્યો છે.

2016 ની વિધાનસભાની ચૂંટણીમાં એલડીએફએ 77 બેઠકો જીતી હતી.

જ્યાં સુધી 2016 ના કેરળ વિધાનસભાની ચૂંટણીના ગણિતની વાત છે, મતદાનના એક તબક્કામાં એલડીએફે 140 બેઠકોમાંથી 91 બેઠકો જીતીને સરકારની રચના કરી હતી. કોંગ્રેસના નેતૃત્વમાં ગઠબંધન યુનાઇટેડ ડેમોક્રેટિક ફ્રન્ટ (યુડીએફ) ને 47 બેઠકો મળી. રાજ્યમાં ગૌરવ માટે 71 બેઠકોની જરૂર હતી.આ ચૂંટણીઓમાં ભાજપને 1, સીપીઆઈ 19, સીપીઆઈ (એમ) 58, કોંગ્રેસને 22. એનસીપી 2. આઈયુએમએલ 18, જેડીએસ 03, કેરળ કોંગ્રેસ (એમ) 1 અને અન્યને 11 બેઠકો મળી.

કેરળમાં દર પાંચ વર્ષે સરકાર બદલાય છે

નોંધપાત્ર વાત એ છે કે કેરળમાં હંમેશાં દર પાંચ વર્ષે સરકાર બદલવા માટે મત આપવામાં આવે છે. જો વિજયન આ વખતે વિધાનસભાની ચૂંટણીના પરિણામો પછી સત્તામાં રહેશે તો તે કેરળની રાજકીય પરંપરાને તોડી રહ્યાં છે તેમ કહેવાશે. તેમ છતાં, રાજ્યમાં ભાજપે આક્રમક પ્રચારની આગેવાની કરી હતી, પરંતુ કોઈ પણ એક્ઝિટ પોલમાં રાજ્યમાં ભાજપ માટે ત્રણથી પાંચ બેઠકોની આગાહી કરી નથી.

કેરળ વિધાનસભા ચૂંટણી 2021ના આ છે કેટલાક તથ્યો !!

1. છેલ્લા 44 વર્ષથી કેરળમાં શાસક પક્ષ બીજી વાર ક્યારેય જીત્યો નથી.

2- કેરળ રાજ્યની રચના 1956 માં, ભાષાકીય ધોરણે થઈ હતી. જેમાં કોચીન, મલાબાર અને ત્રાવણકોર પ્રદેશોમાં અને કસારગોદ ક્ષેત્રનો સમાવેશ કરાયો.

3- કેરળ રાજ્યમાં વિધાનસભાની પ્રથમ ચૂંટણી ફેબ્રુઆરી-માર્ચ, 1957 માં યોજાઇ હતી. એ વખતે કેરળ વિધાનસભામાં નોમીનેટેડ સહીત કુલ 127 સભ્યો હતા. આજે વિધાનસભામાં સભ્યોની સંખ્યા 140 છે.

4- 27 ફેબ્રુઆરી, 2016 ના રોજ, કેરળને ભારતનું સૌ પ્રથમ ડિજિટલ રાજ્ય તરીકે જાહેર કરાયુ હતું.

5 કેરળના વર્તમાન શાસક લેફ્ટ ડેમોક્રેટીક ફ્રન્ટ (LDF) સીપીઆઈ-એમ, સીપીઆઈ, કેરળ કોંગ્રેસ-એમ, એનસીપી, જેડી-એસ, અને અન્ય નાના પક્ષનો સમાવેશ થાય છે.

6- યુનાઇટેડ ડેમોક્રેટિક ફ્રન્ટ (કેરળ) માં ઇન્ડિયન નેશનલ કોંગ્રેસ, ઇન્ડિયન યુનિયન મુસ્લિમ લીગ, કેરળ કોંગ્રેસ અને અન્ય નાના નાના પક્ષોનો સમાવેશ થાય છે.

7- કેરળ વિધાનસભાની વર્તમાન સભ્ય સંખ્યા
– એલડીએફ: 91 બેઠકો
– યુડીએફ: 41 બેઠકો
– ભાજપ: 1 બેઠક
– ખાલી: 7 બેઠકો

8- કેરળમા 2016ની ચૂંટણીમાં એક બેઠક જીતીને ભાજપે કેરળમાં એન્ટ્રી કરી. તિરુવંતપુરમ જિલ્લાની નેમોમ બેઠક પરથી ઓ.રાજગોપાલ ભાજપની ટિકીટ પર જીતનારા પ્રથમ સભ્ય બન્યા.

9- પિનરાય વિજયન કેરળના વર્તમાન મુખ્યપ્રધાન અને ડાબેરી લોકશાહી મોરચાના નેતા છે. તે પોતાના મત વિસ્તાર ધર્મદમથી ફરીથી ચૂંટણી લડીને જીતવાના આશાવાદી છે.

10- પિનરાય વિજયન, થેલેસરીની સરકારી બ્રેનન કોલેજમાં વિદ્યાર્થી સંઘ પ્રવૃત્તિઓ દ્વારા રાજકારણમાં પ્રવેશ્યા. આખરે તે 1964 માં ભારતની કોમ્યુનિસ્ટ પાર્ટી (માર્ક્સવાદી) માં જોડાયા.

11- કેરળ 2021ની વિધાનસભા ચૂંટણીમાં ભાજપે AIADMK, BDJS અને અન્ય નાના પક્ષો સાથે જોડાણ કર્યુ છે.

12- કેરળમાં ભાજપ, 115 બેઠકો પર ચૂંટણી લડી રહ્યુ છે અને બાકીની 25 બેઠકો ઉપર જોડાણ કરનારા સાથી પક્ષો લડ્યા છે.

13- મેટ્રો મેન તરીકે ઓળખ પામેલા ઇ શ્રીધરન, ભાજપમાંથી પલક્કડ બેઠક પરથી ચૂંટણી લડ્યા છે.

13- કેરળ ભાજપના પૂર્વ પ્રમુખ કુમ્મનમ રાજશેખરન, તિરુવંતપુરમ જિલ્લાની નેમોમ બેઠક પરથી ચૂંટણી લડી રહ્યા છે

14- કેરળ ભાજપના વડા કે સુરેન્દ્રન મંજેશ્વર અને કોન્નીમાંથી બે મતવિસ્તારમાંથી ચૂંટણી લડી રહ્યાં છે.