ચીનની અવળચંડાઇ, LACમાં તૈનાત ભારતીય સૈનિકોની નજીકથી ચીનનું ફાઈટર જેટ પસાર થયું, હુમલાનો પ્રયાસ

ચીને(China) ફરી એકવાર ભારતને ઉશ્કેરતી કાર્યવાહી કરીને ભારતીય એરસ્પેસ (Indian Airspace)નું ઉલ્લંઘન કરવાનો પ્રયાસ કર્યો છે. ચીનના લડાકુ વિમાનોએ પૂર્વ લદ્દાખમાં તૈનાત ભારતીય સૈનિકોની ખૂબ નજીકથી ઉડાન ભરવાની હિંમત કરી છે. જૂનના છેલ્લા સપ્તાહમાં ચીની વાયુસેના દ્વારા કરવામાં આવેલી આ ઘટના સામે ભારતીય વાયુસેનાએ સખત વાંધો ઉઠાવ્યો છે. તમને જણાવી દઈએ કે ચીનની વાયુસેના તરફથી ભારતને ડરાવવા માટે આ ઘટના એવા સમયે કરવામાં આવી છે જ્યારે ચીની વાયુસેના પૂર્વ લદ્દાખ સાથે જોડાયેલી સરહદ પર સૈન્ય અભ્યાસમાં વ્યસ્ત છે. આ કવાયત દરમિયાન ચીની વાયુસેના દ્વારા S-400 જેવી અનેક ફાઈટર જેટ અને એર ડિફેન્સ સિસ્ટમનો પણ ઉપયોગ કરવામાં આવી રહ્યો છે.

મળતી માહિતી મુજબ, આ ઘટના જૂનના છેલ્લા સપ્તાહમાં સવારે લગભગ 4 વાગ્યે ચીને અંજામ આપી હતી. તે સમયે ભારતીય સરહદ પર તૈનાત સૈનિકોએ ચીનના ફાઇટર જેટને પૂર્વી લદ્દાખ સરહદ પરથી પસાર થતા જોયા હતા. જણાવી દઈએ કે સૈનિકોની સાથે સરહદ પર તૈનાત રડાર પર ચીની વિમાનોની હિલચાલ પણ નોંધવામાં આવી હતી. જણાવી દઈએ કે ચીનના ફાઈટર એરક્રાફ્ટના એરસ્પેસમાં હસ્તક્ષેપ બાદ ભારતીય વાયુસેનાએ સ્ટાન્ડર્ડ ઓપરેટિંગ પ્રોસિજર હેઠળ જરૂરી પગલાં લીધા છે.

ભારતીય વાયુસેનાએ ચીન દ્વારા કરવામાં આવેલી આ કાર્યવાહી સામે સખત વાંધો ઉઠાવ્યો છે, ત્યારબાદ ચીન દ્વારા કોઈપણ પ્રકારની ઉશ્કેરણીજનક કાર્યવાહી કરવામાં આવી નથી. જણાવી દઈએ કે પૂર્વી લદ્દાખ સાથે લાંબા સમયથી સરહદ વિવાદ બાદ ચીને ભારતીય સરહદ પર મોટી સંખ્યામાં ફાઈટર જેટ તૈનાત કર્યા છે. સૂત્રો પાસેથી પ્રાપ્ત માહિતી અનુસાર, આ ફાઇટર પ્લેન હોટન અને ગર ગુંસા જેવા એરફિલ્ડમાં તૈનાત કરવામાં આવ્યા છે.

એસ જયશંકર ચીનના વિદેશ મંત્રી વાંગ યીને મળ્યા

ભારતના વિદેશ પ્રધાન એસ જયશંકરે ગુરુવારે તેમના ચીની સમકક્ષ વાંગ યી સાથે મુલાકાત કરી અને પૂર્વી લદ્દાખમાં વાસ્તવિક નિયંત્રણ રેખા (LAC) પર તમામ પડતર મુદ્દાઓના વહેલા ઉકેલ પર ભાર મૂક્યો. આ સાથે, તેમણે સરહદ પરના મુકાબલાના બાકીના સ્થળોએથી સૈનિકોને પાછા ખેંચવાની પ્રક્રિયા પૂર્ણ કરવાની જરૂરિયાત વ્યક્ત કરી. બંને વિદેશ મંત્રીઓની એક કલાક સુધી ચાલેલી બેઠકમાં જયશંકરે વાંગને કહ્યું કે બંને દેશો વચ્ચેના સંબંધો પરસ્પર સન્માન, પરસ્પર સંવેદનશીલતા અને પરસ્પર હિતો પર આધારિત હોવા જોઈએ.