સાવધાન : દેશના આ વિસ્તારમાં કોરોનાના સાત મ્યુટન્ટ હતા સક્રિય, રિસર્ચમાં થયો ખુલાસો

કોરોના (Corona)ની બીજી લહેરમાં ઉત્તર પ્રદેશના પૂર્વાંચલમાં અડધો ડઝનથી વધુ કોરોના મ્યુટન્ટ(Mutant)રોગચાળો ફેલાવવા માટે જવાબદાર હોવાનું સામે આવ્યું હતું. જો કે આ ભય બીએચયુના વૈજ્ઞાનિકોએ વ્યક્ત કર્યો હતો જે સંશોધનમાં પુરવાર થયું છે. જેમાં પૂર્વાંચલમાં એક કે બે નહીં પણ સાત મ્યુટન્ટ(Mutant) હોવાના અહેવાલો પ્રાપ્ત થયા છે. આમાં પણ કોરોનાના ડબલ મ્યુટન્ટ વાયરસ વધુ અસરકારક હતો. આ ઉપરાંત, દક્ષિણ આફ્રિકામાં જોવા મળતા બીટા વેરિયન્ટ પણ અહીં સક્રિય છે.

130 નમૂનાઓને તપાસ માટે સીસીએમબી હૈદરાબાદ મોકલવામાં આવ્યા હતા

બીએચયુના ઝૂઓલોજી વિભાગની ટીમ દ્વારા પ્રોફેસર જ્ઞાનેશ્વર ચૌબે અને આઈએમએસ બીએચયુની ટીમ દ્વારા વારાણસી સહિત પાંચ જિલ્લા (વારાણસી, મિર્ઝાપુર, સોનભદ્ર, ચાંદૌલી, ગાઝીપુર) ના 130 નમૂનાઓને તપાસ માટે સીસીએમબી હૈદરાબાદ મોકલવામાં આવ્યા હતા. જેથી તે શોધી શકાય કે વારાણસીમાં જ નહીં પરંતુ આસપાસના જિલ્લાઓમાં પણ કોરોના(Corona)ની બીજી લહેરમાં કેટલા પ્રકારના કોરોના મ્યુટન્ટ(Mutant)અસરકારક હતા.

સાત પ્રકારના કોરોના મ્યુટન્ટ વિશે માહિતી મળી

જો કે આ નમૂનાના પરિણામ જે સીસીએમબી હૈદરાબાદમાં પરીક્ષણ બાદ સામે આવ્યું છે. તેમાં બનારસ સહિત આજુબાજુના જિલ્લાઓમાં એક નહીં પરંતુ સાત પ્રકારના કોરોના મ્યુટન્ટ વિશે માહિતી મળી છે. આઇએમએસ બીએચયુ એમઆરયુ લેબના વડા પ્રોફેસર રોયના સિંઘના જણાવ્યા અનુસાર, (Corona)ના ડબલ મ્યુટન્ટ વાયરસ તરીકે ઓળખાતા B.1.617 બીજી લહેરમાં વધુ અસરકારક હોવાનું જાણવા મળ્યું છે.

દક્ષિણ આફ્રિકામાં મળ્યો હતો તે મ્યુટન્ટ  મળી આવ્યો 

સીસીએમબી હૈદરાબાદના સલાહકાર ડો.રાકેશ સિંહના જણાવ્યા અનુસાર, મોટાભાગના સ્થળોએ થયેલા અભ્યાસમાં ડેલ્ટા મ્યુટન્ટ 1.617.2 સૌથી વધુ હતો. તેમણે કહ્યું કે પરીક્ષણ કરાયેલા 130 નમૂનાઓમાંથી ડેલ્ટા મ્યુટન્ટ્સ વિશેની માહિતી 36 ટકા મળી છે. બી મ્યુટન્ટ્સ જેમ કે બી 1.351 જે પ્રથમ દક્ષિણ આફ્રિકામાં મળ્યો હતો તે પણ આ પ્રદેશમાં મળી આવ્યા છે.

વાયરસના અન્ય બદલાતા સ્વરૂપો પર નજર રાખવી જરૂરી

બીએચયુના ઝૂઓલોજી વિભાગના પ્રોફેસર જ્ઞાનેશ્વર ચૌબેએ જણાવ્યું હતું કે એપ્રિલ 2021 માં જ બીએચયુની એમઆરયુ લેબમાંથી વારાણસી અને આજુબાજુના જિલ્લાઓમાંથી કોરોનાના 130 નમૂના લેવામાં આવ્યા હતા. તેને તપાસ માટે સીસીએમબી હૈદરાબાદ મોકલવામાં આવ્યો હતો. આ વિસ્તારમાં સાત જુદા જુદા પ્રકારના મ્યુટન્ટ્ના અહેવાલ મળ્યા છે. પ્રોફેસર ચૌબેએ કહ્યું કે આ પરિણામે પુષ્ટિ કરી છે કે દેશમાં સૌથી વધુ વ્યાપક કોરોના વાયરસ મ્યુટન્ટ સ્વરૂપે છે. આ ઉપરાંત દેશમાં આ વાયરસના અન્ય બદલાતા સ્વરૂપો પર નજર રાખવી જરૂરી છે જેથી તેને અટકાવી શકાય.