કેફેમાં ડેટ માટે જતા પહેલા સાવધાન! નક્કી કરેલા કાફેમાં જ બોલાવતી યુવતીઓ, બિલ આવતું 5-6 ગણું વધુ, 8 આરોપીઓની ધરપકડ
આરોપીએ જણાવ્યું કે કેફેમાં કામ કરતી છોકરીઓ ત્યાંના છોકરાઓને ડેટના નામે બોલાવતી હતી અને ખાવાની વસ્તુઓનું બિલ પાંચથી છ ગણું વધારે આવતું હતું. છોકરાઓ મજબૂરીમાં બીલ ચૂકવતા હતા. જો બિલ ચૂકવવામાં ન આવે તો છોકરાઓને બંધક બનાવીને તેમની પાસેથી બળજબરીથી પૈસા લેવામાં આવતા હતા.
દેશની રાજધાની દિલ્હી નજીક કૌશામ્બીમાંથી પોલીસે ડેટિંગના નામે છેતરપિંડી કરતી ગેંગની ધરપકડ કરી છે. આ ગેંગ એક કાફેમાંથી ચલાવવામાં આવી રહી હતી. અહીં કામ કરતી છોકરીઓ ડેટના નામે છોકરાઓને પોતાના કેફેમાં બોલાવતી હતી. આ પછી તે પોતાના કેફેમાં ખાવા માટે ઘણી વસ્તુઓ ઓર્ડર કરતી હતી. જમ્યા પછી બિલ આવ્યું ત્યારે એકદમ ઊંચું હતું. જો કે, છોકરાઓને બીલ ચૂકવવાની ફરજ પડતી હતી.
જો બિલ ચૂકવવામાં ન આવે તો છોકરાઓને બંધક બનાવીને તેમની પાસેથી બળજબરીથી પૈસા લેવામાં આવતા હતા. પોલીસે કુલ આઠ લોકોની ધરપકડ કરી છે. જેમાંથી ત્રણ પુરુષો અને પાંચ છોકરીઓ છે.
22 ઓક્ટોબરે કરવામાં આવી હતી ફરિયાદ
પોલીસે જણાવ્યું કે 22 ઓક્ટોબરે દિલ્હીના દયાલપુરમાં રહેતા એક વ્યક્તિએ આ લોકો વિરુદ્ધ લેખિત ફરિયાદ આપી હતી. પીડિતાએ જણાવ્યું હતું કે તેને ડેટના નામ પર કેફેમાં બોલાવવામાં આવ્યો હતો અને દરેક વસ્તુની કિંમત અનેક ગણી વધારે હતી. જ્યારે તેણે બિલ ચૂકવવાની ના પાડી તો તેને બંધક બનાવી લેવામાં આવ્યો. આ કેસમાં કાર્યવાહી કરીને પોલીસે આઠ લોકોની ધરપકડ કરી છે. આમાં કાફે માલિકોનો પણ સમાવેશ થાય છે. કૌશામ્બી પોલીસે ખાલિદ ઉર્ફે ઈમરાન, નદીમ અને સુમિત સહિત પાંચ યુવતીઓની ધરપકડ કરી છે. તમામ આરોપીઓ સામે કાર્યવાહી કરવામાં આવી રહી છે.
આરોપીઓએ જણાવ્યું કે તેઓ કેવી રીતે છેતરપિંડી કરતા હતા
જ્યારે પૂછપરછ કરવામાં આવી ત્યારે ધરપકડ કરાયેલા આરોપી અને કેફેના માલિકે જણાવ્યું કે, અમે અમારા કેફેમાં કામ કરતી છોકરીઓને ડેટિંગ એપ પર છોકરાઓ સાથે વાત કરવાનું કહેતા હતા. થોડીવાર વાત કર્યા પછી છોકરીઓ તેમને મળવા માટે અમારા કેફેમાં બોલાવતી હતી. છોકરાઓને કાફેમાં લાવ્યા બાદ તેમની પાસેથી મંગાવેલા સામાનના 5 થી 6 ગણા ભાવ વસૂલતા હતા અને જો તેઓ બિલ ન ચૂકવે તો તેમને બંધક બનાવીને પૈસાની માંગણી કરતા હતા.