દેશમાં પ્રથમ કિસ્સો! બિરજુ સલ્લાએ પ્લેન હાઈજેકિંગની ધમકી આપી તો કોર્ટે ફટકારી જનમટીપની સજા!

પ્લેન હાઈજેકિંગના ધમકી ભર્યો પત્ર લખવા બાબતે દોષિત બિરજુ સલ્લાને અમદાવાદ સ્થિતિ એનઆઈએની કોર્ટે જનમટીપની સજા ફટકારી છે. આ સજાની સાથે કોર્ટે આકરા દંડરુપે 5 કરોડ રુપિયા ભરવાનો આદેશ પણ આપ્યો છે.

રોચક VIDEO જોવા માટે TV9Gujartiના YOUTUBE પેજને SUBSCRIBE કરો

અમદાવાદમાં પ્લેન હાઈજેકિંગનો મામલો નોંધાયો હતો. મુંબઈથી દિલ્હી જનારી જેટ એરવેઝની ફ્લાઈટમાં એક ધમકી ભર્યો પત્ર મળ્યો હતો. આ પત્રને લઈને બિરજુ સલ્લાની સામે એન્ટી હાઈજેકિંગ એક્ટ,2017 મુજબ અમદાવાદમાં જ ગુનો નોંધાયો હતો. 2016માં આ કાયદો અમલમાં આવ્યા બાદ આ  પ્રથમ વખત ઉપયોગ બિરજુ સલ્લાના કેસમાં થયો હતો.

એનઆઈએની અમદાવાદ ખાતે આવેલી સ્પેશિયલ કોર્ટે હાઈજેકિંગના નવા કાયદાને લઈને સજા ફટકારી છે. દેશમાં આ કાયદા આવ્યા બાદ સજા ફટકારવાનો આ પ્રથમ કિસ્સો છે. 2016માં પ્લેન હાઈજેકિંગના કિસ્સાને લઈને કાયદામાં સુધારો કરીને તેને વધારે કડક બનાવવામાં આવ્યો હતો. હાઈજેકીંગની વાત તો દૂર રહી પણ પ્લેનને હાઈજેકીંગ કરવાને બદલે તેને લઈને ધમકી આપવી એ પણ ગંભીર ગુનો છે અને તેમાં આજીવન કેદની સજા થઈ શકે છે.

બિરજુ સલ્લાએ જેટ એરવેઝને બદનામ કરવા અને પોતાની એક ફ્રેન્ડને પાઠ ભણાવવા માટે પ્લેન હાઈજેકિંગની ધમકી આપી હતી. પ્લેનના ટોઈલેટમાં બિરજુ સલ્લાએ ટોઈલેટ પેપરમાં અંગ્રેજી અને ઉર્દૂમાં એક નોટ બનાવી હતી અને મુકી દીધી હતી. આ નોટ બહાર જ આવતા  પેસેન્જરોમાં ભયનો માહોલ છવાઈ ગયો હતો. બિરજુ સલ્લા પર એરલાઈનને બદનામ કરવા બાબતે કેસ નોંધાયો હતો.

આ પણ વાંચો:  જાણો કેવી રીતે પાડવામાં આવે છે વાવાઝોડાના નામ?

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]