મધ્યપ્રદેશમાં મુખ્યમંત્રી કમલનાથના અંગત સચિવના ઘરે આવકવેરા વિભાગના દરોડા, 9 કરોડ રૂપિયા જપ્ત

મધ્યપ્રદેશના મુખ્યમંત્રી કમલનાથના અંગત સચિવ પ્રવીણ કક્કડ સહિત બે મિત્રોના ઘર પર આવકવેરા વિભાગની તપાસ ચાલી રહી છે. આ તપાસમાં અત્યાર સુધી 9 કરોડ રૂપિયા જપ્ત કરવામાં આવ્યા છે.

આ રેડ રાત્રે 3 વાગ્યાથી દિલ્હી અને મધ્યપ્રદેશમાં ભોપાલ અને ઈન્દોર સહિત 6 જગ્યાએ થઈ હતી. આવકવેરા વિભાગે કમલનાથના અંગત સચિવ પ્રવિણ કક્કડના વિજય નગર સ્થિત ઘર પર રેડ પાડી હતી. તે સિવાય કમલનાથના નજીકના રાજેન્દ્ર કુમાર મિગલાનીના ઘરે પણ રેડ પડી છે. આ રેડનમાં 15થી વધારે અધિકારી તપાસ કરી રહ્યા છે.

તપાસમાં મળી શકે છે વધારે રકમ

આવકવેરા વિભાગ દિલ્હીને જાણકારી મળી હતી કે લોકસભા ચૂંટણીમાં હવાલાની રકમ ફેરવવામાં આવે છે. આ સુચનાના આધારે આવકવેરા વિભાગે આ રેડ પાડી છે. આવકવેરા વિભાગે જણાવ્યુ કે આ રેડમાં 9 કરોડ રૂપિયાથી પણ વધારે રૂપિયા મળી શકે છે. કમલનાથના અંગત સચિવ પ્રવીણ કાક્કરએ વિધાનસભા ચૂંટણીમાં કૉંગ્રેસ માટે અભિયાન ચલાવ્યુ હતુ અને ભંડોળ ઊભુ કર્યુ હતુ.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]