આંતરરાષ્ટ્રીય સ્તરે ચીનને ભારતનો આર્થિક ફટકો, ડ્રેગનના વિમાનની જગ્યાએ મલેશિયાની પ્રથમ પસંદ બન્યું ભારતનું તેજસ

તેજસ ફાઈટર એરક્રાફ્ટ મલેશિયાની (Malaysia) પ્રથમ પસંદગી તરીકે ઉભરી આવ્યું છે, કારણ કે આ દક્ષિણ-પૂર્વ એશિયાઈ દેશ તેના જૂના ફાઈટર પ્લેનને (Fighter Planes) બદલવા માંગે છે.  HAL-નિર્મિત તેજસે હરીફ ચીન અને દક્ષિણ કોરિયન એરક્રાફ્ટને પાછળ છોડી દીધું છે. એચએએલના ચેરમેને કહ્યું કે તેજસ (Tejas) ચીનના એરક્રાફ્ટ જેએફ-17 અને દક્ષિણ કોરિયાના એરક્રાફ્ટ એફએ-50 કરતાં ઘણું સારું એરક્રાફ્ટ છે.

બંને પક્ષો તેજસ એરક્રાફ્ટને લઈને વાતચીત કરી રહ્યા છે, જેથી ખરીદી પ્રક્રિયાને આગળ વધારી શકાય. હિન્દુસ્તાન એરોનોટિક્સ લિમિટેડ (HAL) ના મેનેજિંગ ડિરેક્ટર અને ચેરમેન આર માધવને પીટીઆઈ-ભાષાને આપેલા ઈન્ટરવ્યુમાં જણાવ્યું હતું કે, ચીનના જેએફ-17, દક્ષિણ કોરિયાના એફએ-50, રશિયાના મિગ-35 અને યાક-130 લડાકુ વિમાનો દ્વારા મળી રહેલી સખત સ્પર્ધા છતાં મલેશિયા તેજસ ખરીદવાની વાત કરી રહ્યું છે.

ભારતે પેકેજના ભાગ રૂપે મલેશિયામાં MRO (મેન્ટેનન્સ, રિપેર અને ઓવરહોલ) સુવિધા સ્થાપવાની ઓફર કરી છે, કારણ કે મલેશિયા મોસ્કો પર લાદવામાં આવેલા પ્રતિબંધોને કારણે રશિયા પાસેથી ખરીદાયેલા Su-30 એરક્રાફ્ટના ભાગો મેળવવામાં મુશ્કેલીઓનો સામનો કરી રહ્યું છે. શું આ મોટો સોદો ટૂંક સમયમાં સમાપ્ત થશે? તેના જવાબમાં માધવને કહ્યું કે તે આ અંગે ઘણો વિશ્વાસ ધરાવે છે.

આ પણ વાંચો

ભારત કરી રહ્યું છે મદદ

રાજ્ય સંચાલિત જાયન્ટ એરોસ્પેસ કંપનીના ટોચના એક્ઝિક્યુટિવે જણાવ્યું હતું કે જો આ સોદો થાય છે, તો તે વિમાનના અન્ય સંભવિત ખરીદદારોને ખૂબ જ સારો સંકેત આપશે અને તેની સમગ્ર નિકાસ ક્ષમતાને વેગ આપશે. માધવને કહ્યું, વાતચીત લગભગ અંતિમ તબક્કામાં છે. અમે એકમાત્ર દેશ છીએ જે તેમને Su-30 એરક્રાફ્ટ તેમજ રશિયા સિવાયના દેશોના એરક્રાફ્ટ માટે સપોર્ટ ઓફર કરે છે. અમે મલેશિયાને તેના કાફલાની જાળવણી સંબંધિત દરેક જરૂરિયાતમાં મદદ કરી શકીએ છીએ. જાણવા મળ્યું છે કે ચાઈનીઝ JF-17 સસ્તું હતું, પરંતુ તે તેજસ Mk-IA વેરિઅન્ટના ટેક્નિકલ પરિમાણો અને ભારત દ્વારા ઓફર કરવામાં આવતા Su-30 ફ્લીટ મેઈન્ટેનન્સ સાથે સ્પર્ધા કરી શક્યું ન હતું.

તેજસ વિમાન ખૂબ જ શક્તિશાળી

ખરીદ પ્રક્રિયાને આગળ વધારવા માટે ઉચ્ચ અધિકારીઓ અને નિષ્ણાતોની ટીમ ટૂંક સમયમાં ભારતની મુલાકાતે આવે તેવી અપેક્ષા છે. માધવને કહ્યું કે તેજસ JF-17 અને FA-50 કરતાં ઘણું સારું એરક્રાફ્ટ છે અને ભારતીય એરક્રાફ્ટની પસંદગી મલેશિયાના લોકોને ભવિષ્યમાં તેમના કાફલાને અપગ્રેડ કરવાનો વિકલ્પ આપશે. HAL દ્વારા ઉત્પાદિત તેજસ એ સિંગલ એન્જિન અને અત્યંત સક્ષમ મલ્ટિ-રોલ ફાઇટર એરક્રાફ્ટ છે, જે ઉચ્ચ જોખમી હવાના વાતાવરણમાં કાર્ય કરવા સક્ષમ છે.

ગયા વર્ષે ફેબ્રુઆરીમાં, સંરક્ષણ મંત્રાલયે ભારતીય વાયુસેના માટે 83 તેજસ ફાઇટર જેટની ખરીદી માટે HAL સાથે રૂ. 48,000 કરોડનો સોદો કર્યો હતો. ભારતે તેજસના Mk-II વેરિઅન્ટની સાથે પાંચમી પેઢીના એડવાન્સ્ડ મીડિયમ કોમ્બેટ એરક્રાફ્ટ (AMCA) વિકસાવવા માટે USD 5 બિલિયનના મહત્વાકાંક્ષી પ્રોજેક્ટ પર કામ શરૂ કર્યું છે.