Breaking News : કમાણી 11 કરોડ અને ખર્ચો 60 કરોડ, 22 વર્ષમાં 54 વખત વિદેશ યાત્રા, ભાજપે કહ્યું આટલું ભંડોળ કોણે પૂરું પાડ્યું?

લોકસભામાં વિરોધ પક્ષના નેતા રાહુલ ગાંધી ફરી એક વખત વિદેશ પ્રવાસે નીકળ્યા છે. ભારતીય જનતા પાર્ટી (ભાજપ) એ તેમના વિદેશ પ્રવાસની આકરી ટીકા કરી છે. ભાજપે તેમના વિદેશ પ્રવાસો માટે ફંડિંગ કોણે આપ્યું તે અંગે પ્રશ્ન ઉઠાવ્યો હતો, અને કહ્યું હતું કે રાહુલ ગાંધી જ્યારે પણ વિદેશ પ્રવાસ કરે છે ત્યારે તેમની સાથે ત્રણ કે ચાર લોકો હોય છે.ભાજપે કહ્યું છેલ્લા 22 વર્ષમાં રાહુલ ગાંધી 54 વખત વિદેશ પ્રવાસે ગયા છે.

દેશ યાત્રાનો કુલ ખર્ચ 60 કરોડ

ભાજપ પ્રવક્તા સંબિત પાત્રાએ આજે ગુરુવારે રાહુલ ગાંધીની યાત્રા પર સવાલ ઉઠાવતા કહ્યું કે, તે 22 વર્ષમાં 54 વખત વિદેશ પ્રવાસ પર ગયા છે. આ 54 વિદેશ પ્રવાસમાં કુલ 60 કરોડ રુપિયાનો ખર્ચો થયો છે. જ્યારે આ દરમિયાન તેની કમાણી 11 કરોડ હતી.સંબિત પાત્રાએ કહ્યું રાહુલ ગાંધીની દરેક વિદેશ યાત્રામાં અંદાજે 3-4 લોકોએ તેની સાથે યાત્રા કરી છે. તેની વિદેશ યાત્રાનો કુલ ખર્ચ 60 કરોડ બતાવવામાં આવી રહ્યો છે. અમારી પાસે રાહુલ ગાંધીની 2013-14 થી 2022-23 સુધીની આવકની વિગતો છે. છેલ્લા 10 વર્ષમાં રાહુલ ગાંધીની આવક 11 કરોડ હતી. આ 11 કરોડની આવકમાંથી રાહુલે 60 કરોડ ખર્ચ્યા છે.

મોટાભાગની યાત્રા રેકોર્ડમાં

લોકસભામાં નેતા પ્રતિપક્ષની વિદેશ યાત્રાની જાણકારી આપતા સંબિત પાત્રાએ કહ્યું હું એ જણાવવા માંગુ છું કે,રાહુલ ગાંધી 22 વર્ષથી ચૂંટાયેલા પદ પર છે તેમજ સાર્વજનિક રુપથી ઉપલબ્ધ જાણકારી અનુસાર તેમણે આ દરમિયાન ઈટલી,ઈંગ્લેન્ડ, અમેરિકા, જર્મની,વિયતનામ,સિંગાપુર, બહરીન,માલદીવ કતર અને યુએઈ જેવા દેશની 54 વિદેશ યાત્રાઓ કરી છે. જેમાંથી મોટાભાગની યાત્રા રેકોર્ડમાં હાજર છે.

તેમણે કહ્યું કે, રાહુલ ગાંધી સાર્વજનિક હેસ્ટ પેજ, પ્રેસ યાત્રા કાર્યક્રમ,સંસદીય અનુપસ્થિતિના રેકોર્ડ અને ફોટોના રુપમાં અનેક જાણકારી ઉપલબ્ધ છે. મારું કહેવાનો મતલબ એ છે કે,આ યાત્રાઓ સાર્વજનિક હતી. તો આની પાછળ ફંડિગના સ્ત્રોત સાર્વજનિક નથી. આટલી યાત્રાનું વિદેશ ફંડિગ કોણ કરે છે.

રાહુલ ગાંધી આજે જુનાગઢની મુલાકાતે , ભણવામાં હતા હોશિયાર જાણો પરિવારમાં કોણ કોણ છે વધુ સમાચાર માટે અહી ક્લિક કરો