હિમાચલ પ્રદેશના (Himachal Pradesh) સોલનના કાંડાઘાટ બજારનો એક વિડીયો સામે આવ્યો છે. વાસ્તવિકતામાં આ બજારમાં એક અકસ્માત થવા પામ્યો હતો. જેનો વિડીયો નજીકમાં રહેલા CCTV માં કેદ થયો છે. પહેલી નજરે સામાન્ય લાગતો આ અકસ્માત (Himachal Pradesh Accident) ખુબ જ ખતરનાક છે. જી હા વિડીયોમાં જોવા મળી રહ્યું છે એમ બજારમાં એક ટ્રક આવે છે અને અકસ્માત સર્જાય છે. બનાવાજોગ એવી ઘટના બને છે કે સફરજનથી ભરેલી ટ્રકની બ્રેક નિષ્ફળ (truck brake fail) થઇ જાય છે અને જેના કારણે અકસ્માત સર્જાય છે. આ અકસ્માતમાં 17 વાહનોને નુકસાન થયું છે. જેને કારણે નેશનલ હાઈવે થોડા સમય માટે બંધ રહ્યો, અને જામ થઈ ગયો.
શનિવારે સોલન કાંડાઘાટના બજારમાં, NH-5 લગભગ અડધો કલાક સુધી બંધ રહ્યો હતો જ્યારે શિમલાથી સોલન તરફ જતી સફરજનથી ભરેલી ટ્રકની બ્રેક ફેઈલ થઇ જતા આગળ જતા વાહનો સાથે તે અથડાઈ હતી, ત્યારબાદ આ માર્ગ વાહનો માટે બ્લોક કરવામાં આવ્યો હતો. ટ્રક સાથેની ટક્કરમાં 16 નાના વાહનો સહિત મહિન્દ્રા પીકઅપને નુકસાન થયું હતું.
તમને જણાવી દઈએ કે આ ઘટના સવારે પોણા 10 વાગ્યે બની હતી. માર્ગ બંધ થવાના કારણે એસડીએમ કાંડાઘાટ, તહસીલદાર અને સ્ટેશન ઇન્ચાર્જ કંડાઘાટ ઘટના સ્થળે પહોંચી ગયા હતા. આ દરમિયાન, અથડાયેલા તમામ વાહનોને પોલીસે સ્થળ પરથી હટાવી દીધા હતા અને તે પછી જ આ માર્ગ વાહનોની અવરજવર માટે ખોલવામાં આવ્યો હતો.
આ પણ વાંચો: આ રાજ્ય સરકારનું કાબિલ-એ-તારીફ પગલું, દરેક સરકારી યોજના વિશે જાણવા મળશે Koo એપ પર