કર્ણાટકમાં, ભાજપના ધારાસભ્ય ચંદ્રુ લામાનીને રૂપિયા 5 લાખની લાંચ લેતા રંગે હાથે ધરપકડ કરવામાં આવી છે. કર્ણાટક લોકાયુક્ત દ્વારા ધારાસભ્યની ધરપકડ કરવામાં આવી હતી. ભાજપના ધારાસભ્ય સાથે, તેમના પીએ અને પીએસની પણ અટકાયત કરવામાં આવી છે. બંનેની પૂછપરછ કરવામાં આવી રહી છે.

ધારાસભ્ય લાંચ લેતા પકડાવા અંગેના મળતા અહેવાલો અનુસાર, લોકાયુક્તે ભાજપના ધારાસભ્યને પકડવા માટે ઔપચારિક રીતે એક ટીમ બનાવી હતી. છટકું ગોઠવવામાં આવ્યું હતું અને ધારાસભ્યની ધરપકડ કરવામાં આવી હતી. ત્યારબાદ ધારાસભ્યની પૂછપરછ કરવામાં આવી હતી. આરોપો સાબિત થયા પછી, તેમની ઔપચારિક રીતે ધરપકડ કરવામાં આવી હતી. આ કેસના સંદર્ભમાં ધારાસભ્યના બે અંગત સહાયકોની પણ અટકાયત કરવામાં આવી છે. પીએ અને પીએસની પૂછપરછ કર્યા પછી આગળની વધુ કાર્યવાહી કરવામાં આવશે તેવું જાણવા મળ્યું છે.

ભાજપના ધારાસભ્યએ 11 લાખ રૂપિયાની લાંચ માંગી

લોકાયુક્ત અધિકારીઓના જણાવ્યા અનુસાર, ગડગ જિલ્લામાં નાના સિંચાઈ વિભાગના પ્રોજેક્ટને લગતી ફાઇલ મંજૂર કરવા માટે ધારાસભ્ય ચંદ્રુ લામાનીએ લાંચ માંગી હતી. આ કામ રસ્તાની બંને બાજુ રિટેનિંગ વોલ બનાવવાનું હતું. લોકાયુક્તમાં દાખલ કરવામાં આવેલી ફરિયાદમાં જણાવાયું છે કે ગડગના વર્ગ-1 કોન્ટ્રાક્ટર વિજય પૂજારે પ્રોજેક્ટની મંજૂરી મેળવવા માટે 11 લાખ રૂપિયાની લાંચ માંગી હતી, ત્યારબાદ તેણે ભ્રષ્ટાચાર વિરોધી અધિકારીઓનો સંપર્ક કર્યો હતો.

ટીમે ધારાસભ્યને 5 લાખ રૂપિયા સ્વીકારતા પકડી પાડ્યા

ફરિયાદ બાદ, લોકાયુક્ત પોલીસે, ગઈકાલ શનિવારે છટકું ગોઠવ્યું. ભાજપના ધારાસભ્યએ ફરિયાદની પુષ્ટિ કર્યા પછી, લોકાયુક્ત પોલીસે શનિવારે છટકું ગોઠવ્યું. લમાનીને 5 લાખ રૂપિયા સ્વીકારતા પકડવામાં આવ્યા, જે કથિત માંગનો એક ભાગ છે.

વરિષ્ઠ અધિકારીઓની દેખરેખ હેઠળ લોકાયુક્ત પોલીસ ટીમ દ્વારા આ કાર્યવાહી હાથ ધરવામાં આવી હતી. ત્યારબાદ, પોલીસે ધારાસભ્યના પીએ અને પીએસને પણ પૂછપરછ માટે અટકાયતમાં લીધા હતા. લોકાયુક્ત અધિકારી કહે છે કે ધારાસભ્યએ અત્યાર સુધીમાં કેટલી લાંચ લીધી છે તે શોધવામાં આવી રહ્યું છે.

“દુર્ગા બનજો, કાલી બનજો, પરંતુ ક્યારેય બુરખાવાળી ના બનતા…” ધીરેન્દ્ર શાસ્ત્રીનો વીડિયો થયો વાયરલ