દેશમાં પ્રથમ વખત સૌથી વધુ 5991 દર્દી થયા સ્વસ્થ, 24 કલાકમાં નવા 9985 કેસ નોંધાયા

કોરોના વાઈરસની મહામારીથી સમગ્ર વિશ્વ લડી રહ્યું છે. દુનિયામાં કોરોના વાઈરસના કેસમાં સતત વધારો જોવા મળી રહ્યો છે. ભારત સરકારના કેન્દ્રીય સ્વાસ્થ્ય મંત્રાલયે દેશમાં કોરોના વાઈરસની સ્થિતિને લઈને જાણકારી આપી હતી. સ્વાસ્થ્ય મંત્રાલયે જણાવ્યું કે દેશમાં છેલ્લાં 24 કલાકમાં કોરોના વાઈરસના નવા 9985 કેસ નોંધાયા છે. જ્યારે આ જ સમયગાળામાં કોરોના વાઈરસના લીધે 279 લોકોના મોત થયા છે.

આ પણ વાંચો :   હવામાન વિભાગે કરી ભારે વરસાદની આગાહી ,જાણો ક્યાં પડી શકે છે ભારે વરસાદ?

દેશમાં કોરોના વાઈરસના સામે 1,35,206 લોકોએ જીત્યો જંગ
દેશમાં કોરોના વાઈરસના કેસમાં ઝડપથી વધારો થઈ રહ્યો છે. છેલ્લાં 24 કલાકમાં કોરોના વાઈરસના 9985 કેસ નોંધાયા અને તેની સાથે કુલ પોઝિટિવ કેસની સંખ્યા 2,76,583 થઈ ગઈ છે. દેશમાં કોરોના વાઈરસથી સંક્રમિત થયા બાદ 7745 લોકોએ દમ તોડ્યો છે. જ્યારે હાલ દેશમાં કોરોના વાઈરસની સારવાર લઈ રહ્યાં હોય એવા એક્ટિવ કેસની સંખ્યા 1,33,632 છે. જ્યારે કોરોના વાઈરસના સંક્રમણમાંથી 1,35,206 લોકો સ્વસ્થ થઈને પોતાના ઘરે પહોંચ્યા છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

દુનિયામાં કોરોના વાઈરસના સંક્રમણ વિશે વાત કરીએ તો પોઝિટિવ કેસનો કુલ આંક 73 લાખને પાર પહોંચી ગયો છે. જ્યારે કોરોના વાઈરસથી 4 લાખથી વધારે લોકોના મોત થયા છે. ભારતમાં છેલ્લાં 24 કલાકમાં કોરોના વાઈરસના 5991 દર્દી સ્વસ્થ થયા છે. ભારતમાં સ્વસ્થ થવાનો દર 48.88 ટકા નોંધાયો છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]