Jammu Kashmir: કાશ્મીરની સુરક્ષા પર IG વિજય કુમારનું નિવેદન, ખીણમાં તાલિબાન સહિતનાં તમામ પડકારોને પહોચી વળવા અમે સતર્ક

Jammu Kashmir: કાશ્મીરના પોલીસ મહાનિરીક્ષક (આઈજીપી) વિજય કુમારે શનિવારે કહ્યું કે સુરક્ષા દળો સતર્ક છે અને ખીણમાં તાલિબાન સહિત તમામ પડકારોનો સામનો કરશે. કુમારે જમ્મુ -કાશ્મીરમાં શાંતિ જાળવવા લોકોનો સહયોગ માંગ્યો. કુમારે પુલવામા જિલ્લાના અવંતીપોરા વિસ્તારમાં સેનાના વિક્ટર ફોર્સ હેડક્વાર્ટરમાં પત્રકારોને જણાવ્યું હતું કે પોલીસ અધિકારી તરીકે, અહીં જે પણ આતંકવાદી આવે છે, તેના અને સેના વિશે માહિતી એકત્ર કરવાનું મારું કામ છે.

જ્યારે કાશ્મીરમાં તાલિબાનના ખતરા વિશે પૂછવામાં આવ્યું , તેમણે કહ્યું, અમે તમામ પડકારોનો વ્યાવસાયિક રીતે સામનો કરીશું અને અમે સંપૂર્ણ એલર્ટ પર છીએ. આઇજીપીએ લોકોને આતંકવાદીઓ, આત્મઘાતી હુમલાખોરો અથવા આઇઇડી લગાવવાની યોજના ધરાવતી કોઇપણ વ્યક્તિની માહિતી શેર કરવાની વિનંતી કરતા કહ્યું કે આવા તત્વોએ નુકસાન પહોંચાડ્યું છે.

સમાજમાં જો કોઈ મોટી ઘટના બને તો સ્થાનિક લોકોને અસર થશે, તેમણે કહ્યું, “જો કોઈ મોટી ઘટના બને તો સ્થાનિક લોકોને સૌથી પહેલા ભોગ બનવું પડશે, પ્રવાસીઓ અહીં આવવાથી ડરશે, તો પછી કોના અર્થતંત્રને અસર થશે? તે સ્થાનિક અર્થતંત્ર હશે. તેથી, હું લોકોને વિનંતી કરું છું કે આવી કોઈ પણ માહિતી પોલીસ અથવા સુરક્ષા દળો સાથે શેર કરો.

રાજકીય પક્ષોના કાર્યકરો પર હુમલા અંગે પૂછવામાં આવતા કુમારે કહ્યું કે તેઓ આતંકવાદીઓ માટે સરળ નિશાન છે. રાજકીય કાર્યકરોને સતત નિશાન બનાવવામાં આવ્યા છે કારણ કે તેઓ પોલીસની જેમ સરળ નિશાન છે. ભૂતકાળમાં પણ આવું થયું છે. લોનના હત્યારાઓ જલ્દીથી પકડાઈ જશે, કુમારે કહ્યું, જો કે, જો કોઈને ખતરો હોય અથવા સંવેદનશીલ વિસ્તારમાં રહેતો હોય, તો તેને મૂલ્યાંકન બાદ સુરક્ષા પૂરી પાડવામાં આવશે.

તેમણે કહ્યું કે તેમના પક્ષના નેતા ગુલામ રસૂલ લોનની હત્યા કેસમાં પણ પોલીસને કડીઓ મળી છે. જણાવવું રહ્યું કે તાજેતરમાં કુલગામ જિલ્લામાં લોનની બેરહેમી પૂર્વક હત્યા કરી નાખવામાં આવી હતી. તેમણે જણાવ્યું કે ટૂંક સમયમાં અમે કાં તો તેમની ધરપકડ કરીશું અથવા એન્કાઉન્ટરમાં તેમને ખતમ કરીશું. ગુરૂવારે કુલગામના દેવસર વિસ્તારમાં આતંકવાદીઓએ લોનને ગોળી મારી દીધી હતી.

કાશ્મિરમાં છેલ્લા કેટલાક સમયથી આતંકવાદી ગતિવિધિ ઘણી વધી ગઈ છે તો સામે ચુસ્ત સુરક્ષા બળો પણ તેમને જવાબ આપીને મોતને ઘાટ ઉતારી રહ્યા છે. પોલીસ પર હુમલાની ઘટનાને લઈ હાલમાં ખીણ વિસ્તારમાં અને શહેરી વિસ્તારમાં સુરક્ષા વ્યવસ્થા ઘણી મજબુત કરી નાખવામાં આવી છે.