દેશમાં 18 વર્ષથી ઉપરના 86 ટકા લોકોને ઓછામાં ઓછો રસીનો અપાઈ ચૂક્યો છે એક ડોઝ, જીનોમ સિક્વન્સિંગ માટે 36 લેબ કાર્યરત

આરોગ્ય મંત્રી મનસુખ માંડવિયાએ લોકસભામાં પૂછવામાં આવેલા એક પ્રશ્નના જવાબમાં જણાવ્યું હતું કે સરકાર ટૂંક સમયમાં 100 ટકા રસીકરણનો લક્ષ્યાંક પૂર્ણ કરશે.

Health Minister Mansukh Mandvia

TV9 Gujarati | Edited By: Bipin Prajapati | Updated on: Dec 10, 2021 | 3:40 PM

સંસદના શિયાળુ સત્ર (Winter Session of Parliament) દરમિયાન લોકસભામાં (Lok Sabha) કેન્દ્રીય મંત્રી મનસુખ માંડવિયાએ (Mansukh Mandvia) કહ્યું હતું કે અત્યાર સુધીમાં દેશના 86 ટકા લોકોને કોરોના રસીનો (Corona vaccine) ઓછામાં ઓછો એક ડોઝ આપવામાં આવ્યો છે. એન કે પ્રેમચંદ્રન, રાજીવ રંજન સિંહ, મનીષ તિવારી અને અન્ય નેતાઓ દ્વારા પૂછવામાં આવેલા પ્રશ્નના જવાબમાં તેમણે આ ટિપ્પણી કરી હતી.

કેન્દ્રીય મંત્રી મનસુખ માંડવિયાએ કહ્યું કે સરકાર 100 ટકા રસીકરણના લક્ષ્યને પૂર્ણ કરવા માટે પ્રયત્નશીલ છે અને ટૂંક સમયમાં આ લક્ષ્યાંક પણ હાંસલ કરવામાં આવશે. કોરોના રસીની સ્વાસ્થ્ય પર અસર અંગેના પ્રશ્નના જવાબમાં મનસુખ માંડવિયાએ કહ્યું કે રસીને ઘણા ટ્રાયલ, અભ્યાસ અને ટ્રાયલ પછી જ મંજૂરી આપવામાં આવે છે. તથ્યો વિના રસી વિશે કશું કહી શકાય નહીં. કારણ કે આ રસી વિશે લોકોમાં બિનજરૂરી ખચકાટ પેદા કરશે.

જીનોમ સિક્વન્સિંગ માટે દેશમાં 36 લેબોરેટરી મનસુખ માંડવિયાએ જણાવ્યું હતું કે ઓમિક્રોન વિશે દેશના વૈજ્ઞાનિકો અને નિષ્ણાતો અભ્યાસ કરી રહ્યા છે. તમામ હકીકતો સામે આવ્યા બાદ આ અંગે પણ પગલાં લેવામાં આવશે. તેમણે કહ્યું કે કોરોના સતત તેનું સ્વરૂપ બદલતો રહે છે. જીનોમ સિક્વન્સિંગ (Genome sequencing) માટે દેશમાં 36 પ્રયોગશાળાઓ છે.

ત્રીજો ડોઝ 9 મહિના બાદ લઈ શકાય, પણ જરૂરી નહી દરમિયાન, ગઈકાલે આરોગ્ય મંત્રાલયે (Ministry of Health) સ્પષ્ટતા કરી કે બંને ડોઝ લેનારાઓ માટે, 9 મહિના સુધી ત્રીજો ડોઝ લેવાની જરૂર નથી. કોરોના વાયરસના (Corona Virus) નવા વેરીઅન્ટ, ખાસ કરીને ઓમિક્રોન વેરિઅન્ટ (Omicron Variant) ના ખતરનાક વલણને ધ્યાનમાં રાખીને, વિશ્વભરમાં બૂસ્ટર ડોઝની માગ ઝડપથી વધી છે અને ભારતમાં પણ બૂસ્ટર ડોઝને મંજૂરી આપવાની જોરદાર માગ છે.

આ પણ વાંચોઃ