કફ સિરપને ઘાતક હોવાનું કહેવા પર આરોગ્ય મંત્રાલયનું નિવેદન આવ્યું, જાણો શું કહે છે SOP

વર્લ્ડ હેલ્થ ઓર્ગેનાઈઝેશને (WHO) ભારતીય ફાર્માસ્યુટિકલ કંપની દ્વારા બનાવવામાં આવતી ખાંસી અને શરદીના સિરપનો ઉપયોગ ન કરવાની ચેતવણી જાહેર કરી છે. WHOનો દાવો છે કે આ કફ સિરપ (Cough Syrup) પીવાથી ગાંબિયામાં 66 બાળકોના મોત થયા છે. WHOએ કહ્યું છે કે કફની દવા લોકોના સ્વાસ્થ્ય માટે ખતરનાક છે. સંગઠને તમામ દેશોને આ દવાની સપ્લાય રોકવા માટે કહ્યું છે. આ મામલે સ્વાસ્થ્ય મંત્રાલયના કેટલાક SOP પણ છે. મંત્રાલયના સૂત્રો પાસેથી પ્રાપ્ત માહિતી અનુસાર, SOP જણાવે છે કે જો વિશ્વ આરોગ્ય સંસ્થા કોઈ દેશની દવાને લઈને કોઈ માર્ગદર્શિકા બહાર પાડે છે, તો તે દવાના લેબલનો ફોટો દેશના ડ્રગ રેગ્યુલેટરને શેર કરવાની જવાબદારી WHOની છે. છ દિવસ પછી પણ ડબ્લ્યુએચઓએ ભારતના ડ્રગ કંટ્રોલર જનરલને પેકેજિંગના લેબલનો ફોટો શેર કર્યો નથી. ભારતના ડ્રગ કંટ્રોલર જનરલે આ મામલે WHOના જીનીવા ઓફિસને ઈમેલ મોકલ્યો હતો.

ગાંબિયામાં મોકલવામાં આવી હતી દવા

મેડન ફાર્માસ્યુટિકલ્સને નિકાસ માટે દવાઓ બનાવવાનું લાયસન્સ રાજ્યના ડ્રગ કંટ્રોલર, હરિયાણા દ્વારા ડ્રગ્સ એન્ડ કોસ્મેટિક્સ એક્ટ હેઠળ આપવામાં આવ્યું હતું. આરોગ્ય મંત્રાલય એ પણ તપાસ કરી રહ્યું છે કે બનાવેલ શરદી અને ઉધરસની સિરપ ગાંબિયામાં જ મોકલવામાં આવી હતી અથવા અન્ય કોઈ દેશમાં ગઈ હતી. અત્યાર સુધી માત્ર એક જ માહિતી એ છે કે આ દવા માત્ર ગાંબિયામાં જ મોકલવામાં આવી હતી.

મંત્રાલયના જણાવ્યા અનુસાર મેડન ફાર્માની દવાઓના નમૂના પરીક્ષણ માટે લેવામાં આવ્યા છે. દેશની કેન્દ્રીય અને પ્રાદેશિક દવા લેબમાં તેનું પરીક્ષણ કરવામાં આવશે. તેના ટેસ્ટ પરિણામો આગામી બે દિવસમાં આવશે. જ્યારે દેશની કોઈપણ દવા બીજા દેશમાં જાય છે, ત્યારે તે દેશ તેને બજારમાં વેચતા અથવા વાપરતા પહેલા તેનું પરીક્ષણ કરે છે. ગાંબિયામાં પરીક્ષણ કરવામાં આવ્યું ત્યારે ખામી કેમ મળી ન હતી? WHOએ કહેવું જોઈએ કે આ ચાર દવાઓનો તે દેશમાં ટેસ્ટિંગ વગર ઉપયોગ કરવામાં આવ્યો છે. આ અંગે પણ વિશ્વ આરોગ્ય સંસ્થા મૌન છે.

ગાંબિયામાં 60 બાળકોના મોત થયા છે

સપ્ટેમ્બરમાં ગાંબિયામાં 60 બાળકો મૃત્યુ પામ્યા હતા. કહેવામાં આવી રહ્યું છે કે આ બાળકોને કફ સિરપ આપવામાં આવ્યું હતું. જેના કારણે તેમની કિડનીમાં અનેક પ્રકારની સમસ્યાઓ થઈ હતી. WHOએ કહ્યું છે કે આ સિરપ પીવાથી બાળકોના મોત થયા છે.