Breaking News: વન રેન્ક વન પેન્શન પર મોટો નિર્ણય, સુપ્રીમ કોર્ટે એરિયર્સને લઈને આપ્યા Good News
Supreme Court Order OROP: વન રેન્ક વન પેન્શન પર સુપ્રીમ કોર્ટે કેન્દ્ર સરકારને કડક આદેશ આપ્યો છે. કોર્ટે કહ્યું કે 70 વર્ષથી વધુ ઉંમરના લોકોને 30 જૂન પહેલા ચૂકવણી કરવી જોઈએ.
Supreme Court Order OROP: વન રેન્ક વન પેન્શન પર સુપ્રીમ કોર્ટે મહત્વનો નિર્ણય સંભળાવ્યો છે. સુપ્રીમ કોર્ટે કહ્યું છે કે 70 વર્ષથી વધુ ઉંમરના પેન્શનરોને 30 જૂન, 2023 સુધીમાં સંપૂર્ણ ચૂકવણી કરવામાં આવે. દેશમાં પેન્શનધારકોની સંખ્યા લગભગ 25 લાખ છે, જેમની બાકી રકમ 28,000 કરોડ રૂપિયા છે. આ એરિયર 2019થી આપવાનું છે. નાણા મંત્રાલયે આ ચૂકવણી એકસાથે કરવામાં અસમર્થતા દર્શાવી છે.
કોર્ટે વન રેન્ક વન પેન્શન અંગે આદેશ જારી કરી દીધો છે, પરંતુ સરકારે કોઈ નક્કર પ્રસ્તાવ આપ્યો ન હતો. હવે સરકાર કહે છે કે એક જ સમયે ચૂકવણી કરવી મુશ્કેલ છે, અને કોર્ટને ત્રણ હપ્તામાં ચુકવણી મોકૂફ રાખવા માટે કહ્યું, જેને ચીફ જસ્ટિસ ડીવાય ચંદ્રચુડની બેન્ચે સ્વીકાર્યું.
કેન્દ્રએ કોર્ટને જણાવ્યું હતું કે 10-11 લાખ પેન્શનધારકોના એરિયર્સ આ વર્ષે 31 સપ્ટેમ્બર અને આવતા વર્ષે 31 માર્ચ સુધીમાં ક્લિયર થઈ જશે. જો કે, કોર્ટે સરકારને આ વર્ષે 30 એપ્રિલ સુધીમાં પરિવારના સભ્યો અને એવોર્ડ વિજેતા પેન્શનરોને OROP હેઠળ ચૂકવણી કરવાનો નિર્દેશ આપ્યો છે.
OROP સુધારો 1 જુલાઈ, 2019 થી લાગુ કરવામાં આવ્યો છે. સરકારે એક નિવેદનમાં જણાવ્યું હતું કે, 30 જૂન, 2019 સુધી નિવૃત્ત સશસ્ત્ર દળોના કર્મચારીઓને આવરી લેવામાં આવશે. જુલાઈ 2019 થી જૂન 2022 સુધી 23,600 કરોડ રૂપિયાથી વધુની બાકી રકમ ચૂકવવામાં આવશે. સરકારે સુધારેલા OROP પર અંદાજિત વધારાના વાર્ષિક ખર્ચ રૂ. 8,450 કરોડની ગણતરી કરી છે, જેમાં 31 ટકા મોંઘવારી રાહતનો સમાવેશ થાય છે.
આ યોજના અનુસાર બાકીની રકમ 4 અર્ધવાર્ષિક હપ્તામાં ચૂકવવામાં આવશે. જો કે, વિશેષ કુટુંબ પેન્શનરો અને શૌર્ય પુરસ્કાર વિજેતાઓ સહિત તમામ કુટુંબ પેન્શનરોને બાકી રકમ એક હપ્તામાં ચૂકવવામાં આવશે. તમને જણાવી દઈએ કે, 1 જુલાઈ 2014થી સરકારે પેન્શન સમીક્ષા માટે નવેમ્બર 2015માં OROP લાગુ કરવાનો ઐતિહાસિક નિર્ણય લીધો હતો. સરકારે કહ્યુ હતુ કે ,તે દર 5 વર્ષે પેન્શન પર ફરીથી સમીક્ષા કરવામાં આવશે. આ યોજના હેઠળ 8 વર્ષમાં 7,123 કરોડ રૂપિયા પ્રતિ વર્ષનાં દરે અત્યાર સુધીમાં લગભગ 57,000 કરોડ રૂપિયા ખર્ચવામાં આવ્યા છે.
