Corona Vaccine: છોકરીએ પોતાના લાઈફ પાર્ટનર પાસે મુકી આ ખાસ શરત, મેટ્રીમોનિઅલમાં લખ્યું કે આ રસી લેનારા સાથે જ કરીશ લગ્ન
Corona Vaccine: જીવનસાથીને શોધવામાં વાર લાગી શકે છે સાથે જ ઈચ્છિત મૂરતિયો મળવો પણ મુશ્કેલ હોય છે અને એટલે જ તેને મેળવવા માટે તમામ પ્રકારનાં પ્રયાસ કરતા હોય છે. આવા જ કોઈ ખાસ કેરેક્ટરને ધ્યાનમાં રાખીને લોકો જાહેરાત પણ આપતા હોય છે. તાજેતરમાં આવી જ એક એડવર્ટાઈઝ રસપ્રદ રીતે જોવા મળી.
Corona Vaccine: હંમેશા જ્યારે પણ તમે છાપાનાં પાના ફેરવતા હોવ અને એ સમયે તમને લગ્નની સાથે જોડાયેલી અનેક જાહેરાત પણ જોવા મળતી હશે. સ્વાભાવિક છે કે જીવનસાથીને શોધવામાં વાર લાગી શકે છે સાથે જ ઈચ્છિત મૂરતિયો મળવો પણ મુશ્કેલ હોય છે અને એટલે જ તેને મેળવવા માટે તમામ પ્રકારનાં પ્રયાસ કરતા હોય છે. આવા જ કોઈ ખાસ કેરેક્ટરને ધ્યાનમાં રાખીને લોકો જાહેરાત પણ આપતા હોય છે. તાજેતરમાં આવી જ એક એડવર્ટાઈઝ રસપ્રદ રીતે જોવા મળી.
અમે જે જાહેરાતની વાત કરી રહ્યા છે તેને જોઈને તમને પણ આશ્ચર્ય થશે. દુનિયાભરમાં કોરોનાએ કઈ રીતે ભયંકર ત્રાસ અને તબાહી મચાવી છે કે તે કોઈનાથી છુપુ પણ નથી. આવામાં લોકોમાં જાગૃતતા આવવી સારી બાબત છે. જો કે એક છોકરીએ લાઈફ પાર્ટનરની શોધ કરતા કઈક એવું કર્યુ કે જેને લઈને તેનું ચર્ચામાં આવવું સ્વાભાવિક હતું. ખરેખરમાં ન્યૂઝપેપરમાં જે લગ્નવિષયક (Matrimonial) જાહેરાત આપવામાં આવી છે તેમાં છોકરીએ પોતાના થનારા પાર્ટનર માટે ખાસ શરતો મુકી છે. આ શરત પણ પાછી રસપ્રદ છે કે જે લોકોને કોરોના વેક્સિન (Corona Vaccine) પરત્વે જાગૃત પણ કરી રહ્યા છે.
છોકરીએ પોતાની રીતે જેમ શરત મુકી છે કે લગ્ન માટે છોકરાએ કોવિશીલ્ડ વેક્સિનની બંને ડોઝ લગાવડાવેલા હોવા જોઈએ. સાથે જ છોકરીએ એ પણ લખ્યું છે કે તેણે પોતે વેક્સિનની બંને ડોઝ લઈ લીધા છે. એટલે હવે તેને એવા છોકરાની શોધ છે કે જો કે કોવિશીલ્ડનાં બંને ડોઝ સાથે પોતાના બીજા નક્કી કરેલા માપદંડ પર પણ તેણે ખરા ઉતરવાનું રહેશે. આ જાહેરાતમાં એમ પણ લખવામાં આવ્યું છે કે છોકરો પોસ્ટગ્રેજ્યુએટ હોવા સાથે સ્વતંત્ર હોવો જરૂરી છે. પુસ્તકોમાં રસ ધરાવનારો જોઈએ.
આ જાહેરાત પ્રમાણે જે પણ વ્યક્તિ આ માપદંડ પર ખરા ઉતરે છે તો તેનો સંપર્ક કરી શકે છે. કહેવા માટે તો આ મેટ્રોમોનિઅલ જાહેરાત છે પણ એમાં રહેલી અજીબોગરીબ વાત અને શરતોને વાંચીને બધાનું ધ્યાન આ જાહેરાત પર જઈ રહ્યું છે. આ જાહેરાતને જોયા પછી અનેક લોકોએ કહ્યું કે ખરેખરમાં આ શાનદાર અને રસપ્રદ મેટ્રોમોનિઅલ જાહેરાત છે, એ સિવાય પણ લોકોને જાગૃત કરવા માટે સૌથી સારો આઈડિયા છે. આ જાહેરાતને એટલે જ લોકો ખુબ પસંદ કરી રહ્યા છે.