DELHI: ઈઝરાયેલ દુતાવાસ પાસે ધડાકા બાદ ઝાડીઓમાંથી મળ્યો IED, પોલીસે CCTVના આધારે તપાસ શરૂ કરી

DELHI POLICEના સૂત્રોના જણાવ્યા મુજબ એપીજે અબ્દુલ કલામ રોડ પર ઈઝરાયેલ દુતાવાસ પાસે થયેલા ધડાકા બાદ ઝાડીઓમાંથી IED મળ્યો છે. આ IED બોમ્બને ચાલુ કારમાંથી ફેંકવામાં આવ્યો છે. પોલીસ આજુબાજુના CCTV કેમેરાના ફૂટેજ તપાસી રહી છે. ઈઝરાયેલ દુતાવાસ પાસે થયેલા ધડાકા પાછળ અસામાજિક તત્વો હોવાની આશંકા છે. જલ્દી જ આ ઘટના પાછળના અસામાજિક તત્વોને ઝડપી લેવામાં આવશે. મળતી જણકારી પ્રમાણે હજી સુધી વાયર કે ટાઈમર જેવું કાઈ મળ્યું નથી, માત્ર બોલ-બેરીંગ મળ્યા છે.

ઈઝરાયેલ દુતાવાસ પાસે થયેલા ધડાકામાં ત્રણ કારના કાચ તૂટ્યા છે. ઈઝરાયેલના દુતાવાસ તરફથી નિવેદન જાહેર કરવામાં આવ્યું છે કે ઈઝરાયેલ દુતાવાસ પાસે IED બ્લાસ્ટ થયો છે, આ બ્લાસ્ટમાં ઈઝરાયેલ દુતાવાસના કોઈ કર્મચારી કે અધિકારી ઘાયલ થયા નથી અને સાથે જ દુતાવાસને બિલ્ડીંગને પણ કોઈ પ્રકારનું નુકસાન થયું નથી. કેન્દ્રીય ગૃહપ્રધાન અમિત શાહે દિલ્હી પોલીસ કમિશ્નર સાથે આ બ્લાસ્ટ અંગે વાતચીત કરી જાણકારી મેળવી છે. આ સાથે જ ઈન્ટેલીજન્સ અધિકારીઓએ પણ આ મામલે કેન્દ્રીય ગૃહપ્રધાન અમિત શાહ સાથે વાતચીત કરી છે.

Web Stories View more

ડાઉન ટુ અર્થ છે અરિજીત સિંહ , જુઓ ફોટો

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

1 શેર પર ટાટા કંપની ઈતિહાસનું સૌથી મોટું ડિવિડન્ડ આપશે

ઈઝરાયેલ દુતાવાસ પાસે થયેલા IED બ્લાસ્ટ બાદ દિલ્હી પોલીસ ઝીણવટભરી તપાસ કરી રહી છે. દિલ્હી પોલીસે સમગ્ર વિસ્તારને કવર કરી લીધો છે. અહીં લોકોની અવર-જવર બંધ કરવામાં આવી છે. આ ધડાકાનું સ્થાન ઈઝરાયેલ દુતાવાસથી થોડે દુર ઝીન્દાલ હાઉસ સામે છે. ફાયર બ્રિગેડ અનુસાર બરાબર પોણા છ વાગ્યે કોલ આવ્યો હતો અને આ ધડાકાના સમાચાર આપવામાં આવ્યા હતા.

આ પણ વાંચો: હરિયાણાના 14 જિલ્લામાં 30 જાન્યુઆરી સુધી મોબાઈલ ઈન્ટરનેટ સેવા પર પ્રતિબંધ