PMC બૅન્ક કૌભાંડનો મામલો 6,500 કરોડ રૂપિયાની પાર, 10.5 કરોડ રૂપિયાની રોકડ રકમની કોઈ જાણકારી નહીં

પંજાબ અને મહારાષ્ટ્ર કો-ઓપરેટિવ (PMC) કૌભાંડ મામલે મોટો ખુલાસો થયો છે. બૅન્કની ઈન્ટરનલ ઈનવેસ્ટિગેશન ટીમની તપાસમાં એ વાત સામે આવી છે કે બૅન્ક રેકોર્ડમાંથી 10.5 કરોડ રૂપિયાની રોકડ રકમ ગાયબ છે. તપાસ ટીમને રિયલ એસ્ટેટ કંપની હાઉસિંગ ડેવલપમેન્ટ એન્ડ ઈન્ફ્રાસ્ટ્રક્ચર લિમિટેડ (HDIL) અને તેની સંબંધિત કંપનીઓ દ્વારા આપેલા ઘણા ચેક મળ્યા છે.

આ ચેક બૅન્કમાં ક્યારેય જમા કરવામાં આવ્યા નથી, તે છતાં તેમને રોકડ રકમ આપી દેવામાં આવી. સાથે જ એક હેરાન કરનારી જાણકારી સામે આવી છે. પહેલા કહેવામાં આવતુ હતુ કે PMCનું આખું કૌભાંડ 4 હજાર 355 કરોડ રૂપિયાનું છે પણ હકીકતમાં આ 6,500 કરોડ રૂપિયાથી પણ વધારેનું કૌભાંડ છે.

10 કરોડ રૂપિયાથી વધારેના ચેક છે

તપાસ ટીમને જે ચેક મળ્યા છે, તે 10 કરોડ રૂપિયાથી વધારેના છે. જેમને બૅન્કમાં જમા કરાવ્યા વગર જ રોકડ રકમ આપી દીધી. બાકીના 50-55 લાખ રૂપિયાનો કોઈ હિસાબ નથી, તે સિવાય બૅન્ક અધિકારીઓએ કૌભાંડની રકમ પહેલા 4,355 કરોડ રૂપિયા બતાવી હતી, જે હવે 6,500 કરોડ રૂપિયાથી વધારેના આંકડાને પાર કરી ગઈ છે.

10.5 કરોડ રૂપિયા રોકડ ગાયબ

બૅન્કના રેકોર્ડમાંથી માત્ર 10.5 કરોડ રૂપિયા રોકડ રકમ ગાયબ થવાની જાણકારી મળી. RBI દ્વારા નિયુક્ત ટીમ આ મામલે તપાસ કરી રહી હતી, જેના દ્વારા આ વાતની જાણકારી મળી છે. આ તપાસમાં કૌભાંડની રકમ વધારે હોવાની જાણકારી પણ સામે આવી છે.

જોય થામસને ઘણા ચેક મોકલ્યા

તપાસમાં એ વાત પણ સામે આવી કે HDILની કંપનીઓને છેલ્લા 2 વર્ષમાં બૅન્કના પૂર્વ MD જોય થામસને ઘણા ચેક મોકલ્યા, તેમને રોકડ રકમ પણ આપવામાં આવી પણ ચેકને જમા કરવામાં આવ્યા નથી, ના આ ચેકની કોઈ એન્ટ્રી કરવામાં આવી છે. માનવામાં આવી રહ્યું છે કે થોમસે 50-55 લાખ રૂપિયા તેમની પાસે રાખ્યા.

FIRમાં જોડાઈ શકે છે આ રકમ

મળતી માહિતી મુજબ આ આખું કૌભાંડ લગભગ 6,500 કરોડ રૂપિયાનું છે. હવે FIRમાં આ રકમને જોડવામાં આવી શકે છે. ઉલ્લેખનીય છે કે PMCના પૂર્વ ડાયરેક્ટર જોય થામસને ગુરૂવારે 14 દિવસની ન્યાયિક કસ્ટડીમાં મોકલી દેવામાં આવ્યા છે, હાલમાં તે જેલમાં બંધ છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

ખાતાધારકોથી સંબંધિત અરજી પર સુનાવણી

ત્યારે સુપ્રીમ કોર્ટ આજે PMC બૅન્કના ખાતાધારકો સંબંધિત એક અરજી પર સુનાવણી કરશે. આ અરજી PMC બૅન્કમાં ખાતાધારકોની જમારાશિની સુરક્ષાને લઈ જોડાયેલી છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]