ભારત (India)ને અત્યાર સુધીમાં ફ્રાન્સ (France)પાસેથી 30 રાફેલ ફાઈટર એરક્રાફ્ટ (Rafale Fighter Aircraft) મળ્યા છે. હવે એવું કહેવામાં આવી રહ્યું છે કે ભારતીય વાયુસેના (Indian Air Force) ટૂંક સમયમાં તેના રાફેલ ફાઈટર એરક્રાફ્ટના કાફલાને અપગ્રેડ કરવાનું શરૂ કરશે. સરકારી સૂત્રોએ જણાવ્યું છે કે ભારતીય વાયુસેનાની એક ઉચ્ચ સ્તરીય ટીમ હાલમાં ફ્રાન્સમાં છે, જે RB-008 એરક્રાફ્ટનું પ્રદર્શન જોવા માટે એસ્ટ્રેસ એરબેઝ પહોંચી છે. આ એરક્રાફ્ટ ભારત-વિશિષ્ટ ઉન્નતીકરણોથી સજ્જ છે.
એકવાર ઉન્નતીકરણને ભારતીય વાયુસેના દ્વારા મંજૂર કરવામાં આવ્યા પછી ફાઈટરને વધુ સક્ષમ બનાવવા માટે આગામી જાન્યુઆરીથી અપગ્રેડ કરવાનું શરૂ કરવાની યોજના છે. ભારતના વિશિષ્ટ ઉન્નતીકરણોમાં ભારતીય જરૂરિયાતો અનુસાર અત્યંત સક્ષમ મિસાઈલો, લો બેન્ડ જામર અને સેટેલાઈટ કોમ્યુનિકેશન સિસ્ટમનું એકીકરણ સામેલ હશે.
ભારતને 30 રાફેલ ફાઈટર જેટ (Rafael fighter jet) મળી ચૂક્યા છે અને 3 વધુ એરક્રાફ્ટ 7-8 ડિસેમ્બરે ભારત પહોંચશે. એરફોર્સના સૂત્રોએ જણાવ્યું છે કે કોન્ટ્રાક્ટ શેડ્યૂલ મુજબ કિટ ફ્રાન્સથી ભારતમાં લાવવામાં આવશે અને દર મહિને ત્રણથી ચાર ભારતીય રાફેલને ISE ધોરણો પર અપગ્રેડ કરવામાં આવશે.
ફ્રાન્સથી ભારતમાં આવનાર છેલ્લું એરક્રાફ્ટ RB-008 હશે, જેનું નામ (નિવૃત્ત) એરફોર્સના ભૂતપૂર્વ ચીફ એર ચીફ માર્શલ આર.કે.એસ ભદૌરિયા (Former Chief Air Chief Marshal RKS Bhadauria)ના નામ પરથી રાખવામાં આવ્યું છે, જેમણે ડેપ્યુટી ચીફ તરીકે કરાર પર હસ્તાક્ષર કરવામાં મહત્વની ભૂમિકા ભજવી હતી.
આ એરક્રાફ્ટને અંબાલા એરફોર્સ સ્ટેશન પર અપગ્રેડ કરવામાં આવશે, જે દેશમાં એરક્રાફ્ટનો પ્રથમ બેઝ છે. તે જ સમયે ભારતીય વાયુસેનાએ ફ્રાંસમાં તેના કર્મચારીઓને તાલીમ આપ્યા પછી દેશમાં એરક્રાફ્ટ પર તેના પાઇલટ્સને તાલીમ આપવાનું શરૂ કર્યું છે.
આ પણ વાંચો: IFFCOએ શેવાળમાંથી તૈયાર કર્યું આ જૈવિક ખાતર, પાક ઉત્પાદનની સાથે જમીનની ગુણવત્તામાં પણ કરે છે વધારો